Header Ads

ກະຊວງສາທາ ສັ່ງຢຸດຕິການດຳເນີນທຸລະກິດ ຫ້ອງກວດພະຍາດຈົ່ງຊ່ານ





ນະຄອນຫຼວງວຽງຈັນ: ກົມ​ປິ່ນປົວ ແລະ ຟື້ນ​ຟູ​ໜ້າທີ່ການ ກະຊວງ​ສາທາລະນະ​ສຸກ ສົມທົບ​ກັບພະ​ແນກ​ສາທາລະນະສຸກ ນະຄອນຫຼວງ​ວຽງ​ຈັນ ແລະ ຫ້ອງການ​ສາທາລະນະ​ສຸກ 9 ຕົວ​ເມືອງ ລົງ​ຕິດຕາມ​ກວດກາການເຄື່ອນໄຫວ​ໃຫ້​ບໍລິການ ​ບັນດາ​ຫ້ອງ​ກວດ​ພະຍາດ​ພາກ​ເອກະຊົນ ຢູ່​ນະຄອນຫຼວງ​ວຽງ​ຈັນ ທີ່ເຄື່ອນ​ໄຫວ​ບໍ່​ຖືກຕ້ອງ ໂດຍ​ສະເພາະ ການ​ເອົາ​ໃບ​ອະນຸຍາດ​ໃຫ້ຜູ້​ອື່ນ​ເຊົ່າ ແລະ ຫ້ອງ​ກວດ​ພະຍາດ​ຂອງ​ຄົນ​ຕ່າງປະເທດ​ທີ່​ເປີດເອງ ແລະ ເຊົ່າ​ໃບ​ອະນຸຍາດ​ຂອງຄົນ​ລາວ ເພື່ອ​ສອດຄ່ອງ​ກັບ​ແຜນປະຕິ​ຮູບ​ສາທາລະນະ​ສຸກ​ໃນ​ໄລຍະ​ໃໝ່ ທັງ​ເປັນ​ການ​ປະຕິບັດ​ກົດໝາຍວ່າ​ດ້ວຍ​ການ​ປິ່ນປົວ​ຢ່າງເຂັ້ມ​ງວດ.ກົມ​ປິ່ນປົວ ແລະ ຟື້ນ​ຟູ​ໜ້າທີ່ການ ກະຊວງ​ສາທາລະນະ​ສຸກ ສົມທົບ​ກັບພະ​ແນກ​ສາທາລະນະສຸກ ນະຄອນຫຼວງ​ວຽງ​ຈັນ ແລະ ຫ້ອງການ​ສາທາລະນະ​ສຸກ 9 ຕົວ​ເມືອງ ລົງ​ຕິດຕາມ​ກວດກາການເຄື່ອນໄຫວ​ໃຫ້​ບໍລິການ ​ບັນດາ​ຫ້ອງ​ກວດ​ພະຍາດ​ພາກ​ເອກະຊົນ ຢູ່​ນະຄອນຫຼວງ​ວຽງ​ຈັນ ທີ່ເຄື່ອນ​ໄຫວ​ບໍ່​ຖືກຕ້ອງ ໂດຍ​ສະເພາະ ການ​ເອົາ​ໃບ​ອະນຸຍາດ​ໃຫ້ຜູ້​ອື່ນ​ເຊົ່າ ແລະ ຫ້ອງ​ກວດ​ພະຍາດ​ຂອງ​ຄົນ​ຕ່າງປະເທດ​ທີ່​ເປີດເອງ ແລະ ເຊົ່າ​ໃບ​ອະນຸຍາດ​ຂອງຄົນ​ລາວ ເພື່ອ​ສອດຄ່ອງ​ກັບ​ແຜນປະຕິ​ຮູບ​ສາທາລະນະ​ສຸກ​ໃນ​ໄລຍະ​ໃໝ່ ທັງ​ເປັນ​ການ​ປະຕິບັດ​ກົດໝາຍວ່າ​ດ້ວຍ​ການ​ປິ່ນປົວ​ຢ່າງເຂັ້ມ​ງວດ.


 ວັນ​ທີ 7 ທັນວາ 2017 ທ່ານ ບຸນ​ໜັກ ໄຊຊະນະ​ສົງຄາມ ຫົວໜ້າ​ກົມ​ປິ່ນປົວ ແລະ ຟື້ນ​ຟູ​ໜ້າທີ່​ການ ຫົວໜ້າ​ຊີ້​ນຳ​ທີມ​ງານ​ວິຊາ​ການ ພ້ອມ​ດ້ວຍ​ຄະນະ ໄດ້​ລົງກວດກາ​ຫ້ອງ​ກວດ​ພະຍາດ​ຈົງຊານ ບ້ານ​ໂພນ​ທັນ ເມືອງ​ໄຊ​ເຊດຖາ ແຕ່​ກ່ອນ​ເປັນ​ຫ້ອງ​ກວດ​ພະຍາດ​ທີ່​ເປີດ​ຂຶ້ນ ໂດຍ​ເຊົ່າ​ໃບ​ອະນຸຍາດ​ຂອງ​ຄົນ​ລາວ ປັດຈຸບັນ ໄດ້ເປີດ​ເອງ ເປັນ​ຫ້ອງ​ກວດ​ພະຍາດເອກະ​ຊົນ​ຕ່າງປະເທດ (ຈີນ) ທີ່​ບໍ່ໄດ້​ຮັບ​ອະນຸຍາດ​ຈາກ​ກະຊວງ​ສາທາ​ລະນະ​ສຸກ ເຄື່ອນ​ໄຫວ​ບໍ່​ຖືກຕ້ອງ ຜ່ານ​ມາ​ເຄີຍ​ຖືກ​ຕັກເຕືອນໃຫ້​ຢຸດ​ເຊົາ 2 ຄັ້ງ ພ້ອມ​ນີ້ຍັງ​ບໍ່ປະຕິບັດ​ຕາມ​ຄຳ​ແນະນຳ​ເປີດ​ບໍ​ລິການ​ແກ່ຍາວ​ມາ​ເຖິງ​ປັດຈຸບັນ ມີການ​ໂຄສະນາ​ຜ່ານ​ສື່​ຕ່າງໆ ເຊິ່ງແມ່ນ​ຂໍ້​ຫ້າມ​ຂອງ​ກະຊວງ​ສາ​ທາລະນະ​ສຸກ ຜ່ານ​ການ​ລົງ​ກວດກາຄັ້ງ​ນີ້ ​ໄດ້​ເຮັດ​ບົດ​ບັນທຶກ ພ້ອມ​ທັງເຕືອນ​ໃຫ້​ຢຸດ​ເຊົາ ແລະ ປິດ​ກິດຈະ​ການ ບໍ່​ໃຫ້​ກາຍ​ວັນ​ທີ 30 ທັນວາ 2017 ຖ້າ​ບໍ່​ຢຸດ​ເຊົາ ​ຈະ​ໄດ້​ໃຊ້ມາດ​ຕະການ​ຂັ້ນ​ເດັດຂາດ ພ້ອມທັງ​ປັບ​ໃໝ ແລະ ປິດ​ກິດຈະການ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.