Header Ads

ປະຊາຊົນ ຊົມເຊີຍ ມາດຕະການປະຢັດ ຂອງລັດຖະບານ ໃນການສະຫຼອງຕ້ອນຮັບປີໃໝ່ 2018



ໃນວັນທີ່ 11 ທັນວາ 2017 ຜ່ານມາ ຫ້ອງການລັດຖະບານ ໄດ້ອອກແຈ້ງການສະບັບເລກທີ່  1965 / ຫສນຍ.ກລຂ. ເຊິ່ງເນັ້ນໃຫ້ມີການປະຢັດ ຄ່າໃຊ້ຈ່າຍທີ່ຕ້ອງສິ້ນເປືອງໄປກັບການສົ່ງບັດອວຍພອນພາຍໃນ ໂດຍສະເພາະແມ່ນຂອງບັນດາການນໍາໃນຂັ້ນຕ່າງໆ.


ພາຍຫຼັງອອກແຈ້ງການ ບັນດາປະຊາຊົນ ຕ່າງກໍ່ອອກຄຳຄິດເຫັນຜ່ານສື່ອ່ອນລາຍ ດ້ວຍຄວາມເຫັນດີ ກັບແຈ້ງການດັ່ງກ່າວ, ເພາະຜ່ານມາ ບັນດາຫ້ອງການຕ່າງໆໃນທົ່ວປະເທດ ແມ່ນຍັງຄົງມີການນໍາໃຊ້ງົບຂອງລັດຖະບານ ສິ້ນເປືອງໄປກັບການສະຫຼອງຕ່າງໆ ຈຳນວນຫຼວງຫຼາຍ. ເຮັດໃຫ້ຄ່າໃຊ້ຈ່າຍສູງ.



ພ້ອມດຽວກັນນັ້ນ, ປະຊາຊົນ ກໍ່ຝາກເຖິງພາກສ່ວນກ່ຽວຂ້ອງໄດ້ກວດສອບ ຕື່ມ ເພາະວິທີການ ຟູມເຟືອຍ ອາດມີການປ່ຽນວິທີ ປ່ຽນສະຖານທີ່, ເພື່ອໃຫ້ທຸກຄົນສາມາດປະຕິບັດໄດ້ເນື້ອໃນໃຈຄວາມ ແລະ ຈຸດປະສົງຂອງ ລັດຖະບານ ເພື່ອຫຼຸດຜ່ອນ ຄ່າໃຊ້ຈ່າຍທີ່ບໍ່ຈຳເປັນ.







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.