Header Ads

ສະກັດຈັບສອງສ່ຽວກຳລັງລັກລອບ ນຳຢາບ້າໄປຂາຍ



ໃນການສະກັດຈັບ ແລະ ຕ້ານຢາ ເສບຕິດ ເຖິງແມ່ນວ່າ ເຈົ້າໜ້າທີ່ຈະສຸມ ໃສ່ວຽກງານຢ່າງຕັ້ງໜ້າ, ສາມາດແກ້ໄຂ ບັນຫາຢາເສບຕິດໄດ້ເປັນຈຳນວນຫຼວງ ຫຼາຍ ແລະ ຈັບກຸມຜູ້ຖືກຫາມາລົງໂທດ ຕາມລະບຽບກົດໝາຍ ແຕ່ບັນຫາ ດັ່ງກ່າວ ບໍ່ສາມາດຫຼຸດລົງໄດ້ຖ້າຫາກປັດສະຈາກ ການໃຫ້ຄວາມຮ່ວມມືຂອງພໍ່-ແມ່ປະ ຊາຊົນຄອຍເປັນຫູເປັນຕາ ຊ່ວຍເຈົ້າໜ້າທີ່ຕິດຕາມການເຄື່ອນໄຫວ ແລະ ລາຍ ງານ ເພື່ອຕິດຕາມສະກັດຈັບບໍ່ໃຫ້ບັນຫາຢາເສບຕິດແຜ່ຂະ ຫຍາຍໄປສູ່ວົງກວ້າງ ດັ່ງເຈົ້າໜ້າທີ່ຕຳຫຼວດໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງບໍລິຄັນ ແຂວງບໍລິຄຳໄຊ ສະກັດ ຈັບຜູ້ຖືກສົງໄສວ່າກຳລັງລັກລອບນຳຢາບ້າໄປຂາຍໃຫ້ພັກພວກຢູ່ເສັ້ນທາງເລກ 4B ບ້ານຜາເມືອງ ຫາ ບ້ານຫ້ວຍຄູນ ເມືອງບໍລິຄັນ ຈຳນວນ 2 ຄົນ ຊື່ທ້າວ ອາເລັກ ອາຍຸ 20 ປີ ຢູ່ບ້ານວັດທາດ ເມືອງບໍລິຄັນ ແລະ ທ້າວ ແກ້ວລັນດອນ ອາຍຸ 23 ປີ ຢູ່ບ້ານໂພນສີ ເມືອງປາກຊັນ ແຂວງບໍລິຄຳໄຊ ພ້ອມຂອງກາງຢາບ້າ 58 ເມັດ ໄປດຳເນີນຄະດີ.
ພົນລະເມືອງດີໄດ້ແຈ້ງຕໍ່ເຈົ້າໜ້າທີ່ ໃນວັນທີ 25 ຕຸລາ 2017 ວ່າ: ຈະມີ ການລັກລອບຊື້-ຂາຍຢາເສບຕິດຢູ່ເທດ ສະບານເມືອງບໍລິຄັນ ໂດຍຈະນຳໃຊ້ ເສັ້ນທາງເລກ 4B ຢູ່ບ້ານຜາເມືອງ ຫາ ບ້ານຫ້ວຍຄູນ; ຈາກນັ້ນ, ເຈົ້າໜ້າທີ່ ໜ່ວຍງານສະກັດກັ້ນ ແລະ ຕ້ານຢາ ບ້າເສບຕິດ ປກສ ເມືອງບໍລິຄັນ ນຳກຳ ລັງລົງຕິດຕາມຢູ່ເຂດດັ່ງກ່າວ ຮອດ ເວລາ 15 ໂມງ 30 ນາທີ ເຫັນລົດເປົ້າໝາຍ ຖືກສົງໄສເປັນຊາຍ 2 ຄົນ ຂັບລົດຈັກເວບ 100, ສີຂຽວຫົວເປັດ ບໍ່ມີທະບຽນ ລົງມາແຕ່ບ້ານຜາເມືອງໄປບ້ານຫ້ວຍຄູນ ຈຶ່ງເຂົ້າສະກັດຢຸດທຳການກວດຄົ້ນພົບຂອງກາງຢາບ້າຈຳ ນວນ 60 ເມັດ ຈຶ່ງກັກຕົວພວກກ່ຽວມາກອງບັນຊາການ ປກສ ເມືອງ ເພື່ອສອບສວນຫາທີ່ມາຂອງກາງ.
ຜ່ານການສືບສວນ-ສອບສວນຂອງ ເຈົ້າໜ້າທີ່ໜ່ວຍງານສືບສວນ-ສອບ ສວນ ພວກກ່ຽວສາລະພາບຕໍ່ເຈົ້າໜ້າ ທີ່ວ່າ: ກ່ອນຈະຊື້ຢາບ້າມາຂາຍຄັ້ງນີ້ແມ່ນ ໄດ້ເລີ່ມພົວພັນເສບມາແຕ່ຕົ້ນ ປີ 2017 ເສບມືລະ 1-2 ເມັດ ຢາບ້າ ທີ່ນຳມາ ເສບແມ່ນໄດ້ຊື້ນຳພັກພວກທີ່ຮ່ວມຂະ ບວນການເສບນຳກັນ ຈົນມາເດືອນສິງ ຫາ 2017 ຈຶ່ງເລີ່ມຊື້ຂາຍ ຄັ້ງລະ 10-20 ເມັດ ຢາບ້າທີ່ຊື້ມາຂາຍແມ່ນໄດ້ຊື້ນຳ ທ້າວ ກ ( ໃນນາມສົມມຸດ ) ຢູ່ບ້ານ ຜາເມືອງ ເມືອງບໍລິຄັນ ຢາບ້າແມ່ນໄດ້ ນຳໄປຂາຍໃຫ້ໄວລຸ້ນ ແລະ ພັກພວກ ທີ່ຮ່ວມກັນເສບມາກ່ອນນັ້ນ, ມາວັນ ທີ 25 ຕຸລາ 2017 ທັງສອງໄດ້ຊັກ ຊວນກັນອອກເງິນໄປຊື້ຢາບ້ານຳທ້າວ ກໍ ຈຳນວນ 60 ເມັດ ໂດຍນຳໃຊ້ລົດ ຈັກເວບ 100 ສີຂຽວ ຫົວເປັດ ບໍ່ມີທະ ບຽນ; ຈາກນັ້ນ, ໄດ້ເສບຢາບ້າຢູ່ທີ່ເຮືອນຂອງທ້າວ ກ ຈຳນວນ 2 ເມັດ ເມື່ອອອກ ມາຮອດລະ ຫ່ວາງບ້ານໂພນສະຫວາດ ກັບບ້ານໂພນທອງ ເມືອງບໍລິຄັນ ແຂວງບໍລິຄຳໄຊ ມີເຈົ້າໜ້າທີ່ເຂົ້າມາກັກຕົວ ແລ້ວ ກວດຄົ້ນ ພົບຂອງກາງຢາບ້າຈຳນວນ 58 ເມັດ ໄປດຳເນີນຄະດີ.
 ແຫຼ່ງຂ່າວ: ນສພ ຄວາມສະຫງົບ
----------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.