Header Ads

ທີມງານລົງກໍ່ສ້າງ ຮາກຖານ ການເມືອງ ລົງເຊື່ອມຊືມເອກະສານທິດນຳ 3 ສ້າງໃຫ້ແກ່ບ້ານນາງົວ


ວັນທີ່ 29 ພະຈິກ 2017 ນີ້. ຢູ່ທີຫໍປະຊຸມບ້ານນາງົວ ເມືອງເງິນ ແຂວງໄຊຍະບູລີ ໄດ້ຈັດກອງປະຊຸມເຊື່ອມຊືມເອກະສານທິດນຳ 3 ສ້າງ. ເຂົ້າຮ່ວມເປັນກຽດມີ ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ, ມີຄະນະປະຈຳພັກເມືອງ, ກຳມະການພັກເມືອງ ຫົວໜ້າຫ້ອງການ ກົມກອງ ພະນັກງານ ວິຊາການ ຕະຫຼອດຮອດອົງການຈັດຕັ້ງບ້ານ ແລະ ພໍ່ແມ່ປະຊາຊົນ ເຂົ້າຮ່ວມກອງປະຊຸມ ທ່ານ ອິນແຫວງ ສີວົງສາ  ຮອງເລຂາໜ່ວຍພັກຮອງນາຍບ້ານ ໄດ້ຂື້ນລາຍງານ ການຈັດຕັ້ງປະຕິບັດວຽກງານຮອບດ້ານ ຂອງບ້ານ ໃນໄລຍະຜ່ານມາ ໃຫ້ທາງທິມງານ ລົງກໍ່ສ້າງ ຮາກຖານ ການເມືອງ ເພື່ອສ້າງຄວາມເຂັ້ມແຂງ ໃຫ້ແກ່ວຽກງານຮອບດ້ານຂອງບ້ານ.

ຈາກນັ້ນ ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ ໄດ້ຂື້ນເຜີຍແຜ່ ຜົນງານ 25 ປີເມືອງເງິນ, ຄຳສັ່ງແນະນຳເລກທີ 25 ຂອງກົມການເມືອງສູນກາງພັກ ວ່າດ້ວຍການສ້າງແຂວງເປັນຫົວໜ່ວຍຍຸດທະສາດ ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ , ຄຳແນະນຳເລກທີ່ 198/ຈຂ ຊຍ, ຄໍາແນະນຳເລກທີ 98/ພພ ຊຍ ແລະ ຂໍ້ຕົກລົງຂອງທ່ານເຈົ້າເມືອງ ສະບັບເລກທີ່ 455/ຈມ ມງ ໃນການສ້າງຄວາມເຂັ້ມແຂງ ໃຫ້ຂະແໜງການຕ່າງໆຂອງບ້ານ ເພື່ອແນໃສ່ເຮັດໃຫ້ການຈັດຕັ້ງບ້ານ, ປະຊາຊົນ ໄດ້ມີສ່ວນຮ່ວມ ແລະ ເຂົ້າໃຈໃນການລົງຈັດຕັ້ງປະຕິບັດ ທິດນຳ3ສ້າງ ຂອງເມືອງວາງອອກໃນຄັ້ງນີ້ ໃຫ້ປະກົດຜົນເປັນຈິງ.

ຕອນທ້າຍ ກໍ່ໄດ້ຜ່ານແຜນການເຄື່ອນໄຫວ ໃນການລົງເກັບກຳຂໍ້ມູນຮອບດ້ານ ຕາມ F1 ແລະ F2 ຢູ່ໜ່ວຍຄຸ້ມຄອງພົນລະເມືອງ, ນໍາພາຂື້ນແຜນຄອບຄົວ,ແຜນຂອງໜ່ວຍຄຸ້ມຄອງພົນລະເມືອງ,ພ້ອມທັງປັບປຸງບຳລຸງພາລະບົດບາດ, ສິດ ແລະ ໜ້າທີ່ໃຫ້ຜູ້ຮັບຜິດຊອບວຽກງານຂະແໜງການຂອງບ້ານ ໃຫ້ມີຄວາມເຂັ້ມແຂງຂື້ນໄປເລື້ອຍໆ. ຂ່າວຍັງໃຫ້ຮູ້ອີກວ່າ ຢູ່ບ້ານທອງ ກໍ່ໄດ້ຈັດຕັ້ງເຊື່ອມຊືມ ເອກະສານ ທິດນຳ 3 ສ້າງ ເຊັ່ນດຽວກັນ.

ໂດຍ: ອິນແປງ ແຫວນຄຳ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.