Header Ads

ຂາຍສິນຄ້າໃກ້ໝົດອາຍຸ ໃນສອງສາມວັນ ໃນລາຄາຖືກ ທີ່ບຸນທາດຫຼວງ!​ ເຮັດແບບນີ້ຖືກບໍ່?


ສອງສາມວັນຜ່ານມາ ບຸນທາດຫຼວງ ກໍ່ກຳລັງຄືຶກຄັກ, ໂດຍສະເພາະ ບັນດາຫ້າງຮ້ານຕ່າງໆ ໄດ້ນຳເອົາສິນຄ້າມາຈຳໜ່າຍ ໂຄສະນາຂາຍ, ລົດແລກແຈກແຖມກັນຢ່າງມ່ວນຊື່ນ.

ທີມງານໂທລະໂຄ່ງ ໄດ້ຮັບຂໍ້ຄວາມຈາກແຟນເພຈ ຫຼາຍຄົນ ທີ່ສົ່ງມາສອບຖາມເລື່ອງການຂາຍເລ່ ເຄື່ອງດື່ມຂອງບູດແຫ່ງໜື່ງ ທີ່ຂາຍຖືກຫຼາຍ ແບບວ່າ ຂາຍພຽງປ໋ອງພັນກີບ ຈາກປົກກະຕິກໍ່ຈະແມ່ນ ປະມານ ສີ່ຫ້າພັນ.

ແຕ່ສິ່ງທີ່ໜ້າຕົກໃຈ ເມື່ອເວລາ ກວດສອບວັນໝົດອາຍຸຂອງສິນຄ້າເຫຼົ່ານີ້ ແມ່ນຈະໝົດອາຍຸ ໃນວັນທີ 2 ພະຈິກ ແລະ 3 ພະຈິກ ນີ້ແລ້ວ. ຫຼາຍຄົນຈິ່ງເກີດຄຳຖາມວ່າ ມັນເໝາະສົມບໍ່?

ຖ້າກໍລະນີທີຊື່ 1 ປ໋ອງ ແລ້ວກິນກັບທີ່ ກ່ອນວັນໝົດອາຍຸ ນີ້ກໍ່ເຫັນວ່າ ໃຊ້ໄດ້ຢູ່, ແຕ່ເຫັນແມ່ຄ້າຫຼາຍຄົນ ມາຊື່ເປັນຈຳນວນຫຼາຍ ເຊິ່ງຕາມເບິ່ງແລ້ວ ຄົງຈະຊື້ເອົາໄປຂາຍຕໍ່. ແນ່ນອນວ່າ ຖ້າເອົາໄປແຊ່ຂາຍ ຕ້ອງໃຊ້ເວລາຫຼາຍວັນກ່ອນຈະຂາຍໝົດ. ສິນຄ້າກໍ່ຈະກາຍວັນໝົດອາຍຸແນ່ນອນ.

ດ້ວຍເຫດນີ້ ຈິ່ງຢາກຝາກຖາມໄປຫາ ພາກສ່ວນຄຸ້ມຄອງຜູ່ບໍລິໂພກ ວ່າການກະທຳແບບນີ້ ມັນຖືກຢູ່ບໍ່? ເພາະຕາມທີ່ເຫັນໃນຫຼາຍປະເທດ, ສິນຄ້າໃກ້ຈະໝົດອາຍຸ ສອງສາມເດືອນ ພວກເຂົາກໍ່ເອົາອອກຈາກການຈຳໜ່າຍແລ້ວ. ແຕ່ອັນນີ້ ຍັງແຕ່ສອງສາມວັນ ກໍ່ຍັງເອົາມາຂາຍ ໃນຍາມບຸນອີກ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.