Header Ads

ປກສ ແຂວງສະຫວັນນະເຂດ ມ້າງກຸ່ມຄ້າຂາຍຢາບ້າທີ່ບໍ່ຢ້ານກົວຕໍ່ກົດໝາຍ



ເຖິງແມ່ນວ່າທຸກພາກສ່ວນ ອົງການຈັດຕັ້ງສັງຄົມຈະປະກອບ ສ່ວນເຂົ້າໃນວຽກງານປ້ອງກັນຄວາມສະຫງົບຢ່າງຕັ້ງ ໜ້າ ເປັນຕົ້ນແມ່ນວຽກງານສະກັດກັ້ນ ແລະ ຕ້ານຢາເສບຕິດ ໂດຍແຈ້ງແຫຼ່ງຂ່າວການເຄື່ອນໄຫວຂອງກຸ່ມຄົນບໍ່ດີ ຕໍ່ເຈົ້າໜ້າທີ່ ເພື່ອທຳການສະກັດ ກັ້ນ ແລະ ແກ້ໄຂ ເຊິ່ງຜ່ານມາສາ ມາດແກ້ໄຂໄດ້ເປັນຈຳນວນຫຼວງຫຼາຍ ແຕ່ບັນ ຫາດັ່ງກ່າວນີ້ບໍ່ທັນໝົດ ໄປຈາກສັງຄົມ, ເພາະຍັງມີກຸ່ມຄົນ ບໍ່ດີຈຳນວນໜຶ່ງບໍ່ຢ້ານກົວຕໍ່ລະບຽບກົດໝາຍບ້ານ ເມືອງວາງອອກ ເຊັ່ນການເຄື່ອນໄຫວຄ້າຂາຍຢາ ເສບຕິດຢູ່ຫຼາຍຂົງເຂດ.


ດັ່ງຄະດີໃນວັນທີ 17 ພະຈິກ ຜ່ານມານີ້ ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດ ມ້າງກຸ່ມແກ້ງລັກລອບ ແລະ ຊື້ຂາຍຢາເສບຕິດປະເພດຢາບ້າ ມີຜູ້ຖືກຫາຈຳນວນ 4 ຄົນ ແລະ ຂອງກາງ 2,000 ກວ່າເມັດ ຈາກການຊັດ ທອດຂອງພັກພວກທີ່ຖືກຈັບຕົວ ກ່ອນໜ້ານັ້ນ. ເຈົ້າໜ້າທີ່ໜ່ວຍງານວິຊາສະ ເພາະໄດ້ເປີດເຜີຍໃຫ້ຮູ້ວ່າ: ພາຍຫຼັງສືບຮູ້ ໃນວັນທີ 14 ພະຈິກ 2017 ມີກຸ່ມຄົນບໍ່ດີຈຳນວນໜຶ່ງເຄື່ອນໄຫວຄ້າ ຂາຍຢາເສບຕິດຢູ່ບ້ານອຸ່ມນາມຄອງ ເມືອງສອງຄອນ ແຂວງສະຫວັນນະເຂດ. ຈາກນັ້ນ, ຈຶ່ງໄດ້ແຕ່ງຕັ້ງເຈົ້າໜ້າ ທີ່ວິຊາສະເພາະລົງໄປກວດກາສະຖານທີ່ດັ່ງກ່າວພົບວ່າ ມີມູນຄວາມຈິງແທ້ ຮອດເວລາ 12 ໂມງ ຂອງວັນດຽວກັນ ຈຶ່ງ ວາງແຜນເຂົ້າສະກັດຈັບຕົວພວກກ່ຽວຈຳນວນ 4 ຄົນ ຊື່ທ້າວ ສຸພາ ລັກ ອາຍຸ 32 ປີ, ທ້າວ ສົມພອນ ອາຍຸ 23 ປີ ທັງສອງຢູ່ບ້ານນາໂມງ, ທ້າວ ປີ້ງ ອາຍຸ 22 ປີ ແລະ ທ້າວ ກາໂນ້ ອາຍຸ 25 ປີ ທັງສອງຢູ່ບ້ານຫ້ວຍມ່ວງ ທັງໝົດ ຢູ່ເມືອງໄຊ ພູທອງ ແຂວງສະຫວັນນະເຂດ ພ້ອມຂອງກາງຢາບ້າ ຈຳນວນ 2,074 ເມັດ ເງີນກີບຈຳນວນ 460.000 ກີບ ລົດຈັກ 2 ຄັນ, ໂທ ລະສັບ 5 ໜ່ວຍ, ປືນສັ້ນປະດິດ ຈໍານວນ 2 ກະບອກ ມາສອບ ສວນ.

ຜ່ານການສອບສວນພວກກ່ຽວສາລະພາບວ່າ: ກ່ອນຈະຄ້າ ຂາຍຢາເສບຕິດ ແມ່ນໄດ້ພົວພັນເສບມາກ່ອນ ໂດຍ ເສບມື້ລະ 1-2 ເມັດ ຢາບ້າທີ່ນໍາມາເສບແມ່ນໝູ່ທີ່ ຫຼິ້ນນຳກັນຊັກຊວນໃຫ້ເສບ ແລະ ເອົາຢາບ້າມາເສບເປັນ ປະຈຳ ຕົກມາເດືອນກັນຍາ 2017 ຈຶ່ງຮ່ວມກັນອອກເງິນໄປຊື້ຢາບ້າມາຈຳນວນ 1-2 ມັດ ແລະ ເຮັດມາແລ້ວປະມານ 2-3 ຄັ້ງ ສໍາລັບ ຢາບ້າຈຳນວນດັ່ງກ່າວ ທີ່ທາງເຈົ້າ ໜ້າທີ່ຢຶດໄດ້ໃນຄັ້ງນີ້ ແມ່ນຊື້ນຳ ພັກພວກທີ່ຮ່ວມຂະບວນການຄ້າ ຂາຍນຳກັນ ຢູ່ເຂດຕົວເມືອງ ຊື້ຄັ້ງ ລະ 1-2 ມັດ ເມື່ອໄດ້ຢາບ້າມາແລ້ວກໍນຳໄປຈໍາໜ່າຍໃຫ້ກັບພັກພວກທີ່ຮ່ວມຂະ ບວນ ການເສບ ແລະ ຂາຍຢູ່ພາຍໃນບ້ານ ແລະ ເທດສະບານເມືອງ ສ່ວນເງິນທີ່ໄດ້ຈາກການຄ້າຂາຍຢາເສບຕິດນັ້ນ ໄດ້ເອົາ ໄປໃຊ້ຈ່າຍຫຼິ້ນກິນແບບ ຟຸມເຟືອຍໝົດ.

ເຈົ້າໜ້າທີ່ ໃຫ້ຮູ້ອີກວ່າ: ການມ້າງຄະດີດັ່ງກ່າວນັ້ນແມ່ນສືບເນື່ອງມາຈາກການມ້າງຄະດີຂອງທ້າວ ບາຍ ອາຍຸ 57 ປີ ແລະ ທ້າວ ເພັດສະໄໝ ອາຍຸ 34 ປີ ທັງສອງຢູ່ບ້ານໄຜ່ ເມືອງຈຳພອນ ແຂວງສະຫວັນນະເຂດ ໃນຄັ້ງນັ້ນສາມາດ ຢຶດຂອງກາງຢາບ້າຈຳນວນ 541 ເມັດ, ເງິນກີບ 15,000,000 ກີບ, ເງິນບາດ 23,600 ບາດ ແລະ ລົດ ໃຫຍ່ ໜຶ່ງຄັນ. ຈາກນັ້ນ, ໄດ້ສອບສວນຂະຫຍາຍຜົນ ຈຶ່ງໄດ້ຊັດທອດ ຫາພັກພວກທີ່ຮ່ວມຂະບວນການຄືທ້າວ ສຸພາລັກ, ທ້າວ ສົມພອນ, ທ້າວ ປີ້ງ ແລະ ທ້າວ ກາໂນ້ ທີ່ ພວກກ່ຽວຜັດປ່ຽນກັນນຳເອົາຢາ ບ້າທີ່ສັ່ງຊື້ມາສົ່ງໃຫ້ຕາມຈຸດນັດ ໝາຍຢູ່ຕາມເສັ້ນທາງ, ຮ້ານອາ ຫານ ແລະ ສະຖານທີ່ປ່ຽວ-ມືດ ຫຼື ຢູ່ໃນປ່າ ເພື່ອຫຼົບລ່ຽງການຕິດຕາມຂອງເຈົ້າ ໜ້າທີ່, ໃນມື້ຖືກກັກຕົວນັ້ນແມ່ນວັນທີ 16 ພະຈິກ 2017 ໄດ້ຊື້ຢາບ້ານຳພວກກ່ຽວ ທັງ 4 ຄົນນີ້ຈຳນວນ 1 ມັດ ເທົ່າກັບ 2.000 ເມັດ ແລ້ວນຳໄປຂາຍໃຫ້ ກັບໄວລຸ້ນພາຍໃນບ້ານ ແລະ ເທດສະບານເມືອງ ຈຳນວນໜຶ່ງຍັງເຫຼືອຢູ່ 741 ເມັດ ຮອດເວລາ 16:00 ໂມງ ມີໄວລຸ້ນໂທລະສັບມາຫາບອກວ່າ ໃຫ້ເອົາຢາບ້າຈຳນວນ 1 ຖົງນ້ອຍ ເທົ່າກັບ 200 ເມັດ ໄປ ສົ່ງໃຫ້ຢູ່ເສັ້ນທາງບ້ານໄຜ່ ເມືອງ ຈຳພອນ ພາຍຫຼັງໄປຮອດສະຖານ ທີ່ນັດໝາຍ ໄວລຸ້ນໄດ້ຂັບລົດຈັກ ເວບຈີນສີແດງ ບໍ່ມີປ້າຍທະບຽນມາເອົາຢາບ້າ ພ້ອມທັງຈ່າຍເງິນໃຫ້. ຈາກນັ້ນ, ປະມານ 10 ນາທີ ມີຜູ້ຍິງໂທລະສັບ ມາວ່າຕ້ອງການຢາບ້າຈຳນວນ 2 ຖົງ ໂດຍ ໃຫ້ຈຸດຊື້ຂາຍຢູ່ຕໍ່ໜ້າຮ້ານອາຫານ ແຫ່ງໜຶ່ງເຂດບ້ານໄຜ່ ເມື່ອໄປຮອດ ຈຸດນັດໝາຍໄດ້ພາກັນນັ່ງ ຖ້າຍິງສາວຄົນດັ່ງກ່າວນັ້ນ ໄດ້ປະ ມານ 5 ນາທີ ກໍມີເຈົ້າໜ້າທີ່ເຂົ້າ ມາກວດຄົ້ນ ພົບຂອງກາງຢາບ້າຈຳນວນ 541 ເມັດ ມາດຳເນີນຄະດີ.
ຕໍ່ກັບຄະດີທັງສອງເລື່ອງນີ້ເຈົ້າ ໜ້າທີ່ຍັງຈະໄດ້ສອບສວນຂະຫຍາຍ ຜົນ ຫາພັກພວກທີ່ຮ່ວມຂະບວນການນຳກັນ ມາດຳເນີນຄະດີຕາມລະບຽບກົດໝາຍ. ນອກນີ້ຍັງຮຽກ ຮອງໃຫ້ພໍ່ແມ່ປະຊາຊົນທຸກຊັ້ນຄົນ ຊ່ວຍເປັນຫູເປັນຕາໃຫ້ ເຈົ້າໜ້າທີ່ໃນການຕິດຕາມກຸ່ມຄົນບໍ່ ດີ ເພື່ອລາຍງານໃຫ້ເຈົ້າໜ້າທີ່ກ່ຽວ ຂ້ອງ ຫຼື ອຳນາດການປົກຄອງບ້ານຂັ້ນ ພື້ນຖານ ເພື່ອລົງແກ້ໄຂທັນເວລາ.
 ພາບ ແລະ ຂ່າວ: ນສພ ຄວາມສະຫງົບ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.