Header Ads

ພະແນກການເງີນຮ່ວມກັບພະແນກສ່ວຍສາອາກອນແຂວງ ເຜີຍແຜ່ລັດຖະບັນຍັດປະທານປະເທດ




ແນໃສ່ເພື່ອເຮັດໃຫ້ການຈັດຕັ້ງປະຕິບັດລັດຖະບັນຍັດຂອງປະທານປະເທດ ແຫ່ງ ສປປ ລາວ ເລກທີ່ 001/ປປທ, ລົງວັນທີ 20 ມັງກອນ 2017 ວ່າດ້ວຍຄ່າທໍານຽມທາງ ໃຫ້ໄດ້ຮັບປະສິດທິຜົນສູງນັ້ນ ທາງພະແນກການເງີນໄດ້ສົມທົບກັບພະແນກສ່ວຍສາອາ ກອນແຂວງ ຈັດກອງປະຊຸມເຜີຍແຜ່ໃຫ້ບັນດາພະແນກການ, ກົມກອງອ້ອມຂ້າງແຂວງໄດ້ຮັບຊາບໃນການເສຍຄ່າທໍານຽມທາງຂື້ນໃນຕອນເຊົ້າຂອງ ວັນທີ 12 ທັນວາ ນີ້ທີ່ຫ້ອງປະ ຊຸມຂອງພະແນກການເງີນແຂວງ ໂດຍການເປັນປະທານຂອງ ທ່ານ ສີສຸພັນ ສີສະຫວັດ ຮອງຫົວໜ້າພະແນກການເງີນແຂວງຫຼວງພະບາງ, ມີຮອງຫົວໜ້າພະແນກການອ້ອມຂ້າງແຂວງ, ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ. 


 
ຈຸດປະສົງຫຼັກຂອງລັດຖະບັນຍັດສະບັບນີ້ແມ່ນໄດ້ກໍານົດຫຼັກການ,ລະບຽບການ,ມາດ ຕະການກ່ຽວກັບການກໍານົດຄ່າທໍານຽມທາງປະຈໍາປີເພື່ອຄຸ້ມຄອງລວມສູນ ແລະ ຈັດຕັ້ງປະ ຕິບັດຢ່າງເປັນເອກະພາບກັນໃນຂອບເຂດທົ່ວປະເທດ, ບຸກຄົນ, ນິຕິບຸກຄົນ ແລະ ການ ຈັດຕັ້ງທັງພາຍໃນ ແລະ ຕ່າງປະເທດທີ່ດໍາລົງຊີວິດ ແລະ ດໍາເນີນການເຄື່ອນໄຫວທຸລະກິດຢູ່ໃນ ສປປ ລາວ ລ້ວນແຕ່ມີພັນທະເສຍຄ່າທໍາທາງ, ຮັບປະກັນໃຫ້ທຸກແຫຼ່ງລາຍຮັບຈາກຄ່າທໍານຽມທາງຕ້ອງມອບເຂົ້າງົບປະມານແຫ່ງລັດຢ່າງລວມສູນຕາມທີ່ໄດ້ກໍານົດໄວ້ໃນກົດໝາຍວ່າດ້ວຍງົບປະມານແຫ່ງລັດ ເພື່ອແຮໄວ້ນໍາໃຊ້ເຂົ້າໃນວຽກງານປັບປຸງບູລະນະຮັກສາ,ສ້ອມແປງ, ຟື້ນຟູ, ກໍ່ສ້າງທາງເພື່ອໃຫ້ມີຄວາມປອດໄພຕາມທາງຫຼວງ.

ປະຈຸບັນການຊໍາລະຄ່າທໍານຽມທາງສາມາດຊໍາລະດ້ວຍ 5 ທາງເລືອກຄື: 1) ຊໍາລະຜ່ານແອັບພຣິເຄເຊິນມືຖື( Mobile Application ), 2) ຊໍາລະຜ່ານຕູ້ເອທີເອັມ ( ATM ), 3) ຊໍາລະຜ່ານລະບົບເຄົາເຕີທະນາຄານ( Counter ), 4) ຊໍາລະຜ່ານສະຖານທີ່ຈຸດໃຫ້ບໍລິການທີ່ໄດ້ຮັບອະນຸຍາດ ແລະ ຊໍາລະຜ່ານຕູ້ອັດຕະໂນມັດ( Kiosk ) ສ່ວນສະຕິກເກີ້ແມ່ນໃຫ້ພົວພັນນໍາສໍານັກງານ, ສາຂາຂອງທະນາຄານ ຫຼືຈຸດໃຫ້ບໍລິການຕ່າງໆທີ່ໄດ້ກໍານົດໄວ້ໃນຂອບເຂດທົ່ວປະເທດ. ຊຶ່ງກໍານົດການຊໍາລະຄ່າທໍານຽມທາງໃນປີ 2018 ແມ່ນເລີ່ມແຕ່ດຽວນີ້ເປັນຕົ້ນໄປຈົນເຖິງທ້າຍເດືອນ ມີນາ 2018 ແມ່ນໝົດກໍານົດ.

ພາບ ແລະ ຂ່າວ: ຂ່າວສານຫຼວງພະບາງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.