Header Ads

ເມືອງເງິນ ແຂວງ ໄຊຍະບູລີ ໄດ້ຕ້ອນຮັບ ທີມງານ ເສດຖະກິດ ເມືອງຜາອຸດົມ ແຂວງບໍ່ແກ້ວ ທີ່ມາເຄື່ອນໄຫວແລກປ່ຽນບົດຮຽນທາງດ້ານເສດຖະກິດ


ວັນທີ 9-10 ພະຈິກ 2017 ນີ້  ຢູ່ທີ່ຫ້ອງວ່າການປົກຄອງເມືອງເງິນ ແຂວງ ໄຊຍະບູລີ. ທ່ານ ບຸນສົດ ອິນທະປັນຍາ ຮອງເລຂາພັກເມືອງ ຮອງເຈົ້າເມືອງໆເງິນ ຜູ້ຊີ້ນຳວຽກງານເສດຖະກິດ ພ້ອມດ້ວຍຄະນະນຳ  ໄດ້ໃຫ້ການຕ້ອນຮັບ ທ່ານ ກາງ ມະນີຫວ່າງ ຮອງເຈົ້າເມືອງໆຜາອຸດົມ ແຂວງບໍ່ແກ້ວ ພ້ອມດ້ວຍທີມງານ ທີ່ມາເຄື່ອນໄຫວແລກປ່ຽນບົດຮຽນທາງດ້ານເສດຖະກິດ ຢູ່ເມືອງເງິນ.


ການມາແລກປ່ຽນບົດຮຽນໃນຄັ້ງນີ້ ທ່ານ ບຸນສົດ ອິນທະປັນຍາ ຮອງເລຂາພັກເມືອງ ຮອງເຈົ້າເມືອງໆເງິນ ຜູ້ຊີ້ນຳວຽກງານເສດຖະກິດ ໄດ້ຂື້ນລາຍງານ ສະພາບການ ໂດຍຫຍໍ້ ເມືອງເງິນສ້າງຂື້ນໃນວັນທີ 14 ພະຈິກປີ 1992 ຊຶ່ງມາຮອດປະຈຸນບັນມີອາຍຸຄົບ 25 ປີພໍດີ ຕະຫຼອດໄລຍະທີ່ຜ່ານມາ ຄະນະພັກ ອົງການປົກຄອງທຸກຂັ້ນ ໄດ້ສຸມໃສ່ພັດທະນາ ແລະ ປົກຮັກສາເຮັດໃຫ້ເມືອງເງິນ ມີຄວາມສະຫງົບສຸກ ໂດຍພື້ນຖານ,  ເສດຖະກິດຂອງເມືອງ ຂະຫຍາຍຕົວຢ່າງຕໍ່ເນືອງ ໃນລະດັບ 9,8%, ສະເລ່ຍລາຍຮັບໄດ້ 15,800,000 ກີບຕໍ່ຄົນຕໍ່ປີຫຼື ເທົ່າກັບ 1.978 ໂດລາ, ສິ່ງທີ່ພົ້ນເດັ່ນແມ່ນການຈັດເກັບລາຍຮັບມອບເຂົ້າງົບປະມານລື່ນແຜນການໄດ້ 11 ປີຊ້ອນ, ພິເສດເມືອງເງິນໄດ້ເປີດການບໍລິການປະຕູດຽວ,ທົ່ເມືອງມີ ຄອບຄົວທຸກຍາກ 45 ຄອບຄົວ ກວມ 1,2 % ທຸກບ້ານມີເສັ້ນທາງເຂົ້າເຖີງ, ການຕີດຕໍ່ສື່ສານກວມ 100% ທຸກບ້ານໄດ້ຊົມໃຊ້ໄຟຟ້າ, ມີ 7 ບໍລິສັດນ້ຳມັນເຊື້ອໄຟຕັ້ງຢູ່ມີສ່າງທີ່ບັນຈຸນ້ຳມັນເຊື້ອໄຟໄດ້ 5 ລ້ານລິດ 1 ແຫ່ງ, ເມືອງເງິນ ປະກາດເປັນເມືອງ ຢຸດຕິການຖ່າງປ່າເລືອນລອຍ, ເມືອງຈົບຊັ້ນ ມ ຕົ້ນບຳລຸງ, ເມືອງ 3 ດີສະຫະພັນແມ່ຍິງ, ເມືອງ 5 ເປັນເຈົ້າ ຂອງ ສະຫະພັນ ກຳມະບານ,ເປັນເມືອງ 4 ບຸກ ຂອງຊາວໜຸ່ມ, ມີ 17 ບ້ານພັດທະນາ, 19 ບ້ານວັດທະນະທຳ. ປະຈຸບັນເມືອງເງິນ ພວມກະກຽມປະກາດເປັນເມືອງ ກຸ້ມຕົນເອງທາງດ້ານງົບປະມານ.
ຈາກນັ້ນ ທາງທີມງານສອງເມືອງກໍ່ໄດ້ແລກປ່ຽນບົດຮຽນເຊີ່ງກັນ ແລະ ກັນອີກດ້ວຍ.

ໂດຍ: ອິນແປງ ແຫວນຄຳ 




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.