Header Ads

ສະຫຼຸບຕີລາຄາ ການຈັດຕັ້ງປະຕິບັດ ແລະ ຖອດຖອນບົດຮຽນ ວຽກງານພັດທະນາສີມືແຮງງານ ແລະ ຈັດຫາງານ ປະຈຳປີ 2017 ແລະ ທິດທາງແຜນປີ 2018




ເພື່ອພັດທະນາສີມືແຮງງານ ລາວໃຫ້ມີຄວາມຮູ້, ຄວາມສາມາດ, ມີສີມື, ມີນິດໃສອຸດສາຫະກຳ, ມີຄວາມກະຕືລືລົ້ນໃນການພັດທະນາຕົວເອງ ແລະ ພັດທະນາປະເທດຊາດ ຕາມທິດຫັນເປັນອຸດສາຫະກຳ ແລະ ທັນສະໄໝ. ພ້ອມນີ້ກໍ່ແນໃສ່ຈັດຕັ້ງປະຕິບັດແຜນພັດທະນາ ແລະ ແກ້ໄຂຄວາມທຸກຍາກຂອງປະຊາຊົນ ເພື່ອຫຼຸດພົ້ນອອກຈາກຄວາມດ່ອຍພັດທະນາແຕ່ນີ້ຮອດ ປີ 2020 .ໃນ ວັນທີ 08 ທັນວາ 2017ນີ້,ທີ່ກະຊວງແຮງງານ ແລະ ສະຫວັດດີການສັງຄົມ ( ຮສສ ), ໄດ້ຈັດກອງປະຊຸມກອງປະຊຸມສະຫຼຸບຖອດຖອນບົດຮຽນ ການຈັດຕັ້ງປະຕິບັດ ວຽກງານພັດທະນາສີມືແຮງງານ ແລະ ຈັດຫາງານ ປະຈຳປີ 2017 ແລະ ທິດທາງແຜນປີ 2018, ໂດຍການເຂົ້າຮ່ວມຂອງ ທ່ານ ບຸນຄົງ ຫຼ້າສຸກັນ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ( ຮສສ ), ທ່ານ ນ.ອານຸສອນ ຄຳສິງສະຫວັດ ຮັກສາການຫົວໜ້າພັດທະນາສີມືແຮງງານ ແລະ ຈັດຫາງານ, ມີບັນດາຕ່າງໜ້າກົມກຽ່ວຂ້ອງ, ສະຖາບັນ, ບັນດາສູນບໍລິການທົວ່ປະເທດ, ພະນັກງານວິຊາການພາຍໃນກົມ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.



ກອງປະຊຸມດັ່ງກ່າວ, ບັນດາຜູ້ເຂົ້າຮ່ວມທັງໝົດຍັງໄດ້ຮັບຟັງການສະຫຼຸບລາຍງານ ໂດຍ ທ່ານ ນ.ອານຸສອນ ຄຳສິງສະຫວັດ ຮັກສາການຫົວໜ້າພັດທະນາສີມືແຮງງານ ແລະ ຈັດຫາງານໃນການຈັດຕັ້ງປະຕິບັດວຽກງານກອງທຶນປະກັນສັງຄົມປະຈຳປີ 2017, ດ້ານດີດ້ານອອ່ນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ໃນໄລຍະຜ່ານມາ ແລະ ພ້ອມກັນກຳນົດທິດທາງແຜນການຈຸດສຸມປີ 2018, ຈາກນັ້ນຜູ້ເຂົ້າຮວ່ມ ຍັງໄດ້ພ້ອມກັນຄົ້ນຄວ້າປະກອບຄຳເຫັນບາງບັນຫາ ເພື່ອຄວາມເປັນເອກະພາບໃນຈັດຕັ້ງປະຕິບັດໃນຕໍ່ໜ້າ.



ໃນໂອກາດກອງປະຊຸມຄັ້ງນີ້, ທ່ານ ບຸນຄົງ ຫຼ້າສຸກັນ ຮອງລັດຖະມົນຕີ ກະຊວງ ຮສສ ກໍໄດ້ໃຫ້ກຽດໂອ້ລົມ, ໃຫ້ທິດຊີ້ນໍາ ແລະ ທ່ານ ຍັງໄດ້ຕີລາຄາ ຍ້ອງຍໍ, ຊົມເຊີຍ ຕໍ່ຜົນງານຂອງ ກົມ ພຈງ ຍາດມາໄດ້ ໄລຍະ 1 ປີ ຜ່ານມາ ແລະ ທ່ານໄດ້ເນັ້ນໜັກບາງບັນຫາທີສຳຄັນດັ່ງນີ້: ວຽກງານພັດທະນາສີມືແຮງງານ ແລະ ຈັດຫາງານ ມັນແມ່ນຄວາມຈຳເປັນ ແລະ ຄວາມຕ້ອງການອັນຮີບດ່ວນໃນປະຈຸບັນ ແລະ ອານາຄົດ ເພື່ອພັດທະນາສີມື ແລະຈັດຫາວຽກເຮັດງານທຳ ຕອບສະໜອງໃຫ້ໄດ້ຕາມແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນພັດທະນາວຽກງານແຮງງານ ແລະ ສະຫວັດດີການສັງຄົມຂອງພວກເຮົາ, ພ້ອມກັນຈັດຕັ້ງປະຕິບັດໃຫ້ສໍາເລັດຕາມລະດັບຄາດໝາຍ ແລະ ຈົ່ງພ້ອມກັນເອົາໃຈໃສ່ ບາງດ້ານດັ່ງນີ້: ສຸມໃສວຽກງານພັດທະນາສີມືແຮງງານ ແລະ ຈັດຫາງານ ໃຫ້ປະກົດຜົນເປັນຈິງ, ສ້າງມາດຕະຖານສີມືແຮງງານ ແຫ່ງຊາດ

ສ້າງລະບຽບການທົດສອບຫລັກສູດພັດທະນາສືມືແຮງງານຕາມມາດຕະຖານທີ່ໄດ້ກຳນົດໄວ້ໃຫ້ສຳເລັດໂດຍໄວ ໂດຍເນັ້ນໃສ່ການຝືກໄລຍະສັ້ນ, ມີສ່ວນຮ່ວມກັບບັນດາບໍລິສັດຈັດຫາງານໃນການຈັດຕັ້ງປະຕິບັດຕົວເລກຄາດໝາຍສູ້ຊົນການຈັດຫາງານ, ປະສານສົມທົບກັບພາກສ່ວນກຽ່ວຂ້ອງໃນການສະໜອງຂໍ້ມູນຂ່າວສານຕະຫລາດແຮງງານ ແລະ ຮຽກຮ້ອງໃຫ້ພາກສ່ວນທີ່ຮັບຜິດຊອບເອົາໃຈໃສ່ຄົ້ນຄວ້າ ຈັດຕັ້ງປະຕິບັດແຜນຍຸດທະສາດວ່າດ້ວຍແຮງງານອອກເປັນແຜນການ, ແຜນງານ, ໂຄງການ ແລະ ວຽກດຸນດຽ່ງແຮງງານ ໃຫ້ຫລາຍຂື້ນ; ເພື່ອເຮັດໃຫ້ວຽກງານ ເຄື່ອນໄຫວໄປຕາມ ພາລະບົດບາດ, ໜ້າທີ່, ແລະ ຕາມແຜນການທີ່ໄດ້ກໍານົດໄວ້ໃຫ້ສຳເລັດຜົນໃນຊຸມປີຕໍ່ໜ້າ.
ພາບ-ຂ່າວ: ເພັດສະໄໝ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.