Header Ads

ມາຮູ້ຈັກກັບ Demi-Leigh Nel-Peters ນາງງາມຈັກກະວານໂລກ 2017 !


ທົ່ວໂລກ ໄດ້ສະແດງຄວາມຍິນດີ ກັບ ສາວງາມຈາກ ປະເທດ ອາຟຣິກາໃຕ້ ນາງ Demi-Leigh Nel-Peters ທີ່ໄດ້ຄວ້າມົງກຸດ ນາງງາມຈັກກະວານໂລກ ປີ 2017. ເປັນສາວງາມຄົນທີ່ 2 ຈາກ ອາຟຣິກາໃຕ້ ທີ່ໄດ້ຄວ້າລາງວັນອັນຊົງກຽດນີ້.  ຄົນທຳອິດ ແມ່ນໄດ້ໃນປີ 1978.


Demi-Leigh Nel-Peters ອາຍຸ 22 ປີ ສ່ວນສູງ 171 ຊັງຕີແມັດ ເກີດ ວັນທີ 28 ມິຖຸນາ 1995 ທີ່ເມືອງ ເຊດຟິນ ທາງພາກຕາເວັນຕົກຂອງ ອາຟຣິກາໃຕ້. ຊີວິດຂອງຄອບຄົວແມ່ນບາກບັນສົມຄວນ ເພາະວ່າ ພໍ່ແມ່ແຍກທາງກັນ ແລະ ໄດ້ສ້າງຄອບຄົວໃໝ່. ເຊິ່ງ Demi-Leigh Nel-Peters ຍັງເວົ້າແກມຫົວ ວ່າລາວ ມີພໍ່ແມ່ ເຖິງ 4 ຄົນ ທີ່ຄອຍໃຫ້ກຳລັງໃຈແກ່ລາວ.



ແຮງບັນດານໃຈສຳຄັນ ທີ່ Demi-Leigh Nel-Peters ໄດ້ກ່າວຕໍ່ກອງປະກວດ ແມ່ນຈາກ ນ້ອງສາວ ຕ່າງມານດາ ອາຍຸ 10​ ປີ ທີ່ເກີດມາແລ້ວມີຄວາມຜິດປົກກະຕິ ພິການທາງສະໝອງ ທີ່ບໍ່ສາມາດຄວບຄຸມຮ່າງກາຍ,​ ແຕ່ລາວສູ່ຊີວິດ ແລະ ດຳລົງຊີວິດ ຢ່າງມີຄວາມສຸກ.



ໃນເລື່ອງການສຶກສາ Demi-Leigh Nel-Peters ຈົນປະລິນຍາ ສາຂາບໍລິຫານທຸລະກິດ ຈາກ ມະຫາວິທະຍາໄລ ນໍເວັດສ,​ ເຊິ່ງລາວມຸ້ງຫວັງວ່າ ໃນອະນາຄົດ ຈະສາມາດປະສົບຜົນສຳເລັດ ໃນດ້ານທຸລະກິດ ຄືກັບບັນດານາງງາມລຸ້ນເອື້ອຍ ຊິນດີ້ ເນວ ນາງງາມອາຟຣິກາໃຕ້. Demi-Leigh Nel-Peters ປະທັບໃຈ ແລະ ຊື່ນຊົມ ຊີອີໂອ ຂອງ ເວັບໄຊ ຢາຮູ ທີ່ເປັນນັກວິສະວະກອນ ຜູ່ຍິງ (ນາງ ມາຣິດສາ ເມເຍີ).



ກິດຈະກຳເວລາຫວ່າງຂອງ Demi-Leigh Nel-Peters ແມ່ນມີຫຼາກຫຼາຍ ເປັນຕົ້ນແມ່ນ ການແລ່ນ,​ ກິລາທ້າທາຍ ໃນການປີນເຂົາ. ນອກນີ້ຍັງມັກໃນການປະດິດປະດອຍ ເຮັດກາດອວຍພອນຕ່າງໆ ໃນວັນສຳຄັນ ເຊັນວັນເກີດ ຂອງເພື່ອນມິດສະຫາຍ ແລະ ຄົນໃນຄອບຄົວ.  Demi-Leigh Nel-Peters ຍັງບັນທຶກການເດີນທາງ ໂດຍມີປື້ມທີ່ຈົດບັນທຶກ ແລະ ແນບຮູບສະຖານທີ່ຕ່າງໆ. ສິ່ງສຳຄັນ ລາວມັກອ່ານເລື່ອງລາວ ນາວະນິຍາຍ ແລະ ປະຫວັດຂອງຄົນດັງຕ່າງໆ ເປັນການສ້າງແຮງບັນດານໃຈ,​ ແລະ ແນ່ນອນ ເປັນຄົນມັກແຕ່ງຕົວ ແລະ ແຟຊັນ.



Demi-Leigh Nel-Peters ໄດ້ຝາກແງ່ຄິດໄວ້ວ່າ: " ສິ່ງທີ່ຕ້ອງການແບ່ງປັນກັບ ສາວໆ ອັບຟຣິກາໃຕ້ ກໍ່ຄືວ່າ ບໍ່ມີຫຍັງທີ່ເປັນໄປບໍ່ໄດ້ ຂໍໃຫ້ຄິດເຖິງຄຳວ່າ ເຮົາຕ້ອງເຮັດໄດ້ ແລ້ວເຮົາຈະມີຄ່າ, ມີຄວາມໝາຍ ແລະ ສາມາດຮັບມືກັບສິ່ງຕ່າງໆ ໄດ້ຫຼາຍກວ່າທີ່ເຮົາຄາດຝັນໄວ້, ສຳຄັນຕ້ອງລົງມືເຮັດ. "

ນອກນີ້, Demi-Leigh Nel-Peters ຍັງເກັບເອົາຄຳເວົ້າຂອງ ອາເບີດ ໄອສະຕາຍ ທີ່ວ່າ: "ຜູ່ຍິງທີ່ຍ່າງໄປນຳຄົນອື່ນ ຈະບໍ່ຍ່າງກາຍໄປຈາກກຸ່ມ, ແຕ່ຜູ່ຍິງທີ່ຍ່າງຄົນດຽວ ຈະພົບຕົວຕົນຂອງລາວ ແບບທີ່ບໍ່ມີໃຜເຄີຍເປັນມາກ່ອນ. "

ເຫດການທີ່ໜ້າຈົດຈຳ ແກ່ Demi-Leigh Nel-Peters ພາຍຫຼັງທີ່ລາວໄດ້ຕຳແໜ່ງ ນາງສາວ ອາຟຣິກາໃຕ້ ລາວໄດ້ຖືກໂຈນປຸ້ນ, ຈົນຕ້ອງໄດ້ເຂົ້າໄປຮຽນວິຊາປ້ອງກັນຕົວ ເພື່ອໃຫ້ຕົນເອງສາມາດ ເອົາຕົວລອດ ໃນສະຖານະການຈຳເປັນຕ່າງໆ.



ຊ໋ອດເດັດ ໃນການປະກວດ ນາງງາມຈັກກະວານ ທີ່ Demi-Leigh Nel-Peters ເອົາມາຕອບຄຳຖາມຂອງກຳມະການ ໃນຮອບສຸດທ້າຍ ໂດຍລາວໄດ້ຕອບວ່າ: ສິ່ງທີ່ຜູ່ຍິງປະເຊີນ ໃນບ່ອນເຮັດວຽກ ຄືການທີ່ບໍ່ໄດ້ຄ່າຈ້າງ ເທົ່າກັບເພດຊາຍ. ບາງບ່ອນເພດຊາຍ ເກືອບ 75% ແມ່ນໄດ້ຮັບຄ່າຈ້າງສູງກວ່າ ທັງໆທີ່ເຮັດວຽກອັນດຽວກັນ, ຊົ່ວໂມງເທົ່າກັນ ເຊິ່ງເຫັນວ່າບໍ່ຖືກຕ້ອງ, ລາວບອກວ່າ ຍິງຊາຍຕ້ອງໄດ້ຮັບຄ່າຈ້າງເທົ່າກັບເພດຊາຍ ໃນທົ່ວໂລກ.

ຂອບໃຈຂໍ້ມູນ: Khaosod.co.th


Miss Universe 2017 ໄດ້ແກ່..... Demi-Leigh Nel-Peters ຈາກ South Africa! 






ຊົມຄລິບໄດ້



-----------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.