Header Ads

ສອງອ້າຍນ້ອງຂົນເງິນ 98 ລ້ານບາດຂໍປະກັນຕົວ ແລະ ບໍ່ສູ້ຄະດີ! ເຈົ້າໜ້າທີ່ໄທໂອເຄ ແຕ່ບໍ່ໃຫ້ອອກນອກປະເທດຈົນກວ່າຈະດຳເນີນກວດສອບຢ່າງລະອຽດ!


ຂ່າວຕ່າງປະເທດ: ລາຍງານເພີ່ມຈາກ ແຫຼ່ງຂ່າວໄທ ໃຫ້ຮູ້ວ່າ, ພາຍຫຼັງການກວດຄົ້ນ ລົດຈີບແລນຄຣຸຍເຊີ ແລະ ພົບເງິນ 98 ລ້ານບາດ ພ້ອມການກັກຕົວ ສອງອ້າຍນ້ອງ ຄື ທ້າວ ສຸບັນ ເຕ້ຍສິຣິ ອາຍຸ 30​ ປີ ແລະ ນ້ອງຊາຍ ທ້າວ ຄຳບອນ ເຕ້ຍສີຣິ ອາຍຸ 24 ປີ. ເຊິ່ງທັງສອງໃຫ້ການສາລະພາບວ່າ່ ໄດ້ນຳເອົາເງິນ ໂດລາ 2.5 ລ້ານໂດລາ ມາເລາະແລກເອົາເງິນບາດ ເພາະວ່າ ທາງຄອບຄົວ ເຮັດທຸລະກິດ ແລກປ່ຽນເງິນຕາ ແລະ ທາງຕະຫຼາດຢູ່ລາວ ມີຄວາມຕ້ອງການແລກປ່ຽນເງິນບາດ ຈຳນວນຫຼາຍ ເພາະວ່າການແລກປ່ຽນ ເງິນທີ່ທະນາຄານຢູ່ລາວ ແມ່ນໄດ້ນ້ອຍ ແລະ ມີຂັ້ນຕອນ ເນື່ອງຈາກ ການຄວບຄຸມ ການແລກປ່ຽນເງິນຕາ.



ເຖິງຢ່າງໃດກໍ່ດີ ທາງເຈົ້າໜ້າທີ່ໄທຕ້ອງໄດ້ມີການສຳຫຼວດລະອຽດ ເຖິງທີ່ມາທີ່ໄປ. ເພາະຖ້າຄຳອ້າງເອົາເງິນ 2.5 ລ້ານໂດລາຂ້າມລາວ ມາເລາະແລກປ່ຽນເງິນບາດ ຢູ່ໄທ ກໍ່ຜິດ ທັງກົດໝາຍ ຢູ່ລາວ ແລະ ໄທ ຄື ຜິດໃນຂໍ້ຫາ ນຳເງິນ ໂດລາ ອອກປະເທດລາວ ກາຍ 10,000​ ໂດລາ ໂດຍບໍ່ມີການແຈ້ງອອກທີ່ຖືກຕ້ອງ, ຜິດໃນຂໍ້ຫາ ນໍາເງິນສົດ ໂດລາ ເຂົ້າປະເທດໄທ ໂດຍບໍ່ມີການແຈ້ງເອົາເງິນເຂົ້າຢ່າງຖືກຕ້ອງ ແລະ ທີ່ກຳລັງຖືກດຳເນີນການຄື ການພະຍາຍາມ ນຳເອົາເງິນ ບາດ 98 ລ້ານ ໂດລາ ທີ່ສູງກວ່າ ທີ່ທາງການໄທກຳນົດໄວ້ ຄື 450,000​ ບາດ ຕ້ອງໄດ້ມີການແຈ້ງການ. 



ຈາກຂໍ້ມູນ ທາງການໄທ ໃຫ້ຮູ້ອີກວ່າ ທະນາຍຄວາມຂອງ ສອງອ້າຍນ້ອງ ໄດ້ຍືນຂໍ້ສະເໜີ ຂໍປະກັນຕົວ ແລະ ບໍ່ຕ້ອງການສູ້ຄະດີ,​ ນັ້ນໝາຍຄວາມວ່່າ ຈະຍອມມອບເງິນ 98 ລ້ານບາດ ໃຫ້ທາງການໄທ ໂດຍບໍ່ມີການສູ້ຄະດີ. ຈາກການສະເໜີດັ່ງກ່າວ,​ ທາງເຈົ້າໜ້າທີ່ບອກວ່າສາມາດ ປະກັນຕົວ ແຕ່ບໍ່ອານຸຍາດ ໃຫ້ອອກຈາກປະເທດໄທ ຈົນກວ່າຈະມີການສືບສວນທຸກຢ່າງຮຽບຮ້ອຍ ຈິ່ງໄດ້ກັກໜັງສືຜ່ານແດນ ຂອງທັງສອງໄວ້.






ຂ່າວກ່ອນໜ້ານີ້



ປະເທດໄທ: ວັນທີ 12 ທັນວາ 2017 ລາຍງານຈາກ ເຈົ້າໜ້າທີ່ ດ່ານໜອງຄາຍ ໃຫ້ຮູ້ວ່າ ໄດ້ມີການກວດຄົ້ນ ລົດ ແລນຄຣຸຍເຊີ ທະບຽນ ລາວ ກຳແພງນະຄອນ ກກ 1844​ ທີ່ກຳລັງຈະຂ້າມຈາກ ໄທມາລາວ. ໄດ້ພົບເຫັນ ເງິນທີ່ຖືກເຊື່ອງໄວ້ກັບລົດດັ່ງກ່າວ. ນັບໄດ້ຈຳນວນ  98 ລ້ານບາດ. ທີ່ບັນຈຸໃນກອງນົມ ແລະ ມີລັງແກ້ວນໍ້າ ວັງທັບໄວ້ ພາຍໃນລົດ ແລະ ບໍລິເວນພາຍໃນ ກະໂປງໜ້າຂອງລົດ ຍັງມີຖົງຢາງທີ່ບັນຈຸເງິນເຊື່ອງໄວ້.


ຫຼ້າສຸດ ເຈົ້າໜ້າທີ່ໄດ້ຈັບກຸມ ຄົນລາວ 2 ຄົນ ທີ່ກ່ຽວຂ້ອງກັບການຂົນເງິນອອກນອກປະເທດໃນຄັ້ງນີ້ ໂດຍບໍ່ມີການຜ່ານຕາມຂັ້ນຕອນທີ່ຖືກຕ້ອງ ຂອງການເຄື່ອນຍ້າຍເງິນສົດ.

ພາບແລະຂ່າວ: ເຈົ້າໜ້າທີ່ດ່ານໜອງຄາຍ ແລະ ເພຈ ອີ່ຈັນ











------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





1 comment:

  1. เงินที่จะต้องจ่ายคืนให้แก่ประชาชนของ บริษัท PS

    ReplyDelete

Powered by Blogger.