Header Ads

ກອງປະຊຸມວຽກງານ ຂົນສົ່ງ ແລະຄຸ້ມຄອງພາຫະນະການຂັບຂີ່ທົ່ວແຂວງຈຳປາສັກຈັດຂຶ້ນທທີ່ເມືອງສຸຂຸມາ


ກອງປະຊຸມ ວຽກງານຂົນສົ່ງ ແລະຄຸ້ມຄອງພາຫະນະການຂັບຂີ່ທົ່ວແຂວງຈຳປາສັກຈັດຂຶ້ນທີ່ສະໂມສອນຂອງ ເມືອງສຸຂຸມາ ໃນຕອນເຊົ້າວັນທີ 13 ທັນວາ 2017 ນີ້,ໂດຍພາຍໃຕ້ການເປັນປະທານ ຂອງທານ ດຣ ສຸກກະເສີມ ປາກດີມະນີວົງ ຫົວໜ້າພແນກ ຍທຂ ແຂວງຈຳປາສັກ, ທ່ານ ສົມສີ ມະນີນິນ ເຈົ້າເມືອງໆສຸຂຸມາ,ມີບັນດາທ່ານຫົວໜ້າ ແລະ ຄະນະຫ້ອງການ ຍທຂ 10 ຕົວເມືອງ, ຫົວໜ້າຫ້ອງການ,ຂະແໜງການ ແລະວິຊາການກ່ຽວຂ້ອງຂອງແຂວງ ແລະເມືອງເຂົ້າຮ່ວມ.



ທ່ານ ສົມສີ ມະນີນິນ ເຈົ້າເມືອງສຸຂຸມາ ໄດ້ກ່າວໄຂກອງປະຊຸມ ໂດຍຍົກໃຫ້ເຫັນຄວາມສຳຄັນຂອງກອງປະຊຸມທີ່ເມືອງສຸຂຸມາຮັບກຽດເປັນເຈົ້າພາບຈັດກອງປະຊຸມຄັ້ງນີ້,ຈາກນີ້ທ່ານ ດຣ ສຸກກະເສີມ ປາກດີມະນີວົງ ຫົວໜ້າພແນກ ຍທຂ ແຂວງຈຳປາສັກ ມີຄຳເຫັນວ່າ: ກອງປະຊຸມວຽກງານຂົນສົ່ງ ແລະຄຸ້ມຄອງພາຫະນະການຂັບຂີ່ທົ່ວແຂວງຈຳປາສັກຈັດຂຶ້ນຄັ້ງນີ້,ເປັນການຜັນຂະຫຍາຍວຽກງານສາມສ້າງໃນຂົງເຂດ ຍທຂ ໃຫ້ປະກົດຜົນເປັນຈິງ, ແນໃສ່ຍົກລະດັບຄວາມສາມາດ ແລະຄວາມເຂັ້ມແຂງໃຫ້ແກ່ ຍທຂ 10 ຕົວເມືອງ ໃນການຂຶ້ນທະບຽນພາຫະນະ ແລະການສອບເສັງເອົາໃບຂັບຂີ່ ເຮັດໃຫ້ມີຄວາມສະດວກວ່ອງໄວ ຖືກຕ້ອງສອດຄ່ອງຕາມລະບຽບກົດໝາຍ,ແກ້ໄຂບັນຫາຈຸດອ່ອນ,ຂໍ້ຫຍຸ້ງຍາກໃນໄຍະຜ່ານມາໃຫ້ໝົດໄປ.ສ້າງທຸກເງື່ອນໄຂອຳນວຍຄວາມສະດວກແກ່ປະຊາຊົນ,ທັງເປັນການສ້າງລາຍຮັບເຂົ້າງົປປະມານໃນຂົເຂດນີ້ໃຫ້ຕາມລະດັບຄາດໝາຍ.




ໃນກອງຊຸມຄັ້ງນີ້,ຍັງໄດ້ເຜີຍແຜ່ເອກກະສານຂັ້ນຕອນການຂຶ້ນທະບຽນພາຫະນະ ແລະ ການສອບເສັງເອົາໃບຂັບຂີ່ ເພື່ອໃຫ້ຜູ້ເຂົ້າຮ່ວມຮັບຮູ້ເຂົ້າໃຈເເຈ້ງຕໍ່ວິທີການຈັດຕັ້ງປະຕິບັດ, ມີການປະກອບຄຳຄິດຄຳເຫັນເນັ້ນໃສ່ເຮັດໃຫ້ມີຄວາມເປັນເອກພາບກັນໃນ 10 ຕົເມືອງທົ່ວແຂວງອີກດ້ວຍ.



ພາບ ແລະ ຂ່າວ: ວິທະຍຸກະຈາຍສຽງແຂວງຈໍາປາສັກ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.