Header Ads

ໜ່ວຍພັກດ່ານສາກົນລະໄລແຂວງສາລະວັນ ສະຫຼຸບວຽກງານ ປີ 2017 ແລະ ວາງທິດທາງແຜນການປີ 2018




  
ທ່ານ ສຳລີ ໂພທິສານ ຫົວໜ້າດ່ານສາກົນລະໄລ ໄດ້ກ່າວລາຍງານ ບົດສຳຫຼວດການນຳພາລວມຂອງຄະນະໜ່ວຍພັກດ່ານສາກົນລະໄລ.ຕະຫຼອດໄລຍະ1ປີ2017 ໂດຍປະຕິບັດຕາມພາລະບົດບາດ, ສິດ ແລະ ໜ້າທີ່ຂອງຄະນະໜ່ວຍພັກຮາກຖານ, ໜ່ວຍພັກດ່ານສາກົນລະໄລໄດ້ຮັບການສ້າງຕັ້ງຂຶ້ນຕາມຂໍ້ຕົກລົງຂອງຄະນະປະຈຳພັກແຂວງ, ສະບັບເລກທີ 249/ຄຈພຂ.ສວ, ລົງວັນທີ 17/11/2016 ແຕ່ງຕັ້ງບົ່ງຕົວ ຄະນະໜ່ວຍພັກທັງໝົດ 3 ສະຫາຍ, ຊີ້ນຳ - ນຳພາ 10 ຂະແໜງຄື:ຫ້ອງການບໍລິຫານຊີ້ນຳດ່ານ, ຂະແໜງພາສີ, ຂະແໜງ ຕມ , ຂະແໜງອາກອນ, ຂະແໜງກັກກັນພືດ, ຂະແໜງກັກກັນສັດ, ຂະແໜງກອງກວດກາປ່າໄມ້, ຂະແໜງອາຫານແລະຢາ,ຂະແໜງຄັງເງິນແລະຂະແໜງວິທະຍາສາດ-ເຕັກໂນໂລຊີ. 

ໜ່ວຍພັກດ່ານສາກົນລະໄລມີ 10 ຂະແໜງການ, ສະມາຊິກພັກ, ພະນັກງານ - ລັດຖະກອນ ປະຕິບັດແນວທາງນະໂຍບາຍ, ມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງພັກ, ກົດໝາຍຂອງລັດ ແລະ ວຽກງານວິຊາສະເພາະ. ຜ່ານການຈັດຕັ້ງປະຕິບັດຕົວຈິງສາມາດຕີລາຄາດ້ານດີ ເປັນຕົ້ນ:ຄະນະໜ່ວຍພັກດ່ານສາກົນລະໄລ ຍາມໃດກໍໄດ້ເອົາໃຈໃສ່ຕໍ່ວຽກງານການສຶກສາອົບຮົມການເມືອງແນວຄິດໃຫ້ແກ່ສະມາຊິກພັກ,ພະນັກງານ - ລັດຖະກອນ ທີ່ຢູ່ໃນຄວາມຮັບຜິດຊອບຢ່າງເປັນລະບົບຕໍ່ເນື່ອງ, ດ້ວຍວິທີການຫັນເອົາບັນດາແນວທາງ - ນະໂຍບາຍ, ມະຕິ, ຄຳສັ່ງ ແລະ ເອກະສານສຳຄັນຕ່າງໆ ຂອງຊາດ, ຂອງພັກ ມາຈັດຕັ້ງເຜີຍແຜ່ເຊື່ອມຊືມ ແລະ ສຶກສາອົບຮົມເພື່ອສ້າງຄວາມຮັບຮູ້ - ເຂົ້າໃຈ ແລະ ຄວາມເປັນເອກະພາບ ຕໍ່ແນວວທາງ ແລະ ເຊື່ອໝັ້ນຕໍ່ອຸດົມການຂອງພັກ.


 ເຮັດໃຫ້ຖັນແຖວສະມາຊິກພັກ, ພະນັກງານ - ລັດຖະກອນມີທັດສະນະຫຼັກໝັ້ນຊົນຊັ້ນປະຕິວັດ, ມີສະຕິຕໍ່ການຈັດຕັ້ງ ແລະ ຕັ້ງໜ້າຮ່ຳຮຽນແນວທາງນະໂຍບາຍຂອງພັກ ແລະ ກົດໝາຍຂອງລັດ, ເຮັດໃຫ້ມີສະມາຊິກພັກປະເພດແຂງກວມ 90% ຂື້ນໄປ.ວຽກງານປ້ອງກັນຊາດ - ປ້ອງກັນຄວາມສະຫງົບປະກອບສ່ວນເຂົ້າໃນການຕິດຕາມຄວາມເປັນລະບຽບຮຽບຮ້ອຍຂອງສຳນັກງານຫ້ອງການ, ມີສະຕິຕໍ່ການຈັດຕັ້ງປ້ອງກັນເວນຍາມ, ຮັກສາຄວາມສະຫງົບໄດ້ເປັນຢ່າງດີ ແລະ ກາຍເປັນໜ້າທີ່-ຄວາມຮັບຜິດຊອບ ຂອງໝົດທຸກຄົນ.ຍົກສູງສະຕິຄວາມເປັນເຈົ້າໃຫ້ແກ່ສະມາຊິກພັກ-ພະນັກງານ, ຫ້າວຫັນປະກອບສ່ວນເຂົ້າໃນການຈັດຕັ້ງປະຕິບັດມະຕິ ຄຳສັ່ງຂອງພັກ. ຄຽງຄູ່ກັບຜົນງານທີ່ຍາດມາໄດ້, ຜ່ານການນຳພາຂອງຄະນະໜ່ວຍພັກດ່ານສາກົນລະໄລ ກໍຍັງມີຈຸດອ່ອນ ແລະ ຂໍ້ຄົງຄ້າງທີ່ຈະຕ້ອງໄດ້ແກ້ໄຂຄື: ການຄົ້ນຄວ້າເຊື່ອມຊືມກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ ທີ່ກຳນົດອອກແຕ່ລະໄລຍະບໍ່ທັນເລິກເຊິ່ງ, ການສືກສາອົບຮົມການເມືອງ-ນຳພາແນວຄິດໃນຖັນແຖວສະມາຊິກພັກ, ພະນັກງານໃນ 10 ຂະແໜງການ ເພື່ອຈັດຕັ້ງຜັນຂະຫຍາຍມະຕິ, ຄຳສັ່ງຂອງພັກ ແລະ ແຜນພັດທະນາເສດຖະກິດ - ສັງຄົມຂອງລັດບໍ່ທັນສອດຄ່ອງເທົ່າທີ່ຄວນ ແລະວຽກອອ້ມຂ້າງທີ່ຕ້ອງປະຕິບັດ.

ໂດຍການເປັນປະທານ ຂອງ ທ່ານ ສຳລີ ໂພທິສານ ຄະນະພັກຮາກຖານຫ້ອງວ່າການປົກຄອງແຂວງສາລະວັນ, ຫົວໜ້າດ່ານສາກົນລະໄລ, ມີບັນທ່ານ ຮອງໜວ່ຍພັກພະນັກງານສຳມະຊິກພັກ,ໜວ່ຍພັກອອ້ມຂ້າງພາຍໃນເມືອງສະໝວ້ຍເຂົ້າຮວ່ມ.


ຂ່າວ: ສິດທິໄຊ ແກ້ວທ່ອນຈັນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.