Header Ads

ບ້ານເພຍງາມ ເມືອງເງິນ ສຳເລັດກອງປະຊຸມໃຫຍ່ ຄັ້ງທີ 3 ຂອງແນວລາວສ້າງຊາດ.


ວັນທີ 14 ທັນວາ 2017 ນີ້ ຢູ່ທີຫໍປະຊຸມບ້ານເພຍງາມ ເມືອງເງິນ ແຂວງ ໄຊຍະບູລີ ໄດ້ສຳເລັດກອງປະຊຸມໃຫຍ່ ຄັ້ງທີ 3 ຂອງແນວລາວສ້າງຊາດ. ພາຍໃຕ້ການເປັນປະທານຂອງ ທ່ານ ໜານຄໍາ ໃຈແກ້ວ ເລຂາໜ່ວຍພັກນາຍບ້ານ, ເຂົ້າຮ່ວມເປັນກຽດ ມີທ່ານ ບຸນຕັນ ມາສຸວັນ ກຳມະການພັກເມືອງ ປະທານແນວລາວສ້າງຊາດເມືອງ, ມີປະທານແນວລາວສ້າງຊາດບ້ານ, ຜູ້ແທນ, ແຂກຖືກເຊີນ,ຜູ້ຊົງຄຸນວຸດທິ, ຜູ້ອາວຸໂສ, ພາຍໃນບ້ານເຂົ້າຮ່ວມ.



ກອງປະຊຸມໄດ້ຮອງເອົາຮ່າງລາຍງານການເມືອງໃນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ 2 ຂອງຄະນະກໍາມະການແນວລາວສ້າງຊາດບ້ານຕະຫຼອດໄລຍະ 5 ປີຜ່ານມາ.ຈາກນັ້ນກໍ່ໄດ້ ຜ່ານບົດສໍາຫຼວດການນໍາພາລວມຂອງຄະນະກຳມະການແນວລາວສ້າງຊຸດເກົ່າ ທີ່ໄດ້ຕີລາຄາສູງເຊິ່ງມີດ້ານດີ, ດ້ານອ່ອນ, ຂໍ້ຄົງຄ້າງ ໃນການຈັດຕັ້ງປະຕິບັດວຽກງານໃນຊຸມປີຜ່ານມາ ແມ່ນໄດ້ສຸມໃສ່ສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ເຮັດໃຫ້ປະຊາຊົນມີຄວາມສາມັກຄີເປັນປືກແຜ່ນ ແລະ ມີຄວາມເຊື່ອໝັ້ນຕໍ່ການນຳພາຂອງພັກ-ລັດ.




ກອງປະຊຸມ ໄດ້ຄົ້ນຄວ້າ ຢ່າງເປັນເອກະພາບ ແລະຮັບຮອງແຕ່ງຕັ້ງຄະນະກຳມະການແນວລາວສ້າງຊາດຊຸດໃໝ່  ເຊີ່ງແມ່ນຜູ້ທີ່ມີມາດຖານເງື່ອນໄຂ ມີຄວາມຕື່ນຕົວສະໝັກໃຈເຂົ້າຮ່ວມ ແລະ ມີຄວາມເຫັນດີເຫັນພ້ອມ, ມີຄວາມຫ້າວຫັນ,      ຕໍ່ໜ້າທີ່ວຽກງານຂອງແນວລາວສ້າງຊາດບ້ານໃນການຊີ້ນຳ-ພາ ຈຳນວນ 12 ທ່ານ, ຍິງ 4 ທ່ານ.


ຕອນທ້າຍກໍ່ໄດ້ຮັບຟັງການໂອ້ລົ້ມຂອງທ່ານ ບຸນຕັນ ມາສຸວັນ ກຳມະການພັກເມືອງ ປະທານແນວລາວສ້າງຊາດເມືອງ ເຊີ່ງທ່ານໄດ້ເໜັ້ນໜັກ ໃຫ້ຄະນະກຳມະການແນວລາວສ້າງຊາດຊຸດໃໜ່ ໃຫ້ເອົາໃຈໃສ່ໃນການເພີ່ມທະວີ ຄວາມສາມັກຄີ ໃຫ້ເປັນປຶກແຜນ ແໜ້ນໜາ ຕັ້ງໜ້າ ປະຕິບັດພາລະບົດບາດ, ສິດ ແລະ ໜ້າທີ ໃນການເຕົ້າໂຮມຄວາມສາມັກຄີຂອງຄະນະກຳມະການແນວລາວສ້າງຊາດເພື່ອນຳພາຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງນີ້ໃຫ້ປະກົດຜົນເປັນຈິງ.

ໂດຍ: ສຸລິຍາ ແສງເດືອນ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.