Header Ads

ກອງປະຊຸມຄົບຄະນະບໍລິຫານງານພັກເມືອງ-ເມືອງເງິນ ຄັ້ງທີ 9 ສະໄໝທີ IV

      

 ກອງປະຊຸມຄົບຄະນະບໍລິຫານງານພັກເມືອງ-ເມືອງເງິນ ຄັ້ງທີ 9 ສະໄໝທີ  IV ໄດ້ອັດລົງຢ່າງເປັນທາງການ ໃນຕອນເຊົ້າຂອງວັນທີ 3 ພະຈິກ 2017  ນີ້ ຢູ່ທີ ຫ້ອງປະຊຸມຫ້ອງວ່າການປົກຄອງເມືອງເງິນ ແຂວງ ໄຊຍະບູລີ, ໂດຍການເປັນ ປະທານ ຂອງສະຫາຍ ບຸນມີ ຈັນທິບ ກຳມະການພັກແຂວງ ເລຂາຄະນະບໍລິຫານງານ ພັກເມືອງ ເຈົ້າເມືອງ, ມີຄະນະບໍລິຫານງານພັກເມືອງ, ຫົວໜ້າຫ້ອງການ, ເລຂາຄະນະພັັກຮາກຖານ ກຸ່ມບ້ານ, ອົງການ,ກົມກອງ , ແລະ ເລຂາໜ່ວຍພັກ ນາຍບ້ານ ເຂົ້າຮ່ວມ.


          ກອງປະຊຸມ ໄດ້ສະຫຼຸບຕີລາຄາຄືນ ຜົນງານການຊີ້ນຳໆພາຕະຫຼອດໃນໄລຍະ 9 ເດືອນທີ່ຜ່ານມາ ເຊີ່ງມີດ້ານດີ ແລະ ດ້ານອ່ອນ ຂໍ້ຄົງຄ້າງຕໍ່ແຜນພັດທະນາເສດຖະກິດສັງຄົມໃນໄລຍະຜ່ານມາ ຈາກນັ້ນກໍ່ໄດ້ຄົ້ນຄວ້າປະກອບຄຳຄິດເຫັນ ໃສ່ບົດສະຫຼຸບ ເພື່ອເສີມຂະຫຍາຍ ດ້ານດີ ປັບປຸງແກ້ໄຂຈຸດອ່ອນ  ໂດຍສະເພາະແມ່ນທິດທາງແຜນການ 3 ເດືອນຕໍ່ໜ້າ ສືບຕໍ່ສຶກສາອົບຮົມການເມືອງ-ແນວຄິດ,ໃຫ້ສະມາຊິກພັກ,ພະນັກງານ, ແລະ ປະຊາຊົນບັນດາເຜົ່າ ໃຫ້ກ້ວາງຂວາງເລີກເຊີ່ງ ນຳເອົາມູນເຊື້ອວັນຊາດ ທີ 2ທັນວາ ຄົບຮອບ 42 ປີ, ວັນຄ້າຍວັນເກີດຂອງປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກ ຄົບຮອບ 97 ແລະ ວັນສ້າງຕັ້ງເມືອງເງິນ ຄົບຮອບ 25 ປີ ລົງເຜີຍແຜ່ເຊື່ອມຊຶມໃຫ້ປະຊາຊົນ, ເອົາໃຈໃສ່ ລົງຊຸກຍູ້ສົ່ງເສີມ ໃຫ້ປະຊາຊົນ ປູກພືດລະດູແລ້ງ ທັງເປັນການສ້າງຂະບວນການກະກຽມ ໃສ່ງານຊວງເຮືອປະຈຳປີ 2017 ນີ້ ໃຫ້ມີບັນຍາກາດຟົດຟື້ນ  .
         
ໂດຍ: ສຸລິຍາ ແສງເດືອນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.