Header Ads

ຫ້ອງການສຶກສາທິການ ແລະ ກິລາ ເມືອງເງິນ ໄດ້ເປີດກອງປະຊຸມເຜີຍແຜ່ວິໄສທັດຮອດປີ 2030




ກອງປະຊຸມດັ່ງກ່າວ ໄດ້ຈັດຂື້ນໃນຕອນເຊົ້າຂອງວັນທີ່ 30 ພະຈິກ 2017 ນີ້ ຢູ່ທີ ຫ້ອງປະຊຸມ ຫ້ອງການສຶກສາທິການ ແລະ ກິລາ ເມືອງ. ພາຍໃຕ້ການເປັນປະທານຂອງ ທ່ານ ສີສະຫວັດ ພົມມະເສນ ຮັກສາການ ຫົວໜ້າຫ້ອງການສຶກສາທິການ ແລະ ກິລາ, ມີອຳນວຍການໂຮງຮຽນ ອານຸບານ, ປະຖົມ, ມັດທະຍົມ, ຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກ ເຂົ້າຮ່ວມ 40 ທ່ານ, ຍິງ 14 ທ່ານ.

ກອງປະຊຸມ ແມ່ນໄດ້ເຜີຍແຜ່ເຊື່ອມຊືມ ກ່ຽວກັບວິໄສທັດຮອດປີ 2030, ຍຸດທະສາດ ຮອດປີ 2025 ແລະ ແຜນດຳເນີນງານ ເພື່ອຄວາມສະເໝີພາບ ຍິງ-ຊາຍ, ວຽກແມ່ ແລະເດັກ, ສົນທິສັນຍາ ວ່າດ້ວຍການລຶບລ້າງທຸກຮູບແບບ ການຈຳແນກຕໍ່ແມ່ຍິງ (ຊີດໍ) , ສົນທິສັນຍາວ່າດ້ວຍສິດທິເດັກ, ຂໍ້ຄິດເຫັນຂອງອົງການສະຫະປະຊາຊາດຕໍ່ກັບອານຸສັນຍາວ່າດ້ວຍການຄ້າເດັກ, ຄ້າປະເວນີ, ແລະ ສິ່ງລາມົກອານາຈານ, ຂໍ້ຄິດເຫັນຂອງອົງການສະຫະປະຊາຊາດຕໍ່ກັບອານຸສັນຍາ ວ່າດ້ວຍການເຂົ້າຮ່ວມຂອງເດັກໃນການປະທະອາວຸດ.

ຈາກນັ້ນ ກໍ່ໄດ້ສົນທະນາແລກປ່ຽນບົດຮຽນ ກ່ຽວກັບ ບັນຫາທ້າທ້າຍຕ່າງໆ ທີ່ຈະເກີດຂື້ນຢູ່ໃນຖັນແຖວການສຶກສາ  ມອບໃຫ້ໜ່ວຍງານບໍລິຫານ ສົມທົບກັບໜ່ວຍງານສະຖິຕິແຜນການ ລົງ ກວດກາຕິດຕາມເພື່ອຊຸກຍູ້ປະເມີນຜົນ ໃນການຈັດຕັ້ງປະຕິບັດກິດຈະກຳຕ່າງໆພ້ອມກັນສະຫຼຸບລາຍງານປະຈຳເດືອນ ປະຈຳປີ ຊອກໃຫ້ເຫັນຈຸດດີ, ຈຸດອອ່ນ ຂໍ້ຄົງຄ້າງ ເພື່ອພ້ອມກັນປັບປຸງແກ້ໄຂໃນຕໍ່ໜ້າ

ໂດຍ: ອິນແປງ ແຫວນຄຳ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.