Header Ads

ພໍ່ຕູ້ເຈັບທ້ອງຂີ່ລົດເມສາຍໃຕ້ ມາວຽງຈັນ ເສຍຊີວິດຄາລົດເມ ຢ່າງໜ້າສະຫຼົດໃຈ! 4/12/2017


ນະຄອນຫຼວງວຽງຈັນ: ໃນຕອນເຊົ້າ ວັນທີ 4 ທັນວາ 2017 ໄດ້ມີການຮັບສົບຜູ່ເສຍຊີວິດ ຄາລົດເມ. ຊາບຊື່ແມ່ນ ພໍ່ຕູ້ຕິ່ງ ອາຍຸ 60 ປາຍປີ  ( ພໍ່ຂອງທ້າວໂກ້ ແລະເປັນພໍ່ປູ່ຂອງນາງຕຽງ) ບ້ານວັງປູນ ເມືອງແກ່ນທ້າວ ແຂວງໄຊຍະບູລີ.

ເຊິ່ງໄດ້ໄປນຳລົດໄຖຢູ່ພາກໃຕ້ ແລ້ວຈະກັບມາຍາມບ້ານເກີດ ໄດ້ເສຍຊີວິດໃນລົດເມ ຊ່ວງເວລາປະມານ 4 :20 ຕອນເຊົ້າຂອງວັນທີ່ 04/12/2017.

ຈາກການສອບຖາມຂໍ້ມູນຈາກໂຊເຟີລົດ ພໍ່ຕູ້ຕິ່ງແມ່ນໄດ້ມີອາການຈົ່ມເຈັບທ້ອງ ຈາກຄິວລົດຢູ່ພາກໃຕ້ ແຕ່ກະບໍ່ໄດ້ວ່າຊິເປັນຫຍັງຫລາຍ, ເພາະໄດ້ຊື້ປີ້ລົດແລ້ວ ຄັນຊິໄປຫາຫມໍຍ້ານບໍ່ທັນລົດເມ, ແຕ່ບັງເອີນລົດເມຄັນກ່າວແມ່ນໄດ້ຢ່າງຮົ່ວກາງທາງ ເຮັດໃຫ້ຕ້ອງໄດ້ປ່ຽນຢາງລົດ ແລະ ເສຍເວລາໄປອີກ.

ເຖິງຢ່າງໃດກໍ່ດີ ມີຂໍ້ຄວາມ ຈາກຜູ່ໂດຍສານທ່ານໜຶ່ງທີ່ໄດ້ເລົ່າສະຖານະການການເຈັບຂອງພໍ່ຕູ້ ແລະ ໄດ້ພະຍາຍາມຈະຂໍໃຫ້ໂຊເຟີ ຈອດໃຫ້ເພິ່ນເຂົ້າໂຮງໝໍຫຼາຍຄັ້ງ ແຕ່ກໍ່ກາຍມາ.


ຮຽກຮ້ອງໃຫ້ທາງເຈົ້າໜ້າທີ່ມີການກວດສອບ ເລື່ອງລາວ ລະອຽດຕື່ມ, ເພື່ອຈະໄດ້ມີວິທີການປ້ອງກັນເຫດການແບບນີ້ໃນອະນາຄົດ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.