Header Ads

ທ່ານຮອງເຈົ້າແຂວງໄຊຍະບູລີຕ້ອນຮັບທ່ານຮອງປະທານສະມາຄົມຊາວຫວຽດນາມຂັ້ນສູນກາງ





ແຂວງ ໄຊຍະບູລີ : ໃນຕອນເຊົ້າຂອງວັນທີ 13 ພະຈິກ 2017 ນີ້, ທີ່ຫ້ອງຮັບແຂກ ຫ້ອງວ່າການແຂວງ ໄຊຍະບູລີ, ທ່ານ ເພັງນິລັນ ຄຳພັນເພັງ ຮອງເຈົ້າແຂວງ ໄຊຍະບູລີ ໄດ້ຕ້ອນຮັບ ການເຂົ້າຢ້ຽມຂໍ່ານັບຂອງ ທ່ານ ຄໍາມູຍ ແກ້ວມະນີ ຮອງປະທານສະມາຄົມຊາວຫວຽດນາມ ຂັ້ນສູນກາງ ພ້ອມດ້ວຍຄະນະ.



ໂອກາດດັ່ງກ່າວ, ທ່ານ ຄໍາມູຍ ແກ້ວມະນີ ຮອງປະທານສະມາຄົມຊາວຫວຽດນາມ ຂັ້ນສູນກາງ ໄດ້ສະແດງຄວາມຂອບໃຈຕໍ່ການນຳຂອງແຂວງ ໄຊຍະບູລີທີ່ໃຫ້ການຕ້ອນຮັບຄະນະທີມງານຢ່າງອົບອຸ່ນ, ພ້ອມທັງໄດ້ລາຍງານຫຍໍ້ ກ່ຽວກັບສະພາບການເຄື່ອນໄຫວຂອງສະມາຄົມໃນໄລຍະຜ່ານມາ. ເຊິ່ງຈຸດປະສົງເພື່ອປືກສາຫາລືກັບສະມາຄົມລາວ - ຫວຽດນາມ ປະຈໍາແຂວງໄຊຍະບູລີ ກ່ຽວກັບການປະກອບອາຊີບທໍາມາຫາກີນຂອງຊາວຫວຽດນາມທີ່ດຳລົງຊີວິດຢູ່ ແຂວງໄຊຍະບູລີ, ການກໍ່ສ້າງໂຮງຮຽນມິດຕະພາບລາວ - ຫວຽດນາມ ແລະ ຫ້ອງການສະມາຄົມລາວ - ຫວຽດນາມ.


ຈາກນັ້ນ, ທ່ານ ເພັງນິລັນ ຄໍາພັນເພັງ ຮອງເຈົ້າແຂວງ ໄຊຍະບູລີ ໄດ້ສະແດງຄວາມຊົມເຊີຍຕໍ່ຄະນະທີມງານສະມາຄົມຊາວຫວຽດນາມ ຂັ້ນສູນກາງ ທີ່ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ, ພ້ອມທັງໄດ້ລາຍງານສະພາບລວມການຂະຫຍາຍຕົວ ເສດຖະກິດຂອງແຂວງເປັນຕົ້ນແມ່ນ: ການຜະລິດກະສິກຳຕິດພັນກັບການປຸງແຕ່ງ, ການຄ້າ, ການບໍລິການ ແລະ ການທ່ອງທ່ຽວ, ນອກນີ້ຍັງມີໂຮງງານຂະໜາດນ້ອຍ, ມີອຸດສາຫະກຳໄຟຟ້າ ແລະ ອື່ນໆ, ສະເລ່ຍລາຍຮັບໄດ້ 2,510 ໂດລາສະຫະລັດຕໍ່ຄົນຕໍ່ປີ. ພ້ອມນີ້ຍັງໄດ້ປຶກສາຫາລືກ່ຽວກັບການທໍາມາຫາກີນຂອງຊາວຫວຽດນາມ ແຂວງໄຊຍະບູລີ, ການກໍ່ສ້າງໂຮງຮຽນມິດຕະພາບລາວ - ຫວຽດນາມ ແລະ ຫ້ອງການສະມາຄົມລາວ - ຫວຽດນາມຕື່ມອີກ.


ຂ່າວ : ແຂວງໄຊຍະບູລີ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.