Header Ads

ອາດີດຮອງນາຍົກລັດຖະມົນຕີຢ້ຽມຢາມ ແລະ ເຮັດວຽກຢູ່ເມືອງໄຊສະຖານ ແຂວງໄຊຍະບູລີ






 ແຂວງໄຊຍະບູລີ : ທ່ານສົມສະຫວາດ ເລັງສະຫວັດ ອາດິດຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ຢ້ຽມຢາມ ແລະ ເຮັດວຽກຢູ່ເມືອງ ໄຊສະຖານ ແຂວງໄຊຍະບູລີ, ໃຫ້ກຽດຕ້ອນຮັບ ແລະ ນໍາພາຢ້ຽມຢາມໂດຍ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ.


ກ່ອນອື່ນ, ທ່ານ ອາດິດຮອງນາຍົກລັດຖະມົນຕີ ໄດ້ຮັບຟັງ ການລາຍງານສະພາບລວມໂດຍຫຍໍ້ ຈາກຫົວໜ້າກຸ່ມ ຊຸມຊົນຊື່ນໃຈ ກຸ່ມຜະລິດຊາໃບໝ້ຽງຂອງບ້ານສະແມດໃຫຍ່ ແລະ ບ້ານສະແມດນ້ອຍ ເມືອງ ໄຊສະຖານ, ເຊິ່ງທ່ານ ໄດ້ຍົກໃຫ້ເຫັນ ສະພາບການຂະຫຍາຍຕົວຂອງຊຸມຊົນຊື່ນໃຈ, ຂໍ້ສະດວກ,ຂໍ້ຫຍຸ້ງຍາກ ແລະ ບັນຫາທ້າທາຍ ທີ່ເປັນອຸປະສັກໃນການພັດທະນາຊຸມຊົນ, ຊຸມຊົນຊື່ມໃຈໄດ້ສ້າງຕັ້ງຂື້ນໃນທ້າຍປີ 2012 ທັງສອງບ້ານມີສະມາຊິກ 42 ຄວບຄົວ ແຕ່ລະຄວບຄົວສາມາດຜະລິດຊາໃບໝ້ຽງໄດ້ 1 ໂຕນກວ່າ.



ໃນໂອກາດດຽວກັນ ທ່ານ ອາດິດຮອງນາຍົກລັດຖະມົນຕີ ກໍ່ໄດ້ເນັ້ນໜັກໃຫ້ສະມາຊິກ ຊຸມຊົນຊື່ນໃຈ ທັງສອງບ້ານ,ເປັນຕົ້ນແມ່ນໃຫ້ສືບຕໍ່ແກ້ໄຂບັນຫາຂໍ້ຫຍຸ້ງຍາກເປັນຕົ້ນແມ່ນ: ການຂະຫຍາຍແນວພັນຊາໃບໝ້ຽງພື້ນບ້ານ ແລະ ການປົກປັກຮັກສາ ຕິດພັນກັບການຄ້າ ແລະ ບໍລິການອື່ນໆ,ເພື່ອເປັນການສ້າງລາຍຮັບໃຫ້ປະຊາຊົນ; ພ້ອມດຽວກັນກໍ່ປຸກລະດົມນັກທຸລະກິດໃຫ້ເຂົ້າມາລົງທຶນໃສ່ກະສິກຳ,ຕິດພັນກັບໂຮງງານຜະລິດປຸງແຕ່ງສຳເລັດຮູບກັບທີ່; ນອກນັ້ນກໍ່ເອົາໃຈໃສ່ສົ່ງເສີມນັກຮຽນທີ່ຈົບມໍ 7 ໃຫ້ເຂົາເຈົ້າໄດ້ຮຽນຕໍ່ວິຊາຊີບເພື່ອສ້າງເປັນພະນັກງານສືດທອດໃນອະນາຄົດ; 


ຈາກນັ້ນທ່ານ ອາດິດຮອງນາຍົກລັດຖະມົນຕີ ກໍ່ໄດ້ໄປຢ້ຽມຢາມ ກອງບັນຊາການ ທະຫານເມືອງໄຊຊະຖານ ໂດຍການຕ້ອນຮັບຂອງທ່ານ ບຸນຊູ ທອງແຫວນ ຫົວໜ້າການເມືອງ ກອງບັນຊາການ ທະຫານເມືອງໄຊຊະຖານ ພ້ອມດ້ວຍຄະນະພັກຄະນະບັນຊາ, ຂ່າວຍັງໃຫ້ຮູ້ຕື່ມວ່າ ໃນວັນທີ 16 ພະຈິກ ນີ້, ທ່ານ ອາດິດຮອງນາຍົກລັດຖະມົນຕີ ໄດ້ເດີນທາງຢ້ຽມຢາມສວນຟາມ, ສວນຢາງພາລາ, ຟາມລ້ຽງງົວພັນຊີ້ນ ແລະ ຟາມລ້ຽງຄວາຍພັນຊີ້ນ ຂອງທ່ານ ນາງ ຊວນ ເມືອງພຽງ ແຂວງໄຊຍະບູລີ ຕື່ມອີກ.
ພາບ ແລະ ຂ່າວ: ໄຊຍະບູລີ
  
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.