Header Ads

ລົດເສຍຫຼັກກະທັນຫັນ ຕຳເອົາເສົາໄຟຟ້າ ສະຫຼົບຄາທີ່ ຢູ່ເມືອງຫຼວງພະບາງ! (ມີຄລິບຕອນເກີດເຫດ)


ຫຼວງພະບາງ: ເວລາປະມານ 21:40 ວັນທີ 5 ພະຈິກ 2017 ເກີດອຸບັດຕິເຫດ ລົດເກງນ້ອຍ ຊຸຊຸກິ ທະບຽນ ກຳແພງນະຄອນ ກຜ 4172 ເສຍຫຼັກ ກະທັນຫັນໄປຕຳ ເອົາເສົາໄຟຟ້າ ຂ້າງທາງ ທີ່ເມືອງ ຫຼວງພະບາງ, ແຂວງຫຼວງພະບາງ ເຮັດຜູ່ຂັບຂີ່ ສະຫຼົບຄາທີ່, ສ່ວນຄົນນັ່ງມານຳຢູ່ດ້ານຫຼັງໄດ້ຮັບບາດເຈັບສົມຄວນ.​


ຈຸດເຫດເຫດ ແມ່ນເສັ້ນທາງເຂດ ບ້ານຄົກວ່າ ເມືອງຫຼວງພະບາງ, ຈາກຄລິບກ້ອງວົງຈອນປິດຂອງປະຊາຊົນ ທີ່ຢູ່ແຄມທາງ ໄດ້ບັນທຶກ ໄດ້ເຫດການ ລົດຄັນດັ່ງກ່າວ ທີ່ຂີ່ມາດີ້ ແລ້ວ ເສຍຫຼັກ ເຈີດ ກະທັນຫັນໄປຕຳເອົາເສົາໄຟຟ້າ ຂ້າງທາງ.

ຄວາມແຮງ ເຮັດໃຫ້ດ້ານໜ້າຂອງລົດ ເສຍຫາຍຢ່າງໜັກ,​ ຜູ່ຂັບຂີ່ ເປັນຜູ້ຍິງ ແມ່ນສະຫຼົບ ແລະ ຜູ່ໂດຍສານສອງຄົນ ແມ່ນເຈັບ ສົມຄວນ. ພົນລະເມືອງດີ ໄດ້ຊ່ວຍກັນ ນຳສົ່ງໂຮງໝໍ.

ຂໍ້ມູນບອກໃຫ້ຮູ້ວ່າ ລົດຄັນດັ່ງກ່າວ ແມ່ນໄປງານຂຶ້ນເຮືອນໃໝ່ ແລະ ອອກກຳແອນ້ອຍ, ກ່ອນຈະມາເກີດອຸບັດຕິເຫດ ທີ່ຈຸດດັ່ງກ່າວ.

ຫຼວງພະບາງ ແມ່ນຍັງບໍ່ທັນມີໜ່ວຍກູ້ໄພ ເວລາເກີດອຸບັດຕິເຫດ ການຊ່ວຍເຫຼືອ ກໍ່ຍັງຊັກຊ້າ, ຖ້າຈະຖ້າລົດໂຮງໝໍມາຮັບ ແຮງຮ້າຍ ກ່ອນຊິມາຮອດ.​ຈິ່ງຮຽກຮ້ອງໃຫ້ ທາງພາກສ່ວນ ທີ່ກ່ຽວຂ້ອງ ໄດ້ພິຈາລະນາ ສ້າງໜ່ວຍກູ້ໄພ ຫຼື ມີໜ່ວຍງານ ຊ່ວຍອຸບັດຕິເຫດ ທາງທ້ອງຖະໜົນ ເພາະ ອຸບັດຕິເຫດ ຢູ່ເມືອງຫຼວງພະບາງ ແມ່ນເກີດຂຶ້ນແຕ່ລະວັນ ຫຼາຍສົມຄວນ.








ພາບແລະຂ່າວ: ມາໄລທອງ ອິນທະວົງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







No comments

Powered by Blogger.