Header Ads

ເມືອງວຽງຄຳເກັບອາວຸດລ່າເນື້ອທຸກຢ່າງ ທຳລາຍຖີ້ມໝົດທີ່ເຄື່ອງມືລັກລອບລ່າເນື້ອ ທຳລາຍສັດນໍ້າ-ສັດປ່າ






ໂດຍປະຕິບັດຕາມແຜນການຕ້ານ ແລະ ສະກັດກັ້ນປະກົດການຫຍໍ້ທໍ້ທີ່ເກີດຂຶ້ນໃນສັງຄົມ ໂດຍສະເພາະບັນຫາການລັກລອບລ່າເນື້ອ ທຳລາຍສັດນ້ຳ-ສັດປ່າ, ປກສ ເມືອງວຽງຄຳຈິ່ງໄດ້ເອົາໃຈໃສ່ຕິດຕາມກວດກາການລັກລອບນຳໃຊ້ອາວຸດລ່າເນື້ອຂອງປະຊາຊົນຢ່າງເຄັ່ງຄັດນັບແຕ່ປີ 2012 ເປັນຕົ້ນມາ ສາມາດຢືດຂອງກາງໄດ້ຈຳນວນໜຶ່ງມາທຳລາຍຖີ້ມ.

ທ່ານ ພັຕ ບຸນເສີດ ໄຊຍະສານ ຫົວໜ້າກອງບັນຊາການ ປກສ ເມືອງວຽງຄຳ ກ່າວວ່າ: ຕະຫຼອດໄລຍະຜ່ານມາເມືອງວຽງຄຳແມ່ນໄດ້ມີຄວາມເອົາໃຈໃສ່ຕໍ່ການຈັດຕັ້ງປະຕິບັດຕາມທິດຊີ້ນຳຂອງທ່ານເຈົ້າເມືອງໆວຽງຄຳ ແລະແຜນການສະກັດກັ້ນ ແລະ ຕ້ານປະກົດການຫຍໍ້ທໍ້ ທີ່ເກີດຂື້ນໃຫ້ທັນເວລາເຊັ່ນ: ບັນຫາຂີ້ລັກ, ງັດແງະ, ຄ້າຂາຍຢາເສບຕິດ, ອຸປະຕິເຫດຕາມທ້ອງຖະໜົນຫຼວງ, ການດັດແປງສະພາບເຕັກນິກລົດ ແລະ ອື່ນໆ ເວົ້າລວມ ເວົ້າສະເພາະແມ່ນການຫາປາບໍ່ຖືກຕ້ອງຂອງພໍ່ແມ່ປະຊາຊົນ, ກຸ່ມຊາວໜຸ່ມ ເຊີ່ງໄດ້ໃຊ້ປືນລ່າເນື້ອ, ທາດເບື່ອ, ໝໍ້ຊ໊ອດ ແລະ ອື່ນໆ ເຊີ່ງບັນຫາດັ່ງກ່າວນີ້ກໍ່ແມ່ນໜື່ງໃນສະພາບປະກົດການຫຍໍ້ທໍ້ທີ່ເກີດຂື້ນໃນຂອບເຂດຂອງເມືອງວຽງຄຳ.

ສະນັ້ນເຈົ້າໜ້າທີ່ພວກເຮົາ ຈຶ່ງໄດ້ລົງສົມທົບກັບພາກສ່ວນກ່ຽວຂ້ອງຂອງບ້ານ, ແລະ ພໍ່ແມ່ປະຊາຊົນຢູ່ບ້ານຕ່າງໆພາຍໃນເມືອງ ລົງແກ້ໄຂສະພາບປະກົດການຫຍໍ້ທໍ້ດັ່ງກ່າວຢ່າງຕັ້ງໜ້າ ຜ່ານການຈັດຕັ້ງປະຕິບັດຕົວຈິງຂອງເຈົ້າໜ້າທີ່ວິຊາສະເພາະຈື່ງສາມາດມ້າງລາຍຄະດີຕ່າງໆ ແລະ ຍືດຂອງກາງໄດ້ດັ່ງນີ້: ປືນແກັບ ຈຳນວນ 24 ກະບອກ, ເລົາປືນແກັບ 7 ອັນ, ໝໍ້ຊ໊ອດ 10 ເຄື່ອງ, ທໍ່ລົດດັດແປງສະພາບເຕັກນິກ ຈຳນວນ 18 ອັນ, ແກລົມຈຳນວນ 3 ອັນ ແລະ ອຸປະກອນເສບຢາເສບຕິດອິກຈຳນວນໜື່ງ.


ສະນັ້ນມາໃນວັນທີ 3 ພະຈິກ 2017 ນີ້ ຄະນະພັກ-ຄະນະກອງບັນຊາການ ປກສ ເມືອງວຽງຄຳ ຈືງໄດ້ຈັດພິທີຈູດທຳລາຍອຸວຸດລ່າເນື້ອ ທີ່ເກັບກູ້ແຕ່ປີ 2012-2017, ພິທີດັ່ງກ່າວໄດ້ຈັດຂື້ນຢູ່ທີ່ເດີ່ນກອງບັນຊາການ ປກສ ເມືອງວຽງຄຳ ແຂວງວຽງຈັນ ໂດຍການເປັນປະທານຂອງທ່ານ ພັຕ ບຸນເສີດ ໄຊຍະສານ ຫົວໜ້າກອງບັນຊາການ ປກສ ເມືອງວຽງຄຳ, ເປັນກຽດເຂົ້າຮ່ວມໃນພິທີມີທ່ານ ພອນແກ້ວ ຂຸນພົນ ເລຂາພັກເມືອງ, ປະທານ ປກຊ-ປກສ ເມືອງວຽງຄຳ, ມີຫ້ອງການອ້ອມຂ້າງເມືອງ, ອຳນາດການປົກຄອງບ້ານ ແລະ ພະນັກງານນັກຮົບພາຍໃນກອງບັນຊາການ ປກສ ເມືອງວຽງຄຳ ເຂົ້າຮ່ວມຢ່າງພ້ອມພຽງ. 


ພາບ ແລະ ຂ່າວ: : ປກສ ເມືອງວຽງຄໍາ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.