Header Ads

ກອງປະຊຸມກວດກາວຽກງານຮອບດ້ານປະຈຳປີ 2017 ຂອງສະຫະພັນແມ່ຍິງ ຮາກຖານປະຖົມສົມສະຫວາດ



ກອງປະຊຸມກວດກາວຽກງານຮອບດ້ານປະຈຳປີ 2017 ຂອງສະຫະພັນແມ່ຍິງ ຮາກຖານປະຖົມສົມສະຫວາດ
ໄດ້ຈັດຂື້ນ ໃນຕອນເຊົ້າຂອງວັນທີ 20 ທັນວາ 2017 ນີ້. ຢູ່ທີ່ໂຮງຮຽນປະຖົມສົມບູນສົມສະຫວາດ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານ ຂອງສຫ ນາງ ສາຄອນ ສິງໂສພາ  ປະທານສະຫະພັນແມ່ຍິງຮາກຖານປະຖົມສົມສະຫວາດ. ເຂົ້າຮ່ວມເປັນກຽດ ມີ ສຫ ນາງ ບົວຄຳ ຈັນທະວິໄລ, ສະມາຊິກສະພາປະຊາຊົນຂັ້ນແຂວງ, ຄະນະບໍລິຫານງານ ສະຫະພັນ ແມ່ຍິງແຂວງ ກຳມະການພັກເມືອງ ປະທານ ສະຫະພັນແມ່ຍິງເມືອງ, ມີເລຂາໜ່ວຍພັກ, ອົງການຈັດຕັ້ງມະຫາຊົນ, ແຂກຖືກເຊີນ ຕະຫຼອດຮອດ ສະມາຊິກສະຫະພັນແມ່ຍິງ ເຂົ້າຮ່ວມ 42 ສຫ,  


ກອງປະຊຸມ ສຫ ນາງ ສາຄອນ ສິງໂສພາ  ປະທານສະຫະພັນແມ່ຍິງຮາກຖານປະຖົມສົມສະຫວາດ. ກໍ່ໄດ້ຂື້ນຜ່ານບົດສະຫຼຸບ ຜົນຂອງການກວດກາວຽກງານຮອບດ້ານປະຈຳປີ 2017  ແລະ ແຜນດຳເນີນງານ ວຽກງານກວດກາ ປີ 2018ຂອງສະຫະພັນແມ່ຍິງ ຮາກຖານປະຖົມສົມສະຫວາດ.  ສະຫະພັນແມ່ຍິງ ຮາກຖານປະຖົມສົມສະຫວາດ  ມີ 5 ໂຮງຮຽນຂື້ນກັບ ມີສຳມະຊິກສະຫະພັນແມ່ຍິງທັງໜົດ 36 ສຫ. ແບ່ງອອກເປັນ 4 ໜ່ວຍ ຮ່ວມຊີວິດ . ຜ່ານມາໄດ້ເອົາໃຈໃສ່ສຶກສາອົບຮົບ ການເມືອງແນວຄິດ ເປັນວຽກຕົ້ນຕໍ ໂດຍຕິດພັນກັບການຈັດຕັ້ງປະຕິບັດເນື້ອໃນແຂ່ງຂັນ 3 ດີ ຂອງສູນກາງສະຫະພັນແມ່ຍິງວາງອອກ, ຂໍ້ແຂ່ງຂັນຮັກຊາດພັດທະນາ ສະແດງອອກ ການປະເມີນຕີລາຄາແບ່ງປະເພດ ຂອງສະມາຊິກໄດ້ປະເພດແຂງ 36 ສຫ, ປະເພດໜ່ວຍພັກແມ່ນໄດ້ປະເພດແຂງ, ປະເພດຮາກຖານໄດ້ປະເພດແຂງ.


          ທິດທາງໃນຕໍ່ໜ້າ ສືບຕໍ່ໂຄສະນາສຶກສາອົບຮົມການເມືອງແນວຄິດໃຫ້ສະມາຊິກສະຫະພັນແມ່ຍິງ. ສູ້ຊົນສ້າງສະມາຊິກສະຫະພັນແມ່ຍິງ ໃຫ້ໄດ້ເຂົ້າເປັນສະມາຊິກພັກໃຫ້ໄດ້ 5 ສະຫາຍ ເອົາໃຈໃສ່ ປັບປຸງແບບແຜນວິທີເຮັດວຽກແບບແຜນການນຳພາ ພ້ອມກັນຊຸກຍູ້ສົ່ງເສີມໃຫ້ເອື້ອຍແມ່ຍິງສ້າງເສດຖະກິດ,ຄອບຄົວໃຫ້ຮັ່ງມີເຂັ້ມແຂງ .
          ຈາກນັ້ນ ກໍ່ສ້າງຂໍ້ແຂ່ງຂັນ ຮັກຊາດ ແລະ ພັດທະນາຂອງໜ່ວຍຂື້ນ ພ້ອມກັນຈັບມືແຂ່ງຂັນອີກດ້ວຍ.

ໂດຍ: ອິນແປງ ແຫວນຄຳ
ພາບ: ອິນແປງ ແຫວນຄຳ





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.