Header Ads

ບ້ານ ທອງ ເປັນບ້ານທີ່ 2 ຂອງເມືອງເງິນ ໃນການປະຕິບັດ ທິດນຳ 3 ສ້າງ


ວັນທີ 11 ທັນວາ 2017 ນີ້ ຢູ່ທີຫໍປະຊຸມບ້ານທອງ ເມືອງເງິນ ແຂວງ ໄຊຍະບູລີ ໄດ້ຈັດກອງປະຊຸມ ປະກາດຮັບຮອງເອົາບ້ານທອງ ເປັນບ້ານປະຕິບັດທິດນຳ 3  ສ້າງ ເປັນບ້ານທີ່ 2 ຂອງເມືອງ. ເຂົ້າຮ່ວມເປັນກຽດ ມີທ່ານ ບຸນມີ ຈັນທິບ ກຳມະການພັກແຂວງ ເລຂາ ພັກເມືອງ ເຈົ້າເມືອງໆເງິນ, ມີທ່ານ ຄຳນ້ອຍ ແສງອາລຸນ ກຳມະການພັກເມືອງ ເລຂາ ໜ່ວຍພັກ ນາຍບ້ານໆທອງ, ມີ ຄະນະທີມງານ ລົງວຽກງານ 3 ສ້າງຂອງເມືອງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ແຂກຖືກເຊີນ,  ນັກທຸລະກິດ ແລະ ປະຊາຊົນພາຍໃນບ້ານເຂົ້າຮ່ວມ.



ກອງປະຊຸມປະກາດຮັບຮອງເອົາບ້ານທອງ ເປັນບ້ານປະຕິບັດທິດນຳ 3 ສ້າງຄັ້ງນີ້ ທ່ານ ແພງໄຊ ວົງແສງແກ້ວ   ຕ່າງໜ້າ ອົງການຈັດຕັ້ງບ້ານ ໄດ້ຂື້ນຜ່ານບົດສະຫຼຸບ ການຈັດຕັ້ງປະຕິບັດວຽກງານຮອບດ້ານ ແລະ ແຜນພັດທະນາເສດຖະກິດ-ສັງຄົມ ແຕ່ນີ້ຮອດປີ 2020. ບ້ານທອງ  ຫ່າງຈາກເທດສະບານເມືອງ 25 ກິໂລແມັດ ປະກອບມີ 251 ຄອບຄົວ, ມີ 18 ໜ່ວຍຄຸ້ມຄອງພົນລະເມືອງ ມີພົນລະເມືອງທັງໝົດ 1,283 ຄົນ, ຍິງ 613 ຄົນ.ໄລຍະຜ່ານມາ ຄະນະພັກອົງການປົກຄອງບ້ານ ໄດ້ສົມທົບກັບ ຂະແໜງສາຍຕັ້ງ ກໍ່ຄືເມືອງ ໄດ້ເຜີຍແຜ່ເຊື່ອມຊືມເອກະສານ ກ່ຽວພັນກັບການປະຕິບັດທິດນຳ 3 ສ້າງ ຂອງສູນກາງ, ແຂວງ , ແລະ ເມືອງ ໃຫ້ຄະນະພັກ ແລະ ປະຊາຊົນພາຍໃນບ້ານ ໃຫ້ມີສະຕິຕໍ່ການຈັດຕັ້ງ, ມີຄວາມຮັບຜິດຊອບຕໍ່ໜ້າທີວຽກງານ, ເປັນເຈົ້າການໃນການສ້າງສາພັດທະນາຄອບຄົວ-ບ້ານ, ເພື່ອແນໃສ່ເຮັດໃຫ້ການຈັດຕັ້ງບ້ານມີຄວາມເຂັ້ມແຂງໜັກແໜ້ນທຸກດ້ານ.

          ເສດຖະກິດສືບຕໍ່ຂະຫຍາຍຕົວ ສະແດງອອກ ໃນປີ 2017 ລວມຍອດມູນຄ່າລາຍຮັບຈາກການຜະລິດບັນລຸໄດ້ 9,81 ຕື້ກີບ. ສະເລ່ຍໃສ່ຫົວຄົນໜື່ງໄດ້ 7.647.000 ກີບ/ຄົນ/ປີ. ເທົ່າກັບ 956 ໂດລາ. ທຽບໃສ່ປີຜ່ານມາ ເພີ່ມຂື້ນ 23 ໂດລາ. ປະຈຸບັນ ກອງທືນພັດທະນາບ້ານໄດ້ມີການເຕີບໃຫຍ່ ແລະ ຂະຫຍາຍຕົວຢ່າງກ້ວາງຂວາງ ທົ່ວບ້ານມີສະມາຊິກກອງທືນທັງໝົດ 57 ຄົນ, ມີເງິນຝາກທັງໝົດ 52 ລ້ານກວ່າກີບ.

ທິດທາງຕໍ່ໜ້າ  ສືບຕໍ່ສ້າງບ້ານທອງໃຫ້ເປັນບ້ານໃຈກາງຂອງກຸ່ມບ້ານ ທີ່ມີການຂະຫຍາຍຕົວຢ່າງຮອບດ້ານ ເປັນບ້ານຕົວແບບ ແລະ ກະກຽມທຸກເງື່ອນໄຂ ເພື່ອສ້າງໃຫ້ກຸ່ມບ້ານທອງ ໃຫ້ໄດ້ປະກາດຮັບຮອງເປັນຕົວເມືອງນ້ອຍໃນຊົນນະບົດ ປີ 2018 ນີ້.



ໂດຍ: ອິນແປງ ແຫວນຄຳ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.