Header Ads

ຮ່ວມກັນຄ້າຢາບ້າ ໄປບໍ່ລອດ ຖືກຈັບພ້ອມຂອງກາງ 6 ມັດ



ໃນວັນທີ 9 ພະຈິກ 2017 ນີ້ ທາງພະແນກ ສະກັດກັນ ແລະ ຕ້ານຢາເສບຕິດ ປກສ ແຂວງບໍ່ແກ້ວໄດ້ຮັບແຫ່ງຂ່າວຈາກພົນລະເມືອງດີວ່າຈະມີການຄ້າ-ຂາຍ ຢາເສບຕິດ ຢູ່ທີ່ບ້ານພັກແຫ່ງຫນຶ່ງ ໃນເທດສະບານເມືອງຫ້ວຍຊາຍ ແຂວງບໍ່ແກ້ວ.
ດັ່ງນັ້ນ, ທາງເຈົ້າໜ້າທີ່ຂອງພວກເຮົາຈຶງໄດ້ສົມທົບ ກັບພາກສ່ວນທີ່ກ່ຽວຂ້ອງ ລົງກວດກາ-ຕິດຕາມແຫຼ່ງຂ່າວເຫັນວ່າມີມູນຄວາມຈິງ ຈຶ່ງໄດ້ແຕ່ງຕັ້ງເຈົ້າໜ້າທີ່ລົງກວດຄົ້ນບ້ານພັກຫຼັງດັ່ງກ່າວ ແລະ ຈັບກຸມ ຜູ້ຖືກຫາໄດ້ ສອງຄົນຄື: ທ້າວ ເຍຍລີ ອາຍຸ 22 ປີ ອາຊີບນັກສຶກສາ ແລະ ທ້າວ ຄໍາຫຼ້າ ອາຍຸ 20 ປີ ອາຊີບ ເຮັດໄຮ ທັງສອງມີເຊື້ອຊາດລາວ ຊົນເຜົ່າມົ້ງ ປະຈຸບັນຢູ່ບ້ານ ຈອມຈຸກ ເມືອງຫ້ວຍຊາຍ ແຂວງບໍ່ແກ້ວ ພ້ອມຂອງກາງຢາເສບຕິດ ( ປະເພດຢາບ້າ ) ຈໍານວນ 6 ມັດເທົ່າກັບ 12.000 ເມັດ, ໂທລະສັບມືຖື 2 ໜ່ວຍ, ລົດຈັກເວັບໄອ 2 ຄັນ ມາທຳການສືບສວນ-ສອບສວນ.





ຜ່ານການສືບສວນ-ສອບສວນໃນເບື້ອງຕົ້ນພວກກ່ຽວໄດ້ຮັບສາລະພາບວ່າ: ຢ່າບ້າຈໍານວນດັ່ງກ່າວແມ່ນຂອງພວກກ່ຽວແທ້ ເຊິ່ງໄດ້ຊື້ນຳ ບຸກຄົນບໍ່ຮູ້ຊື່ ໃນລາຄາ 150.000 ບາດເງິນໄທໄດ້ຈ່າຍເງິນກ່ອນ 50,000 ບາດເງິນໄທ ແລະ ຍັງໄດ້ຕິດໜີເງິນເປັນຈໍານວນ 100.000 ບາດເງິນໄທ ເຊິ່ງຈະນໍາໄປຂາຍໃນລາຄາມັດລະ 3.7000 ບາດໄທ ສ່ວນທີ່ເຫຼືອແມ່ນຈະຈ່າຍໃຫ້ ຫຼັງຈາກນໍາຢາບ້າໄປຂາຍສໍາເລັດແລ້ວ. 



ດັ່ງນັ້ນ, ທາງເຈົ້າໜ້າທີ່ຂອງພວກເຮົາຈຶ່ງໄດ້ກັກຕົວພວກກ່ຽວທັງສອງພ້ອມດ້ວຍຂອງກາງຢາເສບຕິດ ( ປະເພດຢາບ້າ ) ຈໍານວນ 6 ມັດ ໄວ້ເພື່ອລໍຖ້າທຳການສືບສວນ-ສອບສວນ ຂະຫຍາຍຜົນຫາກຸ່ມແກ້ງທີ່ຮ່ວມຂະບວນການຄ້າ-ຂາຍຢາເສບຕິດລາຍນີ້ ມາດໍາເນີນຄະດີຕາມລະບຽບກົດໝາຍຕໍ່ໄປ.


ຂ່າວ: ຮທ ວິທູນ ແກ້ວກັນຍາ(ປກສ ແຂວງງບໍ່ແກ້ວ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.