Header Ads

ລາຍລະອຽດ ພິທີສະຫຼອງ ອານຸສາວະລີ ວິລະກະສັດ ເຈົ້າອານຸວົງ ຄົບຮອບ 7 ປີ (11-12 ພະຈິກ 2017)


ເນື່ອງໃນໂອກາດ ສະຫຼອງວັນປະດິດສະຖານ ອານຸສອນ ເຈົ້າອານຸວົງ ຄົບຮອບ 7 ປີ ວັນທີ 2/11/2010 - 2/11/2017

ອົງການປົກຄອງ ເມືອງຈັນທະບູລີ ພ້ອມດ້ວຍອົງການ ອພສ ເມືອງຈັນທະບູລີ, ອພສ ນະຄອນຫຼວງວຽງຈັນ, ປະຊາຊົນທຸກຊັ້ນຄົນຕ່າງໆ ແລະ ຄະນະ ສວນເຈົ້າອານຸວົງ ຈະໄດ້ຈັດງານສະເຫຼີມສະຫຼອງ ວັນປະດິດສະຖານ ອານຸສາວະລີ ເຈົ້າອານຸວົງ ຄົບຮອບ 7 ປີ ແລະ ຕັ້ງກອງອັດຖະ ເພື່ອ ອຸທິດ ໃຫ້ແກ່ດວງວິນຍານ ຂອງ ເຈົ້າອານຸວົງ, ບັນດາທ່ານ, ບັນພະບູລຸດ ຜູ່ນໍາພັກລັດ ຂອງລາວ.

ພິທິດັ່ງກ່າວຈະໄດ້ຈັດຂຶ້ນ ທີ່ສວນເຈົ້າອານຸວົງ ເມືອງຈັນທະບູລີ, ນະຄອນນຫຼວງວຽງຈັນ ເຊິ່ງມີລາຍລະອຽດດັ່ງນີ້.




ວັນສຸກ ທີ 10 ພະຈິກ 2017: ເປັນມືຫ້າງຫາກະກຽມ

ວັນເສົາ ທີ 11​ ພະຈິກ 2017: ກົງກັບ  ມື້ແຮມ 8 ຄໍ່າ ເດືອນ 12 ພສ 2560 ເປັນມື້ຕັ້ງກອງບຸນ ແລະ ຫ້າງຫາກະກຽມເຄື່ອງ ສັງຄະທານຕ່າງໆ. ເວລາ 15:30 ແຫ່ ອຸບປະຄຸດ ຕາມປະເພນີ.​ຫຼັງຈາກນັ້ນ ເວລາ 17:00 ມີພິທີສູດ ປະລິຕະມຸງຄຸນ. ຕອນຄໍ່າ ມີການຄົບງັນຕາມປະເພນີ. ຮັບການໂມທະນາທານ ແລະ ສົມທົບທຶນ ໃນການປະດັບປະດາ ຕິດແຜນຫີນສີລາ ແລະ ກໍ່ສ້າງແທ່ນ ລຶບພະສູນ

ວັນອາທິດ ທີ 12​ ພະຈິກ 2017: ກົງກັບ ມື້ ແຮມ 9 ຄໍ່າ ເດືອນ 12 ພສ 2560, ເວລາ 5:00 ເຊົ້າ ຈະໄດ້ມີການຖວາຍມຸງຄຸນ,​ ຈາກນັ້ນ ເວລາ 7:00​ ຈະໄດ້ ມີການ ຕັກບາດ ຖວາຍສັງຄະທານ ແດ່ພຣະສົງ ລວມ 125​ ອົງ. ເວລາ 8:00​ ຖວາຍພັດຕະຫານ ແດ່ພຣະສົງ.




ດັ່ງນັ້ນ, ຈິ່ງແຈ້ງຂ່າວ ມາຍັງບັດາຜູ່ນຳພັກ-ລັດ, ການຈັດຕັ້ງທຸກຂັ້ນ, ຫົວໜ່ວຍທຸລະກິດ, ຫ້າງຮ້ານຕ່າງໆ ແລະ ປະຊາຊົນທຸກໆ ທ່ານທັງພາຍໃນ ແລະ ຕ່າງປະເທດ, ໂດຍສະເພາະ ຊາວນະຄອນຫຼວງວຽງຈັນ,​ຕ່າງແຂວງ ໄດ້ຮັບຊາບ ແລະ ສະຫຼະເວລາ ອັນມີຄ່າ ມາຮ່ວມສ້າງບຸນກຸສົນນຳພວກຂ້າພະເຈົ້າດ້ວຍ.

ຂໍອຳນາດ ແຫ່ງຄຸນພຣະລັດຕະນະໄຕ ແລະ ສິ່ງສັກສິດ ທັງຫຼາຍ ໃນສາກົນລະພິພົບ ຈົ່ງບັນດານ ປະທານພອນ ໃຫ້ແກ່ທ່ານພ້ອມດ້ວຍຄອບຄົວ ຈົ່ງເປັນຜູ່ຈະເລີນໄປດດ້ວຍຈະຕຸພິດທະພອນໄຊ ທັງ 4 ປະການ ຄື: ອາຍຸ ວັນນະ ສຸຂະ ພາລະ. ປະຕິພານ ທະນະສານ ສົມບັດຈົ່ງບັງເກີດ ແດ່ທ່າ່ນຕາມຄວາມປາດຖະໜາທຸກປະການດ້ວຍເທີ້ນ.

ໝາຍເຫດ: ຄະນະກຳມະການຈັດງານ ມີຄວາມຍິນດີ ແຈ້ງຂ່າວ ເຊີນຊວນ ບັນດາທ່ານທັງຫຼາຍ ປະກອບສ່ວນບໍລິຈາກ ອາຫານຕອນເຊົ້າ, ສວາຍ ແລະ ຄໍ່າ ຕາມສັດທາ ສຳລັບງ່ານ ວັນທີ 11 ພະຈິກ 2017 ແລະ ອາຫານຈັ່ງຫັນ ເຊົ້າວັນທີ 12 ພະຈິກ 2017. ພ້ອມທັງເຊີນຊວນ ຮ່ວມເປັນ ເຈົ້າສັດທາ ສ້າງແຜ່ນສີລາໃສ່ອານຸສາວະລີເຈົ້າອານຸວົງ. ພ້ອມກັນນີ້, ຖ້າທ່ານໃດ ປະສົງຈະຕັ້ງກອງບຸນແດ່ ເຈົ້າອານຸວົງ ກໍ່ຂໍເຊີນແຈ້ງເຈດຈຳນົງ ໃຫ້ຄະນະກຳມະການຈັດງານຮັບຊາບລ່ວງໜ້າ

ໂທ: 02022277519, 020555502723, 02022215552


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.