Header Ads

ເມືອງລະມາມ ທາບທາມການຂຶ້ນແຜນກຳນົດພະນັກງານນຳພາ-ຄຸ້ມຄອງ



ແຂວງເຊກອງ : ໃນຕອນເຊົ້າຂອງວັນທີ 16 ພະຈິກ 2017 ນີ້, ຢູ່ສະໂມສອນຫ້ອງວ່າການປົກຄອງເມືອງລະມາມ ແຂວງເຊກອງໄດ້ຈັດກອງປະຊຸມທາບທາມຂຶ້ນແຜນກຳນົດພະນັກງານນຳພາ-ຄຸ້ມຄອງ ໂດຍພາຍໄຕ້ການເຂົ້າຮ່ວມຂອງທ່ານ ປອ ແພງສີ ສີລາວີ ກຳມະການພັກແຂວງ ເລຂາພັກເມືອງເຈົ້າເມືອງລະມາມ, ເປັນກຽດເຂົ້າຮ່ວມຄັ້ງນີ້ໂດຍທ່ານ ແກ້ວມະນີ ແກ້ວບຸນຮັກ ຮອງຫົວໜ້າຄະນະຈັດຕັ້ງແຂວງ, ມີບັນດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງ ຫ້ອງການ ອ້ອມຂ້າງເມືອງ, ຂະແໜງການກ່ຽວຂ້ອງຂັ້ນແຂວງ ພ້ອມດ້ວຍຄະນະພັກ-ອຳນາດການປົກຄອງບ້ານເຂົ້າຮ່ວມ.

ໃນກອງປະຊຸມ ທ່ານ ປອ ແພງສີ ສີລາວີ ກຳມະການພັກແຂວງ ເລຂາພັກເມືອງ ເຈົ້າເມືອງລະມາມໄດ້ກ່າວວ່າ: ກອງປະຊຸມວຽກງານຂຶ້ນແຜນກຳນົດພະນັກງານນຳພາ-ຄຸ້ມຄອງ ຂັ້ນເມືອງໃນເທື່ອນີ້ມີຄວາມໝາຍຄວາມສຳຄັນເປັນຢ່າງຍິ່ງເພື່ອ ສະຫຼຸບ ຕີລາຄາ ແລະ ກວດກາຄືນການຈັດຕັ້ງຜັນຂະຫຍາຍຄຳສັ່ງເລກທີ 08/ກມສພ ລົງວັນທີ 21 ສິງຫາ2017 ວ່າດ້ວຍຂຶ້ນກຳນົດພະນັກງານນຳພາຄຸ້ມຄອງໃນທົ່ວປະເທດ, ການຈັດຕັ້ງຜັນຂະຫຍາຍມະຕິກອງປະຊຸມວຽກງານຈັດຕັ້ງຄັ້ງທີ 10 ແລະ ມະຕິກອງປະຊຸມໃຫຍ່ຄັ້ງທີ 8 ຂອງອົງຄະນະພັກເມືອງລະມາມ ເພື່ອແນ່ໃສ່ໃຫ້ສ້າງອົງການຈັດຕັ້ງພັກ-ລັດໃຫ້ໜັກແໜ້ນ, ທັງເພື່ອເປັນການຍົກສູງຄວາມສາມາດນຳພາ ແລະ ລັກສະນະນຳໜ້າຂອງການຈັດຕັ້ງໃນການສືບຕໍ່ປະຕິບັດແນວທາງປ່ຽນແປງໃໝ່ຮອບດ້ານຂອງພັກກໍ່ຄືການປະຕິບັດສອງໜ້າທີ່ຍຸດທະສາດແຫ່ງການປົກປັກຮັກສາ ແລະ ພັດທະນາສ້າງສາປະເທດຊາດກ້າວສູ່ຈຸດໝາຍທີ່ພັກເຮົາໄດ້ວາງໄວ້. ໃນກອງປະຊຸມໄດ້ຜ່ານຄຳສັ່ງເລກທີ 08, ດຳລັດຂອງລັດຖະບານເລກທີ 461/ລບ, ບົດແນະນຳເລກທີ 198 ຂອງຄະນະຈັດຕັ້ງສູນກາງພັກ, ຄຳສັ່ງແນະນຳເລກທີ 02 ຂອງຄະນະປະຈຳພັກແຂວງເຊກອງ, ຜ່ານມາດຖານເງື່ອນໄຂ ແລະ ແນະນຳການທາບທາມ ພ້ອມທັງວິທີການດຳເນີນການປອນບັດທາບທາມ ທັງນີ້ກໍ່ເພື່ອແນ່ໃສ່ການຄັດເລືອກ ແລະ ກໍານົດເອົາພະນັກງານນຳພາ-ຄຸ້ມຄອງທີ່ໄດ້ຕາມມາດຖານເງື່ອນໄຂ ແລະ ມີຄວນມຮູ້-ຄວາມສາມາດສືບຕໍ່ຊີ້ນຳໆພາໃນແຕ່ລະະຂົງເຂດວຽກງານຢູ່ເມືອງລະມາມໄດ້ຮັບການພັດທະນາດີຂື້ນເປັນກ້າວໆ.




ໃນໂອກາດນີ້, ທ່ານ ປອ ແພງສີ ສີລາວີ ກຳມະການພັກແຂວງ ເລຂາພັກເມືອງ ເຈົ້າເມືອງລະມາມໃດ້ຮຽກຮ້ອງໃຫ້ບັນດາສະຫາຍການນຳຂອງ ຂະແໜງການອີອມຂ້າງເມືອງ ແລະ ຄະນະພັກຮາກຖານ, ເລຂາໜ່ວຍພັກທົ່ວເມືອງຈົ່ງພ້ອມກັນຍົກສູງຄວາມຮັບຜິດຊອບໃນການຄົ້ນຄວ້າ ພິຈາລະນາຢ່າງທີ່ຖ້ວນເລິກເຊິ່ງ ພາວະວິໃສ ເພື່ອເຮັດໃຫ້ການປ່ອນບັດທາບທາມ, ລົງຄະແນນສຽງຊອກຫາພະນັກງານນຳພາ-ຄຸ້ມຄອງ ຂັ້ນເມືອງຄັ້ງນີ້ໃຫ້ໄດ້ຮັບໝາກຜົນດີ.




ຂ່າວ-ພາບ: ດາວສະຫວັນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.