Header Ads

ລົດຕູ້ໂດຍສານຕົກເຫວ ເຂດພູພະ ເມືອງຫີນເຫີບ ແຂວງວຽງຈັນ ຜູ້ໂດຍສານ 6 ຄົນ ເຈັນສາຫັດ 2 ຄົນ





ແຂວງວຽງຈັນ :  ໃນວັນທີ17/11/2017 ເວລາປະມານ14:50 ນາທີ ໜ່ວຍກູ້ໄພນະຄອນຫຼວງ ໄດ້ຮັບແຈ້ງເຫດເຂົ້າໝາຍເລກສຸກເສີນ1624ວ່າມີອຸບັດຕິເຫດ ລົດຕູ້ໂດຍສານຕົກເຫວ ເຂດພູພະ ເມືອງຫີນເຫີບ ແຂວງວຽງຈັນ.






ດັ່ງນັ້ນ, ໜ່ວຍກູ້ໄພນະຄອນຫຼວງຈຶ່ງໄດ້ອອກກວດສອບເຫດຮ່ວມກັບໂຮງໝໍແຂວງວຽງຈັນ ແລ້ວພົບເຫັນ ລົດຕົກລົງໄປປະມານ 60 ແມັດ ແລະ ຜູ້ບາດເຈັບຈຳນວນຫຼາຍເຊິ່ງມີພົນລະເມືອງດີຊ່ວຍກັນເອົາຄົນເຈັບຂຶ້ນມາຈາກບ່ອນທີ່ຕົກ ລວມມີ 6 ຄົນ ເຊິ່ງ 4 ຄົນແມ່ນມີອາການ ບາດແຜຖະຫຼອກຕາມຕົນໂຕ ແລະ ອີກ 2 ຄົນແມ່ນມີອາການສາຫັດ ທີມງານໜ່ວຍກູ້ໄພນະຄອນຫຼວງຈຶ່ງໄດ້ປະຖົມພະຍາບານເບື້ອງຕົ້ນນຳສົ່ງໂຮງໝໍແຂວງວຽງຈັນ.






ສໍາລັບຂໍ້ມູນເພີ່ມເຕີມ ທີມງານເຮົາໄດ້ຈັດທີມກູ້ໄພ ແລະ ເຈົ້າໜ້າທີ່ຕຳຫຼວດລົງກວດກາເພື່ອໃຫ້ແນ່ໃຈວ່າບໍ່ມີຜູ້ບາດເຈັບຕິດຢູ່ໃນລົດແລ້ວ ພົບວ່າລົດຄັນດັ່ງກ່າວແມ່ນຍັງຕົກບໍ່ຮອດພື້ນແຕ່ໄປຄ່າຢູ່ຕົ້ນໄມ້ໃຫ່ຍເຊິ່ງຫ່າງຈາກຖະໜົນປະມານ 60 ແມັດ . ສໍາລັບອຸບັດຕິເຫດໃນຄັ້ງນີ້ໂຊກດີບໍ່ມີຜູ້ເສຍຊິວິດ.

ຂ່າວທີ່ກ່ຽວຂ້ອງ : ເຫດລົດຕົກແຫວ ພູພະ ເມືອງຫີນເຫີບ ແຂວງວຽງຈັນ





ພາບ ແລະ ຂ່າວ: ໜ່ວຍກູ້ໄພນະຄອນຫຼວງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.