Header Ads

ບໍລິສັດໄຟຟ້ານໍ້າເທີນ2 ມອບເງິນ ຊ່ວຍເຫຼືອຜູ້ປະສົບໄພພິບັດທາງທຳມະຊາດໃຫ້ກັບ ກະຊວງ ຮສສ ຈຳນວນ 25 ລ້ານກີບ





ເພື່ອເປັນການຊ່ວຍເຫຼືອໃຫ້ກັບຜູ້ທີ່ຖືກເຄາະຮ້າຍຈາກໄພພິບັດທາງທຳມະຊາດ ( ນໍ້າຖ້ວມ ) ໃຫ້ທ່ວງທັນສະພາບ ໃຫ້ບັນດາແຂວງພາກເໜືອ,ພາກກາງ ແລະ ພາກໃຕ້ ທີໄດ້ຮັບຜົນກະທົບຈາກພະຍຸສົງກາ,ໃນວັນທີ 2 ພະຈິກ 2017 ຜ່ານມານີ້, ທີ່ກະຊວງແຮງງານ ແລະ ສະຫວັດດີການສັງຄົມ ( ຮສສ ) ໄດ້ມີບໍລິສັດນໍ້າເທີນ 2 ໄດ້ຮ່ວມກັນບໍລິຈາກຊ່ວຍເຫຼືອປະຊາຊົນລາວຜູ້ຖືກເຄາະຮ້າຍຈາກພະຍຸດັ່ງກ່າວ ເປັນເງິນ 25 ກີບ, ນຳມາມອບໃຫ້ກັບກະຊວງແຮງງານ ແລະ ສະຫວັດດີການສັງຄົມ ( ຮສສ ) ເພື່ອນຳໄປຊວ່ຍເຫຼືອຕໍ່ໃຫ້ກັບຜູ້ປະສົບໄພພິບັດດັ່ງກ່າວ; ຕາງໜ້າກ່າວມອບໂດຍ ທ່ານ ນ. ວຽງມະນີ ວົງຄຳຊາວ ຄະນະອຳນວຍການ ບໍລິສັດໄຟ້ານໍ້າເທີນ 2 ແລະ ກ່າວຮັບໂດຍ ທ່ານ ບຸນຄົງ ຫລ້າສຸກັນ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ(ຮສສ ) ພ້ອມຄະນະ, ພ້ອມນີ້ ທ່ານ ກໍໄດ້ກ່າວສະແດງຄວາມຂອບໃຈຕໍ່ພັກ-ລັດຖະບານ ແລະ ພາກສ່ວນກ່ຽວຂ້ອງ ກໍຄືບໍລິສັດໄຟຟ້ານໍ້າເທີນ 2 ທີ່ໄດ້ພ້ອມກັນບໍລິຈາກເງິນຊ່ວຍເຫຼືອ ປະຊາຊົນຜູ້ຖືກເຄາະຮ້າຍຈາກໄພພິບັດ ແລະ ຈະນຳເອົາເງິນຈຳນວນດັ່ງກ່າວເຂົ້ານຳໄປຊ່ວຍເຫຼືອໃຫ້ແກ່ຜູ້ປະສົບເຄາະຮ້າຍຈາກໄພພິບັດຈາກທຳມະຊາດ, ພ້ອມນັ້ນ ທ່ານຍັງຮຽກຮ້ອງເຖິ່ງພາກສວ່ນຕ່າງໆ ຮ່ວມກັນບໍລິຈາກເງິນ ແລະ ວັດຖຸສິ່ງຂອງ, ເຄື່ອງນຸ່ງຫົ່ມ, ເຄື່ອງອຸປະໂພກ-ບໍລິໂພກ ຕ່າງໆ ເພື່ອຊວ່ຍເຫຼືອໃຫ້ກັບຜູ້ປະສົບໄພທາງທຳມະຊາດ( ນໍ້າຖ້ວມ ແລະ ໄພໜາວ ) ກໍຄື ຟື້ນຟູບູລະນະພື້ນຖານໂຄງລ່າງ ຖະໜົນຫົນທາງ ແລະ ແນວພັນກະສິກຳ ເພື່ອໄປມອບໃຫ້ກັບປະຊາຊົນທີ່ຖືກຜົນກະທົບ.


ເຖິ່ງຢ່າງໃດກໍ່ຕາມ ກະຊວງແຮງງານ ແລະ ສະຫວັດດີການສັງຄົມ ກໍຍັງຕ້ອງການເງິນຊ່ວຍເຫຼືອຕື່ມອີກຈຳນວນຫລາຍ ເພື່ອນຳໄປຊ່ວຍເຫຼືອປະຊາຊົນຜູ້ທຸກຍາກ ແລະ ໄດ້ຮັບຜົນກະທົບຈາກໄພພິບັດທາງທຳມະຊາດ ( ນໍ້າຖ້ວມ - ໄພໜາວ) ແລະ ເກັບໄວ້ເປັນຄັ້ງແຮສຸກເສີນ ເພື່ອຊ່ວຍເຫຼືອ ປະຊາຊົນໃນຄັ້ງຕໍ່ໄປໃຫ້ທັນການແລະ ທ່ວງທັນກັບສະພາບ;

ພ້ອມກັນນີ້ ບັນດາການຈັດຕັ້ງ ພາກລັດ, ເອກະຊົນ, ບັນດາທຸລະກິດ ຫ້າງຮ້ານ, ບັນດາຊັ້ນຄົນ ແລະ ອົງການຈັດຕັ້ງໃນສັງຄົມຜູ້ກຳລັງຊັບ, ມີວັດຖຸສາມາດປະກອບສ່ວນຊ່ວຍເຫຼືອພໍ່ແມ່ປະຊາຊົນທີ່ພວມຫຍຸ້ງຍາກ ສັບສົນທີ່ສຸດໃນປັດຈຸບັນ; ຖ້າ ບັນດາທ່ານ ຫຼື ບັນດາພາກສ່ວນ ຕ່າງໆຕ້ອງການຊ່ວຍເຫຼືອ ສາມາດພົວພັນໂດຍກົງຫາ ກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງ ຄົມ. ເບີໂທ: 021 213005, 222776 ຫຼື 020 55521811, 22225185, 22228154, 55675089, 22232212, 55676987.

ໂດຍ: ເພັດສະໄໝ/ກະຊວງແຮງງານ ແລະ ສະຫັວດດີການສັງຄົມ 
_____

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.