Header Ads

ງານສະເຫລີມສະຫລອງບຸນກິນຈຽງຂອງຊາວເຜົ່າມົ້ງ ແລະ ບຸນເກຼິຂອງເຜົ່າກືມມຸປະຈໍາປີ 2017



ງານສະເຫລີມສະຫລອງບຸນກິນຈຽງຂອງຊາວເຜົ່າມົ້ງ ແລະ ບຸນເກຼິຂອງເຜົ່າກືມມຸປະຈໍາປີ 2017 ທີ່ບ້ານຫົວຊ້າງ ເມືອງອະນຸວົງແຂວງ ໄຊສົມບູນຈັດຂຶ້ນໃນຕອນເຊົ້າ ວັນທີ 21 ທັນວາ 2017 ທີ່ສະໂມ ສອນໃຫຍ່ຂອງເມືອງອານຸວົງ, ມີທ່ານ ບຸນສຸກ ຈອມອີສານ ຄະນະປະຈໍາພັກແຂວງ ປະທານສະພາປະຊາຊົນແຂວງ, ທ່ານ ດົວຊົ່ງ ເຈ່ຍໂກ້ ເລຂາພັກເມືອງ ຮອງເຈົ້າເມືອງ ເມືອງອານຸວົງ, ມີເລຂາພັກບ້ານ ນາຍບ້ານຫົວຊ້າງ ພ້ອມດ້ວຍຄະນະນໍາຂອງເມືອງ ແລະ ປະຊາຊົນອ້ອມຂ້າງເມືອງເຂົ້າຮ່ວມຢ່າງຄັບຂາໜາແໜ້ນ. 



 


ທ່ານ ດົວຊົ່ງ ເຈ່ຍໂກ້ ເລຂາພັກເມືອງ, ເລຂາພັກບ້ານ ນາຍບ້ານຫົວຊ້າງຂຶ້ນລາຍງານຄວາມເປັນມາຂອງບຸນກິນຈຽງຂອງຊາວເຜົ່າມົ້ງພ້ອມທັງຍົກໃຫ້ເຫັນວ່າ: ຊາວເຜົ່າມົ້ງແມ່ນໜຶ່ງໃນ 49 ຊົນເຜົ່າຂອງລາວ ເຊື່ງມີມູນເຊື້ອຮັກເຊື້ອແພງຊາດ, ມີຄວາມດຸໝັ່ນຂະຫຍັນພຽນ, ສາມັກຄີຮັກແພງ ແລະ ມີຮີດຄອງປະເພນີອັນດີງາມມາແຕ່ບູຮານນະການ. ບຸນກິນຈຽງ ຫລື ນໍ່ເປເຈົ່າຂອງຊາວເຜົ່າມົ້ງໄດ້ສືບທອດກັນມາແຕ່ປູ່ຍ່າຕານາຍຈົນມາຮອດປັດຈຸບັນ, ຍ້ອນຄວາມດຸໝັ່ນຂະຫຍາຍພຽນ ແລະ ເປັນເອກະລັກຂອງຊາວເຜົ່າມົ້ງ. ພາຍຫລັງສໍາເລັດການເກັບກ່ຽວມ້ຽນມັດຜົນລະປູກຂອງຕົນສໍາເລັດແລ້ວ ເມື່ອຮອດມື້ແຮມ 15 ຄໍ່າຂອງທຸກໆຊາວເຜົ່າມົ້ງພ້ອມກັນສະຫລຸບວຽກງານໃນໄລຍະໜຶ່ງປີຜ່ານມາ ພ້ອມທັງເປັນການສົ່ງທ້າຍປີເກົ່າ 2017 ແລະ ຕ້ອນຮັບປີໃໝ່ 2018 ຢ່າງມີບັນຍາກາດຟົດຟື້ນ. ພາຍໃນພິທີໄດ້ຈັດຫລາຍກິດຈະກໍາທີ່ເປັນເອກະລັກ ແລະ ສະແດງເຖິງຮີດຄອງປະພີນີບຸນກິນຈຽງຂອງຊາວເຜົ່າມົ້ງເປັນຕົ້ນ: ພິທີໄຫວ້ຜີບ້ານ, ຜີເຮືອນ, ບາສີສູ່ຂວັນ, ໂຍນໝາກຄອນ, ການແຂ່ງຂັນກິລາງົວຊົນງົວ,ຍິງໜ້າເກັກ ແລະ ອື່ນໆ ຕາມຄວາມເໝາະສົມ ນອກນັ້ນຍັງມີການ ກິນເຂົ້າສາມັກຄີເພື່ອຕ້ອນຮັບແຂກບ້ານ, ແຂກເມືອງທີ່ໄປຮ່ວມງານ, ນອກນີ້, ຍັງມີງານວາງສະ ແດງສິນຄ້າໜຶ່ງຈາກໜຶ່ງເມືອງໜຶ່ງຜະລິດຕະພັນຂອງປະຊາຊົນພາຍໃນເມືອງ ແລະ ບັນດາເມືອງອ້ອມຂ້າງເຊື່ງເປັນກິດຈະກໍາໜຶ່ງທີ່ນອນຢູ່ໃນກິດຈະກໍາຫລັກຂອງແຂວງໃນໂອກາດເປີດປີທ່ອງທ່ຽວພາຍໃນປີ 2019





ທີ່ມາ: ວິທະຍຸກະຈາຍສຽງແຫ່ງຊາດ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.