Header Ads

ລົດຕົກຫ້ວຍ ເສຍຊິວິດ 1 ຄົນ ທາງວັງວຽງກາງເດີກ ທີ່ຫ້ວຍປາມ້ອມ 1


ອຸບັດຕິເຫດລົດຫລຸດໂຄ້ງຕົກລົງນໍ້າທີ່ຫ້ວຍປາມ້ອມ

ວຽງຈັນ: ລາຍງານຈາກ ປະຊາຊົນ ແລະ 1623​ ໃຫ້ຮູ້ວ່າ ເກີດອຸບັດຕິເຫດ ເວລາ 11:45 ວັນທີ 17 ທັນວາ 2017. ທີ່ເຂດຫົວປາມ້ອມ 1, ເມືອງວັງວຽງ, ແຂວງວຽງຈັນ. ລົດແມ່ນຕົກນໍ້າ ແລະ ໄດ້ໄຫຼ. 

ປະຊາຊົນບໍ່ສາມາດລົງໄປຊ່ວຍເພາະບໍ່ມີອຸປະກອນ ຈິ່ງໄດ້ແຈ້ງໃຫ້ໜ່ວຍກູ້ໄພ  1623 ມາຮອດສະຖານທີ່ເກີດເຫດຕອນ 3 ໂມງເຊົ້າ ວັນທີ 18 ທັນວາ 2017.


ຫນ່ວຍກູ້ໄພໄດ້ສົມທົບກັບເຈົ້າຫນ້າທີ່ ປກສ ເມືອງວັງວຽງ, ການຈັດຕັ້ງບ້ານ ແລະ ສົ່ງທີມປະຕິບັດການພິເສດລົງຄົ້ນຫາລົດຢູ່ໃນນໍ້າ ພ້ອມມັດເຊືອກເພື່ອໃຫ້ລົດຍົກສາມາດຍົກລົດຂຶ້ນມາໄດ້.



ເມື່ອນຳລົດຂຶ້ນມາແລ້ວ ພົບຄົນເສຍຊີວິດ 1 ຄົນ ເຊິ່ງເປັນຄົນຂັບ ເພດຊາຍ ອາຍຸ 25 ປີ ບ້ານເມືອງເກົ່າ ເມືອງວຽງຄຳ ແຂວງວຽງຈັນ, ຈຶ່ງໄດ້ນຳສົ່ງຮ່າງຜູ້ເສຍຊີວິດໃຫ້ກັບຍາດພີ່ນ້ອງຂອງຜູ້ກ່ຽວເພື່ອດຳເນີນພິທີທາງສາສະຫນາຕໍ່ໄປ. ລົດທີ່ເກີດເຫດ ແມ່ນລົດເກງນິດສັນ.



ສາເຫດຂອງອຸບັດຕິເຫດ ອາດຍ້ອນຂີ່ລົດໄວ ແລະ ບໍ່ລື້ງເສັ້ນທາງ. ລາຍລະອຽດເພີ່ມເຕີມ ສອບຖາມ: 02056668825 ຫລື ປກສ ເມືອງວັງວຽງ.

ສະແດງຄວາມເສຍໃຈກັບຄອບຄົວຜູ່ເສຍຊີວິດ.

ພາບແລະຂ່າວ:​1623 ແລະ ນັກຂ່າວສັນຈອນ













No comments

Powered by Blogger.