Header Ads

ຊົມເຊີຍ ພາສີ ບຸກໜັກ 11 ເດືອນເກັບເງິນໄດ້ 5 ພັນກວ່າຕື້!


ກະຊວງການເງິນລາຍງານໃຫ້ຮູ່ວ່າ ການຈັດຕັ້ງປະຕິບັດວຽກງານວິຊາສະເພາະຂອງຂະແໜງພາສີທົ່ວປະເທດໃນ 11 ເດືອນປີ 2017 ສາມາດປະຕິບັດໄດ້ 5,693 ຕື້ກີບ ເທົ່າກັບ 85.61% ຂອງແຜນການປີ 2017 ໃນນັ້ນ, ເກັບລາຍຮັບຈາກນໍ້າມັນເຊື້ອໄຟ, ພາຫະນະ, ເຄື່ອງໃຊ້ໄຟຟ້າ, ສິ້ນສ່ວນອາໄຫຼ, ເຄື່ອງກໍ່ສ້າງ ແລະ ຄ່າປັບໃໝ່…ສ່ວນແຜນການສູ້ຊົນໝົດປີ 2017 ຂະໜງພາສີຈະເກັບລາຍຮັບໃຫ້ໄດ້ 6,240 ຕື້ກີບ ເທົ່າກັບ 93.84% ຖ້າທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 119.52%.



ອີງຕາມການລາຍງານຂອງ ທ່ານ ວົງຄຳແຫງ ວົງທະຈັກ ຮອງຫົວໜ້າກົມພາສີ ລາຍງານຕໍ່ກອງປະຊຸມວິຊາການພາສີທົ່ວປະເທດ ປະຈຳປີ 2017 ໂດຍການເປັນປະທານຂອງທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີກະຊວງການເງິນ ວ່າ: ສຳລັບຂະແໜງພາສີຕາມທີ່ສະພາຮັບຮອງມອບໃຫ້ 6,650 ຕື້ກີບ, ແຕ່ຜ່ານການຈັດຕັ້ງປະຕິບັດວຽກງານຕົວຈິງ 11 ເດືອນປີ 2017 (ເດືອນມັງກອນ-ພະຈິກ) ສາມາດປະຕິບັດໄດ້ 5,693 ຕື້ກີບ ເທົ່າກັບ 85.61 % ຂອງແຜນການປີ.



ໃນນັ້ນ, ບັນດາແຂວງຕ່າງໆທີ່ປະຕິບັດໄດ້ຫຼາຍກ່ອນໝູ່ແມ່ນນະຄອນຫຼວງວຽງຈັນປະຕິບັດໄດ້ 2.5 ພັນຕື້ກີບ, ສະຫວັນນະເຂດ 614 ຕື້ກີບ, ຈຳປາສັກ 529 ຕື້ກີບ, ໄຊຍະບູລີ 493 ຕື້ກີບ ແລະ ບັນດາແຂວງ ອື່ນໆຕາມລໍາດັບ.

ສັງລວມແລ້ວໃນ 11 ເດືອນປີ 2017 ສາມາດປະຕິບັດໄດ້ 5,693 ຕື້ກີບ ເທົ່າກັບ 85,61% ຂອງແຜນການປີ 2017ລາຍຮັບສ່ວນໃຫຍ່ແມ່ນໄດ້ຈາກຄ່າຊັກພິເສດ, ນ້ຳມັນເຊື້ອໄຟ, ພາຫະນະ, ສິ້ນສ່ວນອາໄຫລ, ອຸປະກອນກໍ່ສ້າງ, ເຄື່ອງໃຊ້ໄຟຟ້າ, ຄ່າປັບໃໝ່ ແລະ ອື່ນໆ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





No comments

Powered by Blogger.