Header Ads

ທ່ານທອງສິງ ອາດິດນາຍົກ ຢ້ຽມຢາມແຂວງຜົ້ງສາລີ ພ້ອມເຊີນຊວນມາທ່ຽວສວນຊາ 400​ ປີ ບ້ານລຸ້ງຈິ້ງ!


ຜົ້ງສາລີ: ໃນວັນທີ 12 ທັນວາ 2017 ທ່ານ ທອງສິງ ທຳມະວົງ, ອາດີດ ນາຍົກລັດຖະມົນຕີ, ທີ່ປຶກສາຄະນະບໍລິຫານງານ ພ້ອມດ້ວຍຄະນະ ລົງເຄື່ອນໄຫວຊຸກຍູ້ວຽກງານຈັດຕັ້ງ, ກໍ່ສ້າງພັກ-ພະນັກງານ ຢູ່ແຂວງຜົ້ງສາລີ ໂດຍທ່ານໄດ້ຮັບຟັງການລາຍງານສະພາບລວມການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ຈາກທ່ານ ຄຳເຈນ ວົງໂພສີ ກຳມະການສູນກາງພັກ ເລຂາພັກແຂວງ ເຈົ້າແຂວງຜົ້ງສາລີ ມີຄະນະປະຈຳພັກ ກຳມະການພັກແຂວງ ແລະ ພະນັກງານຫລັກແຫລ່ງເຂົ້າຮ່ວມ.




ພ້ອມກັນນັ້ນທ່ານຍັງໄດ້ລົງຢ້ຽມຢາມ ແລະ ເຮັດວຽກກັບຄະນະນຳຂອງຂອງເມືອງຜົ້ງສາລີ ຈາກນັ້ນກໍໄດ້ລົງຢ້ຽມຢາມພົບປະປະຊາຊົນສວນຊາ 400 ປີ ຢູ່ບ້ານລຸ້ງຈິ້ງ ກຸ່ມບ້ານກໍແມນ ເມືອງຜົ້ງສາລີ. ເຊິ່ງສວນຊາແຫ່ງນີ້ ແມ່ນມີທ່າແຮງສຳຄັນໃນການຜະລິດ ຜະລິດຕະພັນຊາ ໃນການໃຊ້ພາຍໃນ ແລະ ສົ່ງອອກ.

ພ້ອມນີ້ ກໍ່ເປັນຈຸດໝາຍປາຍທາງ ຂອງການທ່ອງທ່ຽວ ທີ່ມີຄວາມໂດດເດັ່ນ ແລະ ຫຼາຍຄົນໃຫ້ຄວາມສົນໃຈມາທ່ຽວຊົມ ຢ່າງຫຼວງຫຼາຍ. ເຊື່ອວ່າ ໃນປີ 2018 ການທ່ອງທ່ຽວ ຍິ່ງຈະຄຶກຄັກກວ່າເກົ່າ.

ພາບແລະຂ່າວ:





ພາບແລະຂ່າວ: ໄກ່ນ້ອຍ ແສງອາລຸນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.