Header Ads

ກະຊວງ ຍທຂ ຈັດຕັ້ງໂຄສະນາ-ປະຖະກະຖາວັນຊາດທີ 2 ທັນວາ ຄົບຮອບ 42 ປີ ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 97 ປີ



 ໃນວັນທີ 13 ທັນວາ 2017 ຢູ່ທີ່ຫ້ອງປະຊຸມໃຫຍ່ ກະຊວງໂຍທາທິການ ແລະ ຂົນສົ່ງ ໄດ້ເປີດກອງປະຊຸມຮັບ ຟັງປະຖະກະຖາ ວັນສະຖາປະນາ ສປປ ລາວ ຄົບຮອບ 42 ປີ ແລະ ວັນຄ້າຍວັນເກີດຂອງ ທ່ານ ປະທານ ໄກສອນ ພົມວິຫານ ຄົບຮອບ 97 ປີ, ໃຫ້ກຽດເຜີຍແຜ່ເຊື່ອມຊຶມໃນຄັ້ງນີ້ ໂດຍແມ່ນ ສະຫາຍ ປອ. ພັນດວງຈິດ ວົງສາ ອະດີດ ຫົວໜ້າ ຄະນະໂຄສະນາອົບຮົມສູນກາງພັກ, ໃຫ້ກຽດເຂົ້າຮ່ວມໂດຍ ສະຫາຍ ປອ ສັນຕິສຸກ ສິມມາລາວົງ, ທ່ານ ລັນ ແສງອາພອນ ຄະນະປະຈໍາພັກ, ຄະນະພັກກະຊວງ, ບັນດາສະຫາຍ ຄະນະພັກຮາກຖານ, ຄະນະໜ່ວຍພັກຮາກ ຖານ, ຜູ້ຊ່ວຍລັດຖະມົນຕີ, ທີ່ປຶກສາລັດຖະມົນຕີ, ຫົວໜ້າກົມ, ຮອງຫົວໜ້າກົມ, ຫ້ອງການ, ສະຖາບັນ, ກອງ, ລັດວິ ສາຫະກິດ, ຫົວໜ້າພະແນກ, ຮອງພະແນກ ແລະ ຄະນະສາມອົງການຈັດຕັ້ງມະຫາຊົນຂັ້ນກະຊວງ




ການຈັດຕັ້ງເຜີຍແຜ່ເຊື່ອມຊຶມວັນປະຫວັດສາດສຳຄັນຂອງຊາດ ໃນຄັ້ງນີ້ ແມ່ນເພື່ອໂຄສະນາ-ສຶກສາອົບຮົມ ການເມືອງ-ແນວຄິດ ໃຫ້ສະມາຊິກພັກ, ພະນັກງານຫລັກແຫລ່ງຂອງ ກະຊວງ ຍທຂ ໃຫ້ມີຄວາມຮັບຮູ້, ຄວາມເຂົ້າ ໃຈກ່ຽວກັບຄວາມໝາຍ, ຄວາມສໍາຄັນຂອງການສະຖາປະນາ ສປປ ລາວ ຄົບຮອບ 42 ປີ ຢ່າງເລິກເຊິ່ງ, ເປັນເຫດ ການປະຫວັດສາດສໍາຄັນໃຫຍ່ຫລວງຂອງຊາດລາວເຮົາ, ຕິດພັນກັບ ການເສີມຂະຫຍາຍມູນເຊື້ອອັນດີງາມຂອງຊາດ, ຄຸນສົມບັດສິນທຳປະຕິວັດຂອງ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປະຊາຊົນ ລາວບັນດາເຜົ່າ ໃຫ້ພະນັກງານ, ສະມາຊິກພັກໄດ້ຮັບຮູ້ ແລະ ຮໍ່າຮຽນເອົາແບບຢ່າງອັນໃສແຈ້ງດີເດັ່ນຂອງເພິ່ນ, ຝຶກຝົນຫລໍ່ຫລອມ ຕົນເອງເພື່ອຮັບໃຊ້ຊາດ, ຮັບໃຊ້ປະຊາຊົນດ້ວຍຄວາມບໍລິສຸດຜຸດຜ່ອງ, ຕັ້ງໜ້າຈັດຕັ້ງປະ ຕິບັດແນວທາງແຜນນະໂຍ ບາຍຂອງພັກ-ລັດ ເຮັດໃຫ້ປະກົດຜົນເປັນຈິງຍິ່ງໆຂື້ນ.



ທີ່ມາ: ກະຊວງ ຍທຂ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.