Header Ads

ກອງປະຊຸມສະຫຼຸບຖອດຖອນບົດຮຽນວຽກງານກອງທືນພັດທະນາຂັ້ນບ້ານທົ່ວແຂວງໄຊຍະບູລີ






ຕອນເຊົ້າຂອງວັນທີ 18 ທັນວາ 2017 ນີ້ ທີ່ສະໂມສອນຫ້ອງວ່າການ ແຂວງ ໄຊຍະບູລີ, ໂດຍການເປັນປະທານຂອງ ທ່ານ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ເຂົ້າຮ່ວມມີ ຂະນະປະຈໍາພັກແຂວງ, ກໍາມະການພັກແຂວງ, ມີຫົວໜ້າພະແນກການອ້ອມຂ້າງແຂວງ, ມີເຈົ້າເມືອງພ້ອມດ້ວຍຫົວໜ້າຫ້ອງການກະສິກໍາ-ປ່າໄມ້ 11 ເມືອງ ແລະ ທະນາຄານແຫ່ງຕ່າງໆເຂົ້າຮ່ວມຢ່າງຫຼວງຫຼາຍ.



ໃນກອງປະຊຸມ ທ່ານ ຄໍາຫຼ້າ ຜີວ ວັນນາ ຫົວໜ້າພະແນກກະສິກໍາ-ປ່າໄມ້ແຂວງ ໄດ້ຂຶ້ນຜ່ານບົດສະຫຼຸບການຈັດຕັ້ງ ແລະ ຄຸ້ມຄອງກອງທືນພັດທະນາຂັ້ນບ້ານສົກປີ 2016-2017 ແລະ ທິດທາງປີ 2018, ເຊີ່ງທ່ານໄດ້ກ່າວວ່າ: ທົ່ວແຂວງ ມີ 14 ປະເພດກອງທືນເປັນຕົ້ນແມ່ນ: ປະເພດກອງທືນ ເງິນທ້ອນຂອງສະມາຊິກ ແລະ ທືນສົມທົບຈາກພາກສ່ວນອື່ນ, ປະເພດກອງທືນສະຖາບັນການເງິນທີ່ບໍ່ຮັບຝາກ, ກອງທືນສິນເຊື່ອສະຫະພັນແມ່ຍິງ, ກອງທືນສົ່ງເສີມກະສິກໍາ, ກອງທືນສົ່ງເສີມການຜະລິດປູກພືດຕາມລະດູການ, ກອງທືນໝູນວຽນການຜະລິດກະສິກໍາແກ້ໄຂຄວາມທຸກຍາກ, ກອງທືນແກ້ໄຂຄວາມທຸກຍາກ, ກອງທືນລ້ຽງສັດ, ກອງທືນພັດທະນາສີມືແຮງງານ, ນອກນັ້ນຍັງມີການປ່ອຍສິນເຊື່ອຂອງບັນດາຫົວໜ່ວຍທຸລະກິດຕ່າງໆ ເພື່ອສົ່ງເສີມການຜະລິດກະສິກໍາ ເປັນຕົ້ນແມ່ນການກຽມດິນ, ແນວພັນ, ຝຸ່ນ ແລະ ຢາ ດ້ວຍອັດຕາດອກເບ້ຍ 5 %, ປະຈຸບັນທົ່ວແຂວງມີກອງທືນທັງໝົດ 296 ກອງທືນ, ກວມເອົາ 68,84 % ຂອງຈໍານວນບ້ານໃນທົ່ວແຂວງ, ມີທືນທັງໝົດ121ຕື້ກວ່າກີບ, ໃນນັ້ນເງິນຝາກຈໍານວນ 107 ຕື້ກວ່າກີບ, ມີສະມາຊິກທັງໝົດ 39.516 ຄົນ, ໃນນີ້: ເມືອງ ໄຊຍະບູລີ ມີ 74 ກອງທືນ, ມີສະມາຊິກ 8.760 ຄົນ, ມີທືນທັງໝົດ 26 ຕື້ກວ່າກີບ, ເມືອງ ຄອບ ມີ 27 ກອງທືນ, ມີສະມາຊິກ 3.761 ຄົນ, ມີທຶນທັງໝົດ 5 ຕື້ກວ່າກີບ, ເມືອງ ຫົງສາ ມີ 37 ກອງທືນ, ມີສະມາຊິກ 5.024 ຄົນ, ມີທືນທັງໝົກ 17 ຕື້ກວ່າກີບ, ເມືອງ ຊຽງຮ່ອນ ມີ 37 ກອງທືນ, ມີສະມາຊິກ 4.323 ຄົນ, ມີທືນ 5 ຕື້ ກວ່າກີບ, ເມືອງ ເງິນ ມີ 22 ກອງທືນ, ມີສະມາຊິກ 3.169 ຄົນ, ມີທືນ 9 ຕື້ກວ່າກີບ, ເມືອງ ພຽງ ມີ 28 ກອງທືນ, ມີສະມາຊິກ 6.022 ຄົນ, ມທືນ 23 ຕື້ກວ່າກີບ, ເມືອງ ປາກລາຍ ມີ 27 ກອງທືນ, ມີສະມາຮຊິກ 4.966 ຄົນ, ມີທືນ 22 ຕື້ກວ່າກີບ, ເມືອງ ແກ່ນທ້າວ ມີ 7 ກອງທືນ, ມີສະມາຊິກ649 ຄົນ, ມີທືນ 2 ຕື້ກວ່າກີບ, ເມືອງ ບໍ່ແຕນ ມີ 26 ກອງທືນ, ມີສະມາຊິກ 1.788 ຄົນ, ມີທືນ 5 ຕື້ກວ່າກີບ, ເມືອງ ທົ່ງມີໄຊ ມີ 7 ກອງທືນ, ມີສະມາຊິກ 785 ຄົນ, ມີທືນ 2 ຕື້ກວ່າກີບ ແລະ ເມືອງ ໄຊຊະຖານ ມີ 4 ກອງທືນ, ມີສະມາຊິກ 269 ຄົນ, ມີທືນ 103 ລ້ານກວ່າກີບ.




ທີ່ມາ: ຂ່າວແຊວງໄຊຍະບູລີ (ມີເດຍລາວ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.