Header Ads

ສະຫຼຸບຕີລາຄາ ການຈັດຕັ້ງປະຕິບັດ ແລະ ຖອດຖອນບົດຮຽນ ວຽກງານກອງທຶນປະກັນສັງຄົມແຫ່ງຊາດ ( ຫກປຊ) ປະຈຳປີ 2017 ແລະ ທິດທາງແຜນປີ 2018




ເພື່ອເຮັດໃຫ້ວຽກງານກອງທຶນປະກັນສັງຄົມໄດ້ຮັບການພັດທະນາລະບອບກົນໄກການຄຸ້ມຄອງບໍລິຫານ ແລະ ການສະໜອງບໍລິການແກ່ຜູ້ປະກັນຕົນຢ່າງເປັນລະບົບ ແລະ ຮັບປະກັນການຈ່າຍບັນດາອຸດໜູນຕ່າງໆໄດ້ຖ່ວງທັນກັບເວລາ, ສັງຄົມມີຄວາມພຶ່ງພໍໃຈ, ແທດເໝາະກັບຈຸດພິເສດຂອງແຕ່ລະທ້ອງຖິ່ນ ລວມທັງສ້າງຄວາມເຂົ້າໃຈແກ່ທຸກພາກສ່ວນທີ່ກ່ຽວຂ້ອງນຳອີກ. ໃນລະຫວ່າງ ວັນທີ 30ພະຈິກ-1 ທັນວາ 2017ນີ້,ທີ່ທ່າລາດ, ແຂວງວຽງຈັນ, ໄດ້ຈັດກອງປະຊຸມກອງປະຊຸມສະຫຼຸບຖອດຖອນບົດຮຽນ ການຈັດຕັ້ງປະຕິບັດ ວຽກງານກອງທຶນປະກັນສັງຄົມແຫ່ງຊາດ ປະຈຳປີ 2017 ແລະ ທິດທາງແຜນປີ 2018 ຂື້ນ, ໂດຍການເຂົ້າຮ່ວມຂອງ ທ່ານ ປອ ຄຳແກ້ວ ສານບຸນຄູນໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ( ຮສສ ), ທ່ານ ປະເດີມພອນ ສົນທະນີ ຜູ້ອຳນວຍການຫ້ອງການກອງທຶນປະກັນສັງຄົມແຫ່ງຊາດ, ມີບັນດາຫົວໜ້າກົມ, ບັນດາສູນບໍລິການທົ່ວປະເທດ,ພະນັກງານວິຊາການກອງທຶນປະກັນສັງຄົມ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.






ກອງປະຊຸມດັ່ງກ່າວ, ບັນດາຜູ້ເຂົ້າຮ່ວມທັງໝົດຍັງໄດ້ຮັບຟັງການສະຫຼຸບລາຍງານ ໂດຍ ທ່ານ ບຸນຍອດ ຈັນທະວອນ ຮອງອຳນວຍການກອງທຶນປະກັນສັງຄົມແຫ່ງຊາດ ໃນການຈັດຕັ້ງປະຕິບັດວຽກງານກອງທຶນປະກັນສັງຄົມປະຈຳປີ 2017, ດ້ານດີດ້ານອອ່ນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ໃນໄລຍະຜ່ານມາ ແລະ ພ້ອມກັນກຳນົດທິດທາງແຜນການ,ຕົວເລກຈຸດສຸມປີ 2018, ຈາກນັ້ນຜູ້ເຂົ້າຮວ່ມ ຍັງໄດ້ພ້ອມກັນຄົ້ນຄວ້າປະກອບຄຳເຫັນບາງບັນຫາ ເພື່ອຄວາມເປັນເອກະພາບໃນຈັດຕັ້ງປະຕິບັດໃນຕໍ່ໜ້າ.



ໃນໂອກາດກອງປະຊຸມຄັ້ງນີ້, ທ່ານ ປອ ຄຳແກ້ວ ສານບຸນຄູນໄຊ ຮອງລັດຖະມົນຕີ ກະຊວງ ຮສສ ກໍໄດ້ໃຫ້ກຽດໂອ້ລົມ, ໃຫ້ທິດຊີ້ນໍາ ແລະ ທ່ານ ຍັງໄດ້ຕີລາຄາ ຍ້ອງຍໍ, ຊົມເຊີຍ ຕໍ່ຜົນງານຂອງ ຫ້ອງການກອງທຶນປະກັນສັງຄົມ ( ຫກປຊ) ຍາດມາໄດ້ ໄລຍະ 1 ປີ ຜ່ານມາ ແລະ ທ່ານໄດ້ເນັ້ນໜັກບາງບັນຫາທີສຳຄັນດັ່ງນີ້: ລະບົບປະກັນສັງຄົມຊຶ່ງແມ່ນພາລະກິດຫລັກທີ່ໄດ້ກຳນົດແຈ້ງໃນແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນພັດທະນາວຽກງານແຮງງານ ແລະ ສະຫວັດດີການສັງຄົມຂອງພວກເຮົາ, ພ້ອມກັນຈັດຕັ້ງປະຕິບັດໃຫ້ສໍາເລັດຕາມລະດັບຄາດໝາຍ, ອົງການຈັດຕັ້ງແຕ່ລະຂັ້ນຕ້ອງໄດ້ເອົາໃຈໃສ່ການສຶກສາອົບຮົມດ້ານການເມືອງແນວຄິດ, ຂະຫຍາຍອັດຕາປົກຄຸມລະບົບປະກັນສັງຄົມ ແລະ ການບໍລິການປິ່ນປົວສຸຂະພາບ ໃຫ້ຜູ້ປະກັນຕົນ ຂັ້ນແຂວງລົງຮອດເມື່ອງ, ບ້ານ , ອອກຂ່າວການໂຄສະນາ ປະຊາສຳພັນ ຕ່າມບັນດາສື່ຕ່າງໆ, ຂົນຂວາຍ ບວກໃສ່ການປະສານສົມທົບກັບອົງການລັດ ແລະ ພາກສ່ວນທີ່ກ່ຽວຂ້ອງໃນການຊຸກຍູ້, ຜັກດັນ ຫລື ໃຊ້ມາດຕະການບັງຄັບກຸ່ມເປົ້າໝາຍໃຫ້ເຂົ້າສູ່ລະບົບປະກັນສັງຄົມ, ທັງນີ້ກໍ່ເພື່ອໃຫ້ບັນລຸແນວທາງນະໂຍບາຍ ແລະ ແຜນພັດທະນາທີ່ພັກ-ລັດໄດ້ວາງໄວ້ສຳລັບຂົງເຂດຂອງພວກເຮົາ, ໃຫ້ເຂົ້າສູ່ລວງເລິກ, ເປັນລະບົບທົ່ວເຖິງສັງຄົມ, ສຶກສາອົບຮົມ ແນວຄິດ ການເມືອງໃຫ້ ສະມາຊິກພັກ-ພະນັກງານ-ລັດຖະກອນ ມີຄວາມອຸ່ນອ່ຽນ ທຸ່ນທ່ຽງ, ເຊື່ອມຊືມມະຕິກອງປະຊຸມໃຫ່ຍຄັ້ງທີ X ຂອງພັກປະຊາຊົນປະຕິວັດລາວ, ກົດລະບຽບຂອງພັກ 

ມີຄວາມສາມັກຄີເປັນເອກະພາບ ແລະ ເຊື່ອໝັ້ນຕໍ່ການນຳພາຂອງພັກ, ພ້ອມກັນຈັດຕັ້ງປະຕິບັດ ໜ້າທີ່ວິຊາສະເພາະຢ່າງຫ້າວຫັນມີຜົນສຳເລັດ ,ໃຫ້ມີ ຄວາມສາມັກຄີກົມກຽວ, ບຸກບືນຫ້າວຫັນຕໍ່ໜ້າທີ່ ວຽກງານທີ່ໄດ້ຮັບ ມອບ-ໝາຍ, ປະຕິບັດລະບຽບ ວິໄນຕໍ່ການຈັດຕັ້ງ, ມະຕິຄໍາສັ່ງ, ລະບຽບກົດໝາຍຂອງ ພັກ-ລັດ ວາງອອກຢ່າງເຂັ້ມງວດ. ພ້ອມນີ້, ກໍຕ້ອງມີແບບແຜນການເຮັດວຽກແບບໃໝ່, ປະສານສົມທົບກັບພາກສ່ວນກ່ຽວຂ້ອງ , ກະຊວງ, ແຂວງ ແລະ ຍາດແຍ່ງການຊ່ວຍເຫຼືອຈາກອົງການຈັດຕັ້ງສາກົນ ເພື່ອເຮັດໃຫ້ວຽກງານ ເຄື່ອນໄຫວໄປຕາມ ພາລະບົດບາດ, ໜ້າທີ່, ແລະ ຕາມແຜນການທີ່ໄດ້ກໍານົດໄວ້ໃຫ້ສຳເລັດຜົນໃນຊຸມປີຕໍ່ໜ້າ.
ພາບ-ຂ່າວ: ເພັດສະໄໝ (ກະຊວງແຮງງານ ແລະ ສະຫວັດດີການສັງຄົມ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.