Header Ads

ໂທລະພາບແຫ່ງຊາດຈີນ ສຳພາດ ບິກບອສ ຂປລ ກ່ຽວກັບການມາຢາມລາວ ຂອງ ປະທານປະເທດຈີນ!


ຂປລ: ໂທລະພາບແຫ່ງຊາດຈີນ ສຳພາດ ຫົວໜ້າອຳນວຍການຂ່າວສານປະເທດລາວ ກ່ຽວກັບການຢ້ຽມຢາມລາວຂອງປະທານປະເທດຈີນ

ຫົວໜ້າອຳນວຍການໃຫຍ່ສຳນັກຂ່າວສານປະເທດລາວ ສູນທອນ ຄັນທະວົງ ໃນຕອນເຊົ້າ 7 ພະຈິກນີ້ໃຫ້ສຳພາດຕໍ່ນັກຂ່າວ ຊີຊີທີວີ (ໂທລະພາບແຫ່ງຊາດຈີນ) ກ່ຽວກັບທັດສະນະຂອງສື່ມວນຊົນລາວຕໍ່ກັບແຜນການເດີນທາງມາຢ້ຽມຢາມສປປ.ລາວຂອງປະທານປະເທດແຫ່ງສປ.ຈີນ ພະນະທ່ານ ສີຈິນຜິງ, ສະພາບການພົວພັນຮ່ວມມືລະຫວ່າງປະຊາຊົນສອງຊາດ ລາວ ຈີນ, ການລົງທຶນຈີນໃນລາວ ແລະ ຫຼາຍປະເດັນທີ່ເປັນທີ່ສົນໃຈຂອງສອງປະເທດ ເຊິ່ງທາງ ທ່ານ ຫົວໜ້າສຳນັກຂ່າວສານກໍໄດ້ແຈ້ງຕໍ່ນັກຂ່າວຈີນວ່າ ປະຈຸບັນສື່ມວນຊົນຂອງລາວກໍໄດ້ສຸມໃສ່ການຫ້າງຫາກະກຽມທາງດ້ານບຸກຄະລາກອນ ແລະ ເນື້ອໃນເພື່ອໂຄສະນາເຜີຍແຜ່ຂໍ້ມູນຂ່າວສານກ່ຽວກັບການຢ້ຽມຢາມຂອງການນຳຈີນເພື່ອໃຫ້ປະຊາຊົນລາວໄດ້ຮັບຮູ້ຂໍ້ມູນຂ່າວສານຢ່າງທົ່ວເຖິງ.




ໃນຖານະຜູ້ຕາງຫນ້າສື່ມວນຊົນຜູ້ໜຶ່ງທ່ານ ຫົວໜ້າອຳນວຍການໃຫຍ່ສຳນັກຂ່າວສານໄດ້ຕີລາຄາສູງ ການທີ່ທ່ານປະທານປະເທດຈີນຈະເດີນທາງຢ້ຽມຢາມລາວ ແລະ ເຊື່ອວ່າການມາຢ້ຽມຢາມຂອງການນຳຈີນ ຈະເຮັດໃຫ້ມີຫຼາຍສິ່ງສຳຄັນເກີດຂຶ້ນທີ່ເປັນຜົນດີຕໍ່ການພັດທະນາຂອງສອງປະເທດ ຂະນະດຽວກັນທ່ານຫົວໜ້າອຳນວຍການໃຫຍ່ຂ່າວສານກໍສະເໜີໃຫ້ສື່ມວນຊົນຂອງຈີນຊ່ວຍໂຄສະນາຂໍ້ມູນຂ່າວສານກ່ຽວກັບເມືອງລາວເພື່ອເຮັດໃຫ້ນັກທ່ອງທ່ຽວຈີນເຂົ້າມາທ່ອງທ່ຽວລາວໃນໂອກາດທີ່ສປປ.ລາວເປີດປີທ່ອງທ່ຽວ 2018.



ນອກນີ້ ທ່ານສູນທອນ ຍັງໄດ້ໃຫ້ຄຳຄິດຄຳເຫັນກ່ຽວກັບບັນຍາການການຮ່ວມມື ທາງດ້ານເສດຖະກິດ ແລະ ການລົງທຶນຂອງນັກທຸລະກິດຈີນຢູ່ລາວທີ່ກຳລັງຂະຫຍາຍຕົວ ແລະ ຢູ່ແຖວຫນ້າຂອງການລົງທຶນຕ່າງປະເທດໃນລາວ ແລະ ໂຄງການລົງທຶນທາງລົດໄຟທີ່ເປັນການລົງທຶນທີ່ສຳຄັນທີ່ຈະປະກອບສ່ວນໃຫ້ແກ່ການໄປມາຫາສູ່ລະຫວ່າງປະຊາຊົນສອງປະເທດ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.