Header Ads

ລົດຈັກປະສານກັນ ເຈັບສາຫັດ 2 ທີ່ຫຼວງພະບາງ (ມີຄລິບ)


ຫຼວງພະບາງ: ລາຍງານຈາກ ນັກຂ່າວສັນຈອນ ໃຫ້ຮູ້ວ່າ ເວລາປະມານ 19:30 ວັນທີ 5 ທັນວາ 2017 ເກີດເຫດ ລົດຈັກຕຳກັນ ຮຸນແຮງ ເຂດທາງໜ້າ ໂຮງແຮມວັນຊະນະ,​ ເຂດບ້ານໂພນແພງ ເມືອງຫຼວງພະບາງ, ແຂວງຫຼວງພະບາງ.

ອຸບັດຕິເຫດ ເຮັດໃຫ້ຄົນເຈັບ 3​ ຄົນ, ເຈັບສາຫັດ 2 ຄົນ.

ປະຊາຊົນໄດ້ ໂທໃຫ້ເຈົ້າໜ້າທີ່ ຈາລະຈອນ ໄດ້ມາຊ່ວຍ ນຳຄົນເຈັບໄປ ໂຮງໝໍ ແຂວງຫຼວງພະບາງ.

ເສັ້ນທາງດັ່ງກ່າວແມ່ນມືດຫຼາຍ, ຈິ່ງຢາກໃຫ້ທຸກຄົນ ລະມັດລະວັງ ແລະ ຢາກໃຫ້ທາງ ໜ່ວຍງານກ່ຽວຂ້ອງມາກວດກາ ໃສ່່ໄຟເຍືອງທາງແດ່ໂອ໋!


ແຂວງຫຼວງພະບາງ ມີອຸບັດຕິເຫດ ຫຼາຍ ແຕ່ລະວັນ,​ ແຕ່ຍັງບໍ່ທັນໄດ້ມີໜ່ວຍກູ້ໄພ ເຮັດໃຫ້ການຊ່ວຍຄົນເຈັບຈາກອຸບັດຕິເຫດ ແມ່ນຍັງບໍ່ຖືກຫຼັກການ ແລະ ອາດສົ່ງຜົນໃຫ້ຄົນເຈັບ ເຈັບໜັກກ່ອນເກົ່າ. ຮຽກຮ້ອງໃຫ້ທາງ ໜ່ວຍງານກ່ຽວຂ້ອງ ທີ່ຫຼວງພະບາງ ໄດ້ເລັ່ງຂົນຂວາຍຫາຊ່ອງທາງ ສ້າງຕັ້ງໜ່ວຍກູ້ໄພ ຫຼື ບໍ່ກໍ່ເບີຂອງໂຮງໝໍ ຕ້ອງມີໜ່ວຍງານສຸກເສີນ ອອກຮັບຄົນເຈັບໄດ້ ທ່ວງທັນເວລາ.  ອີກຢ່າງເປັນເມືອງທ່ອງທ່ຽວ ຄວນມີການຮອງຮັບ ຕໍ່ກັບບັນຫານີ້.

ພາບແລະຂ່າວ: Nok Sisomphone


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.