Header Ads

ສຳເລັດການແຂ່ງຂັນຄວາມຄິດທຸລະກິດດ້ານກະສິກຳ ແລະ ປ່າໄມ້ທີ່ຍືນຍົງຄັ້ງທີ່ II


ວັນທີ່ 25 ພະຈິກນີ້ ວິທະຍາໄລ ກະສິກຳ ແລະ ປ່າໄມ້ພາກເໜືອ ໄດ້ຈັດງານແຂ່ງຂັນ ແນວຄວາມຄິດທຸລະກິດກະສິກຳ ແລະ ປ່າໄມ້ທີ່ຍືນຍົງຄັ້ງທີ່ II ຮອບສຸດທ້າຍ ພາຍຫຼັງທີ່ ໄດ້ຈັດການແຂ່ງຂັນມາແຕ່ວັນທີ່ 5 ສີງຫາ. ໂດຍມີ ທ່ານ ໄຊຍະພັນ ລາສີ ຫົວໜ້າພະແນກກະສິກຳ ແລະ ປ່າໄມ້ແຂວງ, ມີຜູ້ຕາງໜ້າກະຊວງກະສິກຳ ແລະ ປ່າໄມ້, ພ້ອມດ້ວຍຄະນະອຳນວຍການ, ຄະນະຮັບຜິດຊອບໂຄງການສະໜັບສະໜູນ, ແຂກຮັບເຊີນ ຕະຫຼອດຮອດຄູ-ອາຈານ ແລະ ນັກສຶກສາ ເຂົ້າຮ່ວມ.


ທ່ານ ທອງສະໝຸດ ພູມມະສອນ ອຳນວຍການວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ມີຄຳເຫັນເປີດງານແຂ່ງຂັນວ່າ: ການຈັດການແຂ່ງຂັນຄັ້ງນີ້ ເພື່ອສ້າງຂີດຄວາມສາມາດໃຫ້ນັກສຶກສາປີທີ່ 3 ຮຸ່ນທີ່ 6 ຂອງທຸກສາຂາວິຊາ ໃນການຂຽນແຜນທຸລະກິດກະສິກຳ ແລະ ສະໜັບສະໜູນດ້ານວິຊາການ ເພື່ອກໍ່ສ້າງຜູ້ປະກອບການໄວ ໜຸ່ມ ໃຫ້ເຂົາເຈົ້າສາມາດໄດ້ປະກອບທຸລະກິດ ເປັນຂອງຕົນເອງໃນອານາຄົດ.



ໃນປີນີ້ ມີນັກສືກສາເຂົ້າຮ່ວມແຂ່ງຂັນທັງໝົດ 16 ທີມ ໃນ 60 ແນວຄວາມຄິດ ແລະ ຂັດເລືອກໄດ້ 11 ທີມ ແລະ 11 ແນວຄວາມຄິດ ເຂົ້າຮ່ວມແຂ່ງຂັນໃນຮອບສຸດທ້າຍ, ໂດຍມີການນຳເອົາຜະລິດຕະພັນທີ່ຜະລິເອງ ມາປຸງແຕ່ງໃຫ້ສອດຄ່ອງກັບຫົວຂໍ້ທີ່ຄົ້ນຄ້ວາຮ່ວມກັນ ແລະ ມີທືນສະໜັບສະໜູນຈາກໂຄງການ ແລະ ຫົວໜ່ວຍທຸລະກິດຕ່າງໆ.


ວາລະພິທີຜູ້ຕາງໜ້າແຕ່ລະທີມ ໄດ້ຂື້ນນຳສະເໜີ ກ່ຽວກັບທຸລະກິດທີ່ໄດ້ຄວ້າຮ່ວມກັນພາຍໃນກຸ່ມ. ຈາກນັ້ນ ຄະນະກຳມະການໄດ້ລົງຄະແນນສຽງຕັດສີນໃຫ້ທີມ: ຈີ່ງລີດແປຮູບ ເປັນທີມຊະນະເລີດ ໄດ້ຮັບເງີນ 6.500.000 ກີບ, ຮອງຊະນະເລີດ ແມ່ນທີມ ສວນກະສິກຳຍືນຍົງ ໄດ້ຮັບເງີນ 5.000.000 ກີບ ແລະ ທີ່ 3 ແມ່ນທີມ ໄກ່ອົບໄຫສະໝຸນໄພ ໄດ້ຮັບເງີນ 3.000.000 ກີບ, ສ່ວນລາງວັນຂັວນໃຈມວນຊົນ ແມ່ນທີມນາງງາມໃນຫ້ອງມືດ ໄດ້ຮັບເງີນ 2.000.000 ກີບ, ພິເສດ ໂຄງການຕາບີ (ໂຄງການພັດທະນາກະສິກຳທີ່ຍືນຍົງ) ໄດ້ມອບເງີນເພື່ອຊົມເຊີຍ ຈຳນວນ 1.500.000 ກີບ ໃຫ້ທີມ ຊານາງພັນປີ ແລະ ທີມເຫັດບົດທອດສະໝຸນໄພ, ສ່ວນທີມທີ່ບໍ່ໄດ້ອັນດັບທີ່ ແມ່ນໄດ້ລາງວັນຊົມເຊີຍທີມລະ 500.000 ກີບ.

ການແຂ່ງຂັນທັງສອງຄັ້ງ ແມ່ນໄດ້ຮັບການສະໜັບສະໜູນຈາກໂຄງການຊູລາໂກ, ໂຄງການດູລັດສ (ໂຄງການສົ່ງເສີມກະສິກຳຮອບດ້ານ) ແລະ ບໍລິສັດປຶກສາດ້ານການພັດທະນາວິສາຫະກິດຈຳກັດ EDC. ໃຫ້ກຽດຂື້ນມອບລາງວັນໂດຍ ທ່ານ ໄຊຍະພັນ ລາສີ, ທ່ານ ທອງສະໝຸດ ພູມມະສອນ ແລະ ຄະນະຮັບຜິດຊອບໂຄງການສະໜັບສະໜູນ.

ໂດຍ: ອາພຸດເດດ ບຸບຜາ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.