Header Ads

ບໍລິສັດ MMG LXML ບໍ່ຄຳ-ບໍ່ທອງ ເຊໂປນມອບ ເຄື່ອງອຸປະກອນ ກູ້ຊີບ-ກູ້ໄພແກ່ມູນນິທິ ອາສາຊ່ວຍເຫຼືອຜູ້ປະສົບໄພ ແຂວງ ສະຫວັນນະເຂດມູນຄ່າ 23,450,000 ກີບ





ແຂວງສະຫວັນນະເຂດ :  ວັນທີ 20/11/2017 ທີ່ສຳນັກງານ ມູນນິທິ ອາສາຊ່ວຍເຫຼືອຜູ້ປະສົບໄພ ແຂວງ ສະຫວັນນະເຂດ ໄດ້ມີພິທີມອບ ເຄື່ອງອຸປະກອນ ກູ້ຊີບ-ກູ້ໄພ ໂດຍການຊ່ວຍເຫຼືອຈາກ ບໍລິສັດ MMG LXML ບໍ່ຄຳ-ບໍ່ທອງ ເຊໂປນ ລວມມູນຄ່າທັງໝົດ 23,450,000 ກີບ  


ສໍາລັບການຊ່ວຍເຫຼືອໃນຄັ້ງນີ້ ແມ່ນຕ່າງໜ້າມອບໂດຍ  ທ່ານ ສະໝານ ອາເນກາ ຜູ້ອຳນວຍການ ແລະ ຜູ້ຈັດການດ້ານປະສານງານກັບຜູ້ມີສ່ວນຮ່ວມ ບ/ສ MMG ລ້ານຊ້າງ ມີເນໂຮນສ໌ ລິມີເຕັດ, ທ່ານ ໂລບີ້ນ ຮາມີນຕັ້ນ ໂຄດ- ຜູ້ຈັດການດ້ານປະສານງານພາຍນອກ ປະຈຳຫ້ອງການເມວເບີນ MMG, ທ່ານ ຄຳໃສ ວິໄລວົງ ທີ່ປືກສາອາວຸໂສ ບ/ສMMG ລ້ານຊ້າງ ມີເນໂຮນສ໌ ລິມີເຕັດ  ແລະ ທ່ານ ຈັນທອນ ເນົ່ວະລາດ ຮອງອຳນວຍການ ແລະ ຫົວໜ້າໜ່ວຍງານພົວພັນກັບລັດຖະບານ ບ/ສ MMG ລ້ານຊ້າງ ມີເນໂຮນສ໌ ລິມີເຕັດ





ໃນພິທີມອບກ່າວຮັບໂດຍ ທ່ານ ພທັ ມະນິເພັດ ບຸບຜາລາສີ ປະທານ ມູນນິທິ ອາສາຊ່ວຍເຫຼືອຜູ້ປະສົບໄພ ແຂວງສະຫວັນນະເຂດ ໃນນັ້ນຍັງມີ ສື່ມວນຊົນເຂົ້າຮ່ວມ. ໃນການຊ່ວຍເຫຼືອດັ່ງກ່າວ ພວກຂ້າພະເຈົ້າໃນນາມການຈັດຕັ້ງທາງສັງຄົມ ຂໍຂອບໃຈນຳຄະນະບໍລິສັດ MMG ລ້ານຊ້າງ ມີເນໂຮນສ໌ ລີມີເຕັດ ທີ່ເຫັນຄວາມສຳຄັນວຽກງານຊ່ວຍເຫຼືອສັງຄົມຂອງອົງການຈັດຕັ້ງພວກເຮົາ ແລະ ເຄື່ອງອຸປະກອນດັ່ງກ່າວ ທາງອົງກອນພວກເຮົາຈະໄດ້ນຳໃຊ້ໃຫ້ເກີດປະໂຫຍດແກ່ສັງຄົມໃຫ້ດີທີ່ສຸດ 





ທີ່ມາ: ມູນນິທິ ອາສາຊ່ວຍເຫຼືອຜູ້ປະສົບໄພ ແຂວງ ສະຫວັນນະເຂດ--------------------------------

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.