Header Ads

ລັດທະມົນຕີກະຊວງປ້ອງກັນປະເທດລາວຕ້ອນຮັບທູດອິດສະຣາແອນ ແລະ ອົດສະຕຼາລີ



ໃນຕອນເຊົ້າຂອງວັນທີ 5 ທັນວາ 2017 ນີ້, ທີ່ຫ້ອງຮັບ ແຂກກະຊວງປ້ອງກັນປະເທດ, ທ່ານ ພົນໂທ ຈັນສະໝອນ ຈັນ ຍາລາດ ລັດຖະມົນຕີກະຊວງ ປ້ອງກັນປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການ ເຂົ້າຢ້ຽມຂໍ່ານັບຂອງທ່ານ ນາ ເດບ ເອັສກາ ເອກອັກຄະລັດຖະ ທູດວິສາມັນຜູ້ມີອຳນາດເຕັມ ແຫ່ງອິດສະຣາແອນ ປະຈຳ ສປປ ລາວ, ເຊິ່ງມີສຳນັກງານສະຖານທູດຕັ້ງຢູ່ນະຄອນຫຼວງຮ່າໂນ້ຍ ສສ ຫວຽດນາມ, ເນື່ອງໃນໂອກາດທີ່ເດີນທາງມາເຮັດວຽກຢູ່ ສປປ ລາວ ໃນລະຫວ່າງວັນທີ 4 – 7 ທັນວາ 2017
ນີ້.ໃນໂອກາດນີ້, ທ່ານ ພົນໂທ ຈັນສະໝອນ ຈັນຍາລາດ ກໍໄດ້ ສະແດງຄວາມຍິນດີຕ້ອນຮັບແລະ ຕີລາຄາສູງຕໍ່ທ່ານ ນາເດບ ເອັສກາ ເອກອັກຄະລັດຖະທູດ ອິດສະຣາແອນ ປະຈຳ ສປປ ລາວ ເຊິ່ງຈະເປັນການປະກອບ ສ່ວນອັນສຳຄັນເຂົ້າໃນການເສີມ ສ້າງສາຍພົວພັນມິດຕະພາບ ແລະ ການຮ່ວມມືເຊິ່ງກັນ ແລະ ກັນ.
ໂອກາດດຽວກັນ ທ່ານ ເອກ ອັກຄະລັດຖະທູດ ອິດສະຣາແອນ ປະຈຳ ສປປ ລາວ ຍັງໄດ້ສະແດງ ຄວາມຂອບອົກຂອບໃຈຕໍ່ການ ຕ້ອນຮັບອັນອົບອຸ່ນຈາກທ່ານ ລັດຖະມົນຕີກະຊວງປ້ອງກັນປະ ເທດ ແຫ່ງ ສປປ ລາວ ແລະ ສະ ເໜີບາງບັນຫາເພື່ອປຶກສາຫາລື ກ່ຽວກັບວຽກງານການຮ່ວມມື ລະຫວ່າງ ສປປ ລາວ – ອິດສະ ຣາແອນ.
ຂ່າວໃຫ້ຮູ້ຕື່ມວ່າ: ໃນຕອນ ແລງຂອງວັນດຽວກັນ ທ່ານ ພົນ ໂທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະ ເທດ ແຫ່ງ ສປປ ລາວ ຍັງໄດ້ ຕ້ອນຮັບການເຂົ້າຢ້ຽມອຳລາ ຂອງທ່ານ ຈອນ ວິນລ່ຽມ ເອກ ອັກຄະລັດຖະທູດ ອົດສະຕຼາລີ ປະຈຳ ສປປ ລາວ ເນື່ອງໃນໂອ ກາດທີ່ທ່ານໝົດວາລະໃນການ ປະຕິບັດໜ້າທີ່ການທູດຢູ່ ສປປ ລາວ.
ທີ່ມາ: ກະຊວງປ້ອງກັນປະເທດ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.