Header Ads

ເມືອງເງິນ ຈັດການແຂ່ງຂັນກິລານັກຮຽນສາມັນສຶກສາປະຈຳ ສົກປີ 2017-2018



ວັນທີ່ 1 ທັນວາ 2017 ນີ້ ຢູ່ທີເດີນກິລາ ເມືອງເງິນ ແຂວງ ໄຊຍະບູລີ ໄດ້ການແຂ່ງຂັນກິລານັກຮຽນສາມັນສຶກສາປະຈຳ ສົກປີ 2017-2018 ພາຍໃຕ້ການເປັນປະທານຂອງທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ, ມີຫົວໜ້າຫ້ອງການສຶກສາທິການ ແລະ ກິລາເມືອງ, ຫົວໜ້າຫ້ອງການ, ອຳນວຍການໂຮງຮຽນ,ປະທານສະມາຄົມກິລາ, ຄູອາຈານ, ນ້ອງນັກຮຽນ ແລະ ນັກກິລາໂຮງຮຽນແຫ່ງຕ່າງໆເຂົ້າຮ່ວມ.


          ທ່ານ ສີສະຫວັດ ພົມມະເສນ ຮັກສາການຫົວໜ້າຫ້ອງການ ສຶກສາ ທິການ ແລະ ກິລາ ກໍ່ໃກ້ກຽດຂື້ນກ່າວລາຍງານ ການຈັດການແຂ່ງຂັນກິລານັກຮຽນສາມັນສຶກສາປະຈຳ ສົກປີ 2017-2018 ເຊີ່ງມີ 4 ປະເພດກິລາຄື: ບານເຕະ ຍິງ-ຊາຍ, ບານສົ່ງ ຍິງ-ຊາຍ, ກະຕໍ້ຫວາຍ ຊາຍ, ແລ່ນ-ລານ ຍິງ-ຊາຍ. ແບ່ງອອກເປັນ 3 ລະດັບຄື: ລະດັບຊັ້ນປະຖົມ, ມັດທະຍົມຕອນຕົ້ນ, ມັດທະຍົມຕອນປາຍ, ມີ 14 ລາຍການແຂ່ງຂັນ, ມີ 53 ທີມ, ມີນັກກິລາເຂົ້າຮ່ວມແຂ່ງຂັນທັງໝົດ 539 ນ້ອງ,ຍິງ 150 ນ້ອງ. ການແຂ່ງຂັນແມ່ນເລີ່ມແຕ່ວັນທີ່ 1 ທັນວາ  ຫາ ວັນທີ່ 23 ກຸມພາ 2017 ຈື່ງຈະສຳເລັດ.


ຈາກນັ້ນ ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ ໃນນາມປະທານພິທີ ກໍ່ໃຫ້ກຽດຂື້້ນກ່າວເປີດການແຂ່ງຂັນກິລານັກຮຽນສາມັນສຶກສາປະຈຳ ສົກປີ 2017-2018 ຢ່າງເປັນທາງການ ພ້ອມນັ້ນທາງຄະນະປະທານ, ແຂກ ກໍ່ໄດ້ຮັບຊົມ ການແຂ່ງຂັນບານເຕະຍິງ ຄູ່ເປີດສະໜາມລະຫວ່າງ ມສ ນ້ຳເງິນ ພົບກັບ ມສ ເມືອງເງິນ ຜົນການແຂ່ງຂັນ ມສ ເມືອງເງິນເອົາ ຊະນະ ມສ ນ້ຳເງິນ ໄປ 2ປະຕູ 0.



ໂອກາດດັ່ງກ່າວ ກໍ່ໄດ້ມອບຂັນ ລາງວັນ ໃຫ້ແກ່ ນັກກິລາບານເຕະຊາຍ ຊີງຂັນເຈົ້າເມືອງ ເພື່ອຄຳນັບຮັບຕ້ອນ ວັນຊາດທີ 2 ທັນວາ ຄົບຮອບ 42 ປີ ອີກດ້ວຍ.

ໂດຍ: ອິນແປງ ແຫວນຄຳ






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.