Header Ads

ເສືອຈູ່ໂຈມພະນັກງານສວນສັດ ທີ່ຣັດເຊຍ!​ ເກືອບຕາຍ!



ແຫຼ່ງຂ່າວຈາກເວັບໄຊ The Sun ໄດ້ເຜີຍແຜ່ຂ່າວ ຫວາດສຽວ ໃນວັນທີ 5 ພະຈິກ 2017 ຜ່ານມາ ທີ່ພະນັກງານ ສວນສັດ ທີ່ຣັດເຊຍ ຖືກເສືອຈູ່ໂຈມ, ສ້າງຄວາມແຕກຕື່ນໃຫ້ຜູ່ຄົນທີ່ມາທ່ຽວຊົມສວນສັດ. ໂຊກດີທີ່ມີຄົນຫາທາງຊ່ວຍໄດ້ປອດໄພ.


ເລື່ອງລາວເກືດຂຶ້ນທີ່ ສວນສັດ Kaliningard ທີ່ ປະເທດຣັດເຊຍ. ເສືອໂຄ່ງໄດ້ຈູ່ໂຈມ ພະນັກງານຍິງ ຂອງສວນສັດ ທີ່ກຳລັງຈະເອົາອາຫານມາເກືອ. ທັນໃດນັກທ່ອງທ່ຽວທີ່ມາ ທ່ຽວຊົມ ໄດ້ພາກັນ ຊ່ວຍຍິງຄົນດັ່ງກ່າວ ດ້ວຍການ ຮ້ອງໂຫ່ ແລະ ໂຍນສິ່ງຂອງຕ່າງໆ ໃສ່ເສືອ, ຈົນເຮັດໃຫ້ມັນຖອຍໜີ. ຈາກນັ້ນ, ພະນັກງານຍິງຄົນດັ່ງກ່າວ ຈິ່ງໄດ້ເອົາຕົວໜີອອກມາໄດ້.



ຈາກການກວດສອບຮ່າງກາຍ ລາວຖືກເສືອຂູດຫຼາຍຈຸດ ແຕ່ບໍ່ອັນຕະລາຍເຖິງຊີວິດ, ເຊິ່ງທາງເຈົ້າໜ້າທີ່ໄດ້ນຳສົ່ງຜູ່ກ່ຽວໄປຮັບການຮັກສາທັນທີທີ່ໂຮງໝໍໃກ້ຄຽງ.

ເຈົ້າໜ້າທີ່ສວນສັດໃຫ້ຂໍ້ມູນວ່າ: ເສືອໂຕດັ່ງກ່າວ ແມ່ນເພດຜູ່ ອາຍຸ 16 ປີ ຊື່ວ່າ Taifun ຫຼື Typhoon. ເຊິ່ງທີ່ຜ່ານມາ ບໍ່ເຄີຍມີການຈູ່ໂຈມ ແບບນີ້ເລີຍ.

ພາບແລະຂ່າວ: The Sun









------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.