Header Ads

ບ້ານ ນາງົວ ເປັນບ້ານທີ່ 3 ຂອງເມືອງເງິນ ໃນການປະຕິບັດ ທິດນໍາ 3 ສ້າງ



ວັນທີ 12 ທັນວາ 2017 ນີ້ ຢູ່ທີຫໍປະຊຸມບ້ານນາງົວ ເມືອງເງິນ ແຂວງ ໄຊຍະບູລີ ໄດ້ຈັດກອງປະຊຸມ ປະກາດຮັບຮອງເອົາບ້ານນາງົວ ເປັນບ້ານປະຕິບັດທິດນຳ 3  ສ້າງ ເປັນບ້ານທີ່ 3 ຂອງເມືອງ. ເຂົ້າຮ່ວມເປັນກຽດ ມີທ່ານ ບຸນມີ ຈັນທິບ ກຳມະການພັກແຂວງ ເລຂາ ພັກເມືອງ ເຈົ້າເມືອງໆເງິນ, ມີທ່ານ ອິນເມືອງ ພົມວິໄລ ເລຂາ ໜ່ວຍພັກ ນາຍບ້ານໆນາງົວ, ມີ ຄະນະທີມງານ ລົງວຽກງານ 3 ສ້າງຂອງເມືອງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ແຂກຖືກເຊີນ,  ນັກທຸລະກິດ ແລະ ປະຊາຊົນພາຍໃນບ້ານເຂົ້າຮ່ວມ.


ກອງປະຊຸມປະກາດຮັບຮອງເອົາບ້ານນາງົວ ເປັນບ້ານປະຕິບັດທິດນຳ 3 ສ້າງຄັ້ງນີ້ ທ່ານ ອິນແຫວງ ສີວົງສາ ຮອງນາຍບ້ານ ໆນາງົວ ກໍ່ໄດ້ຂື້ນຜ່ານບົດສະຫຼຸບ ການຈັດຕັ້ງປະຕິບັດວຽກງານຮອບດ້ານ ແລະ ແຜນພັດທະນາເສດຖະກິດ-ສັງຄົມ ແຕ່ນີ້ຮອດປີ 2020. ບ້ານນາງົວ  ປະກອບມີ 250 ຄອບຄົວ, ມີ 25 ໜ່ວຍຄຸ້ມຄອງພົນລະເມືອງ ມີພົນລະເມືອງທັງໝົດ 1,078 ຄົນ, ຍິງ 534 ຄົນ.ໄລຍະຜ່ານມາ ຄະນະພັກອົງການປົກຄອງບ້ານ ໄດ້ສົມທົບກັບ ຂະແໜງສາຍຕັ້ງ ກໍ່ຄືເມືອງ ໄດ້ເຜີຍແຜ່ເຊື່ອມຊືມເອກະສານ ກ່ຽວພັນກັບການປະຕິບັດທິດນຳ 3 ສ້າງ ຂອງສູນກາງ, ແຂວງ , ແລະ ເມືອງ ໃຫ້ຄະນະພັກ ແລະ ປະຊາຊົນພາຍໃນບ້ານ ໃຫ້ມີສະຕິຕໍ່ການຈັດຕັ້ງ, ມີຄວາມຮັບຜິດຊອບຕໍ່ໜ້າທີວຽກງານ, ເປັນເຈົ້າການໃນການສ້າງສາພັດທະນາຄອບຄົວ-ບ້ານ, ເພື່ອແນໃສ່ເຮັດໃຫ້ການຈັດຕັ້ງບ້ານມີຄວາມເຂັ້ມແຂງໜັກແໜ້ນທຸກດ້ານ.





          ເສດຖະກິດສືບຕໍ່ຂະຫຍາຍຕົວ ສະແດງອອກ ໃນປີ 2017 ລວມຍອດມູນຄ່າລາຍຮັບຈາກການຜະລິດບັນລຸໄດ້ 19.301 ລ້ານກີບ. ສະເລ່ຍໃສ່ຫົວຄົນໜື່ງໄດ້ 17.905.000 ກີບ/ຄົນ/ປີ. ເທົ່າກັບ 2.238 ໂດລາ. ທຽບໃສ່ປີຜ່ານມາ ເພີ່ມຂື້ນ 379 ໂດລາ.


ຄາດໝາຍສູ້ຊົນແຕ່ນີ້ຮອດປີ 2020 ສືບຕໍ່ສຶກສາອົມຮົມການເມືອງ- ແນວຄິດຂອງພໍ່ແມ່ປະຊາຊົນ ໃຫ້ຍົກສູງແນວຄິດຮັກຊາດ, ຄວາມສາມັກຄີປອງດອງ, ມີຄວາມເຊື່ອໝັ້ນແລະ ເປັນເອກະພາບສູງຕໍແນວທາງນະໂຍບາຍຂອງພັກ. ສ້າງລະບົບການບໍລິຫານ, ການປົກຄອງບ້ານໃຫ້ມີຄວາມສັກສິດ, ໂປງໃສ, ຍຸຕິທໍາ ມີຄວາມເຂັ້ມແຂງ, ໜັກແໜ້ນ. ເສີມຂະຫຍາຍກໍາລັງແຮງບົ່ມຊ້ອນ ຢູ່ພາຍໃນບ້ານ ເຂົ້າໃນການພັດທະນາວຽກງານຮອບດ້ານ ເຮັດໃຫ້ເສດຖະກິດຂອງບ້ານ ກໍ່ຄືລາຍຮັບລວມຍອດ ເພີ່ມຂື້ນແຕ່ລະປີ ບໍ່ໃຫ້ລຸດ 13 % ຄາດຄະເນລວມຍອດລາຍຮັບປີ 2020 ໃຫ້ບັນລຸ 26,68 ຕື້ກີບ, ສະເລ່ຍໃສ່ຫົວຄົນໄດ້ 24ລ້ານກີບ/ຄົນ/ປີເທົ່າກັບ 3.000 ໂດລາ.
ໂດຍ: ອິນແປງ ແຫວນຄຳ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com










No comments

Powered by Blogger.