Header Ads

ຄຳມ່ວນ ກະກຽມເປີດປີທ່ອງທ່ຽວພ້ອມກັບງານບຸນພຣະທາດສີໂຄດຕະບອງ



ທ່ານ ຂັນຕີ ໂພທິນ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວປະຈຳແຂວງຄຳມ່ວນ ໃຫ້ສຳ ພາດຕໍ່ນັກຂ່າວທ້ອງຖິ່ນກ່ຽວກັບການຫ້າງຫາກະກຽມການເປີດປີທ່ອງທ່ຽວລາວ 2018  ຂອງແຂວງຄຳມ່ວນ ໂດຍສະ ເພາະແມ່ນໄດ້ເອົາໃຈໃສ່ຊຸກຍູ້ວຽກງານປ້ອງກັນຊາດ-ປ້ອງກັນຄວາມສະຫງົບ, ການພັດທະນາຜະລິດຕະພັນທ່ອງທ່ຽວ ແລະ ຂະບວນການອື່ນໆທີ່ຕິດພັນ ເພື່ອເປັນຄວາມພ້ອມໃຫ້ແກ່ການຈັດງານປີທ່ອງທ່ຽວລາວ. ເຊິ່ງໃນນີ້ແມ່ນໄດ້ພັດທະນາ ບັນດາພື້ນຖານໂຄງລ່າງຂອງ ແຫຼ່ງທ່ອງທ່ຽວ ເປັນຕົ້ນແມ່ນແມ່ນການພັດທະນາຈຸດຊົມວິວພູຜາມ່ານ ເມືອງຄູນຄຳ, ສ້າງທ່າຂຶ້ນ-ລົງເຮືອເຂດບ້ານທ່າລັ່ງ ເມືອງນາກາຍ, ການສ້າງເສັ້ນທາງເຂົ້າຫາແຫຼ່ງທ່ອງທ່ຽວຖໍ້າຊ້າງ ບ້ານຖ້ຳ ເມືອທ່າແຂກ ແລະ ການປັບປຸງບໍລິເວນອ້ອມຮອບ ເດີ່ນພຣະທາດສີໂຄດຕະບອງ ເຊິ່ງປະກອບມີການສ້າງເສັ້ນທາງເບຕົງ, ເດີ່ນຈອດລົດ, ຮ່ອງລະບາຍນ້ຳ, ຂົວ, ຫ້ອງນໍ້າສາທາລະນະ, ການປັບປຸງເດີ່ນຫຍ້າ ແລະ ສິ່ງອຳນວຍຄວາມສະດວກອື່ນໆ ເພື່ອຮອງຮັບ ໃຫ້ແກ່ນັກທ່ອງທ່ຽວທີ່ເຂົ້າມາໃຊ້ບໍລິການໃນສະຖານທີ່ທ່ອງທ່ຽວຕ່າງໆໄດ້ມີຄວາມປະທັບໃຈ ເຊິ່ງໄດ້ຮັບທຶນສະໜັບສະໜູນຈາກທະນາຄານພັດທະນາອາຊີ ຫຼື ADB.




ນອກນັ້ນກໍ່ໄດ້ຈັດຝຶກອົບຮົມໃຫ້ແກ່ພະນັກງານນຳທ່ຽວ, ຝຶກອົບ ຮົມທາງດ້ານຄວາມປອດໄພໃຫ້ແກ່ການທ່ອງທ່ຽວ, ການປຸງແຕ່ງອາຫານ, ການຂຽນແຜນອື່ນໆ ແລະ ຈັດຝຶກອົບຮົມໃຫ້ ແກ່ພະນັກງານທີ່ຮັບຜິດຊອບວຽກງານທ່ອງທ່ຽວໃຫ້ມີຄວາມເຂັ້ມແຂງໃນການເຮັດໜ້າທີ່ບໍລິການສັງຄົມ, ການເກັບກຳສະຖິຕິການທ່ອງ ທ່ຽວ, ປັບປຸງຂອດບໍລິການ, ບ້ານພັກ, ໂຮງແຮມ, ຮ້ານອາຫານ, ຫົວໜ່ວຍທຸລະກິດນຳທ່ຽວ, ພາຫະນະ ຮັບໃຊ້ໃຫ້ແກ່ການທ່ອງທ່ຽວ, ການສ້າງເງື່ອນໄຂສົ່ງເສີມການທ່ອງທ່ຽວ ໂດຍສະເພາະການທ່ອງທ່ຽວເຊື່ອມຕໍ່ລະຫວ່າງ ແຂວງກັບແຂວງ ແລະ ບັນດາປະເທດໃກ້ຄຽງທີ່ມີການພົວພັນກັນຜ່ານມາ ລວມເຖິງການປູກຈິດສຳນຶກເຮັດໃຫ້ສັງຄົມ ໄດ້ເຂົ້າໃຈບົດບາດ, ຄວາມສຳຄັນຂອງການທ່ອງທ່ຽວ ເພື່ອຮອງຮັບໃຫ້ແກ່ການເປີດປີທ່ອງທ່ຽວລາວ 2018 ໂດຍສະເພາະກໍ່ຄື ການພັດທະນາເຮັດໃຫ້ແຫຼ່ງທ່ອງທ່ຽວ ພາຍໃນແຂວງໃຫ້ມີການຂະຫຍາຍຕົວ ເພື່ອດຶງດູດໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ເຂົ້າມາທ່ຽວພາຍໃນແຂວງໃຫ້ຫຼາຍຂຶ້ນແຕ່ລະປີ. ສຳລັບພິທີການເປີດປີທ່ອງທ່ຽວ 2018 ແຂວງຄຳມ່ວນແມ່ນຈະໄດ້ຈັດຂຶ້ນພ້ອມກັບງານບຸນນະມັດສະການພຣະທາດສີໂຄດຕະບອງ ໃນນັ້ນແມ່ນຈະໄດ້ ມີການວາງສະແດງຜະລິດ ຕະພັນສິນຄ້າຂອງທ້ອງຖິ່ນ ໂດຍສະເພາະແມ່ນຜະລິດຕະພັນເຄື່ອງຈັກສານ, ເຄື່ອງປັ້ນດິນເຜົາ, ຫັດຖະກຳຕໍ່າແຜ່ນ, ຜະລິດຕະພັນອຸດສາຫະກຳ, ກະສິກຳ, ການຈັດເທດສະການອາຫານ, ຂະບວນການກິລາ, ສີລະປະ-ວັນນະຄະດີ ແລະ ອື່ນໆທີ່ຕິດພັນກັບຮີດຄອງປະເພນີຂອງທ້ອງຖິ່ນ ເພື່ອເຮັດໃຫ້ມີຫຼາກຫຼາຍກິດຈະກຳ ແນໃສ່ສ້າງຄວາມເບີກບານມ່ວນຊື່ນໃຫ້ແກ່ມວນຊົນທີ່ຈະມາທ່ຽວຊົມໃນງານດັ່ງກ່າວ.


ພາບ ແລະ ຂ່າວ : ຂ່າວຄໍາມ່ວນ 
---------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.