Header Ads

ສຸດຍອດໄປເລີຍ! ຊື້ປິ້ງກ້ວຍ ກະຈ່າຍຜ່ານ BCEL One ໄດ້ສະບາຍ! (ມີຄລິບ)


ເປັນຂ່າວດີ ສຳລັບພໍ່ຄ້າຊາວຂາຍ ແລະ ປະຊາຊົນທຸກຖ້ວນໜ້າ,​ ເມື່ອ ທະນາຄານການຄ້າຕ່າງປະເທດລາວ ໄດ້ກຳລັງທົດລອງໃຊ້  ບີຊີອີແອວ ວັນ ເພ BCEL One Pay ທີ່ຈະກາຍເປັນ ເຄື່ອງມືຊຳລະການຊື້ຂາຍສິນຄ້າ ຂະໜາດກາງ ຂະໜາດນ້ອຍ ທີ່ຜ່ານມາອາດເຮັດໃຫ້ເຮັດໃຫ້ຫຼາຍທ່ານພົບບັນຫາ ເຊັ່ນວ່າ ຊອກເງິນນ້ອຍບໍ່ມີ, ບໍ່ມີເງິນທອນ. ແລະ ທີ່ໜ້າເປັນ ຫ່ວງແມ່ນ ບັນຫາເງິນປອມທີ່ກຳລັງລະບາດ. ແມ່ຄ້າບາງຄົນ ຂາຍເຄື່ອງໝົດມື້ ພັດມີຄົນເອົາເງິນປອມ ໃບ ຫ້າສິບພັນ ໃບແສນ ມາຊື້ ກະເປັນອັນວ່າ ລຸບທຶນໄປເລີຍ.

ຫຼ້າສຸດ ຜູ່ໃຊ້ ເຟສບຸກ ຊື່ Pms Phetsavanh  ໄດ້ທົດລອງໃຊ້ BCEL One Pay  ໄປຊື້ປີ້ງກ້ວຍ ແລະ ໄດ້ໂພດຂໍ້ຄວາມພ້ອມຄລິບ ສະແດງຄວາມປະທັບໃຈກັບເຄືອງນີ້ວ່າ:  ຟັງທາງນີ້ມີຂ່າວດີມາບອກ! BCEL OnePay ເປັນຜະລິດຕະພັນໃຫມ່ຂອງ ທຄຕລ ພຽງແຕ່ທ່ານມີແອັບ BCEL One ແລະ ອິນເຕີເນັດ, ພຽງເທົ່ານີ້ທ່ານກໍ່ສາມາດຊຳລະຄ່າສິນຄ້າຕ່າງໆຜ່ານ QR Code ໄດ້ແລ້ວ. ເຊິ່ງຜະລິດຕະພັນນີ້ເຫມາະສຳລັບທຸລະກິດຫ້າງຮ້ານຂະຫນາດນ້ອຍ ແລະ ກາງ. ຈ່າຍງ່າຍສະດວກສະບາຍບໍ່ຈຳເປັນຕ້ອງພົກພາເງິນສົດໃຫ້ຫຍຸ້ງຍາກ, ຜູ້ຂາຍກະບໍ່ຕ້ອງຊອກຫາເງິນທອນໃຫ້ລໍາບາກ, ມີຄວາມປອດໄພຫມັ້ນໃຈໄດ້. ນອກນັ້ນ, ຍັງຊ່ວຍຫລຸດຜ່ອນຄວາມສ່ຽງຖືກເງິນປອມ ແລະ ຄຸນນະປະໂຫຍດອື່ນໆອີກຫລວງຫລາຍ



ເຖິງຢ່າງໃດກໍ່ດີ! ເພິ່ນຍັງຢູ່ໃນໄລຍະການທົດລອງ ແລະ ອາດຈະໃຫ້ໃຊ້ຢ່າງກວ້າງຂວາງໄວໆນີ້! ພວກເຮົາກຳລັງຈະກ້າວເຂົ້າສູ່ ຍຸກທີ່ບໍ່ຈຳເປັນຕ້ອງຈັບເງິນສົດ!​ ພຽງມີຕົວເລກຫຼາຍໆ ໃນບັນຊີໄວ້ເດີ. ແຕ່ສຳຄັນ ຕ້ອງມີອິນເຕີເນັດ ແລະ ສະມາດໂຟນເດີ!


ຄວາມແຕກຕ່າງສຳຄັນ ຂອງການໃຊ້ BCEL One pay ກັບການໂອນເງິນເຂົ້າບັນຊີ ຄືເຮົາບໍ່ໄດ້ເສຍຄ່າໂອນ. ແຕ່ການຈ່າຍຜ່ານ BCEL One Pay ແມ່ນລາຄາເທົ່າໃດກະຈ່າຍຕາມນັ້ນ.

ເບິ່ງຄລິບການໃຊ້ຕົວຈິງ


ຂອບໃຈຂໍ້ມູນຈາກ:  Pms Phetsavanh 

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.