Header Ads

ລັດຖະມົນຕີກະຊວງ ຮສສ ຕ້ອນຮັບ ທູດອິນໂດເນເຊຍ ເຂົ້າຢຽມອຳລາ



ໃນວັນທີ 23 ພະຈິກ 2017 ຢູ່ນະຄອນຫລວງວຽງຈັນ, ທ່ານ ປອ ຄໍາແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ( ຮສສ ) ໄດ້ໃຫ້ກຽດຕ້ອນຮັບ ການເຂົ້າຢ້ຽມຂໍ່ານັບອຳລາ ຂອງ ທ່ານ Irmawan Emir Wisnander ເອກອັກຄະລັດຖະທູດ ວິສາມັນຜູ້ມີອໍານາດເຕັມແຫ່ງ ສາທາລະນະລັດອິນໂດເນເຊຍ ປະຈໍາລາວ ພາຍຫລັງສໍາເລັດ ການປະຕິບັດໜ້າທີ່ການທູດ ຢູ່ ສປປ ລາວ ເປັນເວລາ 3 ປີກວ່າ.





ໂອກາດນີ້ ທ່ານລັດຖະມົນຕີ ໄດ້ສະແດງຄວາມຊົມເຊີຍ ແລະ ຂອບໃຈຕໍ່ທ່ານທູດ ທີ່ໄດ້ປະ ກອບສ່ວນສົ່ງເສີມ ແລະ ຊຸກຍູ້ການພົວພັນຮ່ວມມື ລະຫວ່າງ ລາວ-ອິນໂດເນເຊຍ ໃຫ້ນັບມື້ນັບກວ້າງຂວາງ ໃນໄລຍະການປະຕິບັດໜ້າທີ່ການທູດຢູ່ ສປປ ລາວ ອັນພົ້ນເດັ່ນ ການເດີນທາງມາຢ້ຽມຢາມ ສປປ ລາວ ຢ່າງເປັນທາງການ ຂອງຜູ້ນໍາຂັ້ນສູງຂອງສອງປະເທດ ກໍຄື ໄດ້ຍົກລະດັບການຮ່ວມມື ໃນຫລາຍດ້ານ ເຊັ່ນ : ວຽກງານໄພພິບັດ, ແລກປ່ຽນຂໍ້ມູນຂ່າວສານ ເຊິ່ງກັນ ແລະ ກັນ ອັນໄດ້ນຳຜົນປະໂຫຍດ ມາສູ່ປະຊາຊົນສອງຊາດລາວ-ອິນໂດເນເຊຍ, ພ້ອມນີ້, ທ່ານລັດຖະມົນຕີ ໄດ້ອວຍພອນໃຫ້ ທ່ານທູດ ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ ປະສົບຜົນສໍາເລັດໃນການປະຕິບັດໜ້າທີ່ໃໝ່.
ທ່ານ Irmawan Emir Wisnander ກໍໄດ້ສະແດງຄວາມຂອບໃຈຕໍ່ ທ່ານ ປອ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມກໍຄື ລັດຖະບານ ແລະ ປະຊາຊົນລາວບັນດາເຜົ່າ ທີ່ໄດ້ໃຫ້ການສະໜັບສະໜູນ, ຊຸກຍູ້ຊ່ວຍເຫລືອການຮ່ວມມື ເປັນຢ່າງດີຕະຫລອດໄລຍະທີ່ໄດ້ມາປະຕິບັດໜ້າທີ່ການທູດຢູ່ ສປປ ລາວ ຈົນໄດ້ຮັບຜົນສໍາເລັດເປັນຢ່າງດີ.

ຂ່າວ: ເພັດສະໄໝ (ກະຊວງແຮງງານ ແລະ ສະຫວັດດີດານສັງຄົມ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.