Header Ads

ເຈົ້າແຂວງຕ້ອນຮັບຮອງລັດຖະມົນຕີກະຊວງການຕ່າງປະເທດຫວຽດນາມ





ວັນທີ 28 ພະຈິກ 2017 ຜ່ານມານີ້, ທ່ານ ປອ.ບຸນຖອງ ດີວິໄຊ ເຈົ້າແຂວງໆຈໍາປາສັກ ໄດ້ຕ້ອນຮັບທ່ານ ດັ້ງ ດຶງ ກຸຍ ຮອງລັດຖະມົນກະຊວງການຕ່າງປະເທດ ສສ ຫວຽດນາມ ເຂົ້າພົບປະ ໃນໂອກາດທີ່ທ່ານເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈໍາປາສັກ.

ໃນການພົບປະທ່ານ ປອ.ບຸນຖອງ ດີວິໄຊ ໄດ້ອະທິບາຍກ່ຽວກັບສະພາບຈຸດພິເສດ, ທີ່ຕັ້ງ, ພູມສັນຖານ, ສະພາບການພັດທະນາເສດຖະກິດ-ສັງຄົມ ແລະ ວຽກງານການພົວພັນກັບຕ່າງປະເທດ ຂອງແຂວງຈໍາປາສັກ ລວມທັງການພົວພັນ ແລະ ການຮ່ວມມືກັບບັນດາແຂວງ, ນະຄອນຢູ່ພາກກາງ-ພາກໃຕ້ຂອງ ສສ ຫວຽດນາມ ໃນໄລຍະຜ່ານມາ ໃຫ້ທ່ານດັ້ງ ດຶງ ກຸຍ ໄດ້ຮັບຊາບໂດຍສັງເຂບ. ຈາກນັ້ນ ທ່ານດັ້ງ ດຶງ ກຸຍ ກໍ່ໄດ້ສະແດງຄວາມຂອບໃຈໃນການຕ້ອນຮັບອັນອົບອຸ່ນຂອງທ່ານເຈົ້າແຂວງ ກໍ່ຄືອໍານາດການປົກຄອງແຂວງຈໍາປາສັກ ພ້ອມນີ້ທ່ານກໍ່ໄດ້ເວົ້າເຖິງມູນເຊື້ອການພົວພັນຮ່ວມມື ແລະ ຄວາມສາມັກຄີແບບພິເສດ ລະຫວ່າງ ຫວຽດນາມ-ລາວ, ລາວ-ຫວຽດນາມ ໃນອະດີດທີ່ຜ່ານມາ ເຊິ່ງໃນຕໍ່ໜ້າ ທັງ 2 ປະເທດ ຕ້ອງເອົາໃຈໃສ່ໂຄສະນາສຶກສາອົບຮົມຄົນຮຸ່ນໜຸ່ມໃຫ້ຮັບຮູ້ເຂົ້າໃຈຕໍ່ຄວາມໝາຍສໍາຄັນຂອງການພົວພັນຮ່ວມມືຂອງສອງປະເທດ ເພື່ອເພີ່ມພູນຄູນສ້າງໃຫ້ເຕີບໃຫຍ່ຂະຫຍາຍຕົວ. 

ໃນໄລຍະດຽວກັນ ທ່ານ ດັ້ງ ດຶງ ກຸຍ ຮອງລັດຖະມົນຕີກະຊວງການຕ່າງປະເທດຂອງ ສສ ຫວຽດນາມ ກໍ່ໄດ້ໃຫ້ກຽດໄປປາຖະກະຖາຢູ່ມະຫາວິທະຍາໄລຈໍາປາສັກ ໃນຫົວຂໍ້ “ ນະໂຍບາຍການຕ່າງປະເທດຂອງ ສສ ຫວຽດນາມ ຕໍ່ກັບພາກພື້ນ ແລະ ສາກົນ. ສະເພາະການພົວພັນຮ່ວມມືກັບ ສປປ ລາວ ເຊິ່ງຍາມໃດ ສສ ຫວຽດນາມ ກໍ່ຖືເອົາການພົວພັນຮ່ວມມືກັບ ສປປ ລາວ ເປັນອັນດັບໜຶ່ງ ”.


ຂ່າວ-ພາບ: ທູນທອງໃຈ ໜັງສືພິມຈໍາປາໃໝ່

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.