Header Ads

ອ່ານແລ້ວເສົ້າໃຈ !!! ອາສາກູ້ໄພໄປຊ່ວຍຜູ້ອື່ນ ໂຕເອງໄດ້ຮັບອຸບັດຕິດເຫດໃນລະຫວ່າງປະຕິບັດໜ້າທີ່




ໃນຄືນວັນທີ 12/12/2017 ເກີດເຫດບໍ່ຄາດຄິດອາສາກູ້ໄພນະຄອນຫລວງ 1624 ໄປຊ່ວຍຄົນເຈັບທີ່ເກີດອຸບັດຕິເຫດລົດຈັກລົ້ມເອງຫຼືວ່າມີລົດມາຕຳເອົາແລ້ວໜີ ຜູ້ປະສົບເຫດບາດເຈັບສົມຄວນ . ດັ່ງນັ້ນ,​ ໜ່ວຍກູ້ໄພນະຄອນຫລວງຈື່ງປະຖົມພະຍາບານເບື້ອງຕົ້ນແລ້ວນໍາສົ່ງໂຮງໝໍ 150ຕຽງ



ສ່ວນອາສາອີກຈຳນວນໜື່ງແມ່ນຢູ່ທີ່ເກີດເຫດເພາະຢ້ານລົດຜູ້ບາດເຈັບເສຍ ຫຼື ຈະເກີດອຸບັດຕິເຫດຊໍ້າຊ້ອນ ສະນັ້ນອາສາກູ້ໄພຈຶ່ງໄດ້ເອົາຟົດໄມ້ໄປວາງກັນໄວ້ຫ່າງຈາກລົດລົ້ມປະມານ 30 ກວ່າແມັດສອງຈຸດພ້ອມມີລົດສຸກເສີນທີ່ເປີດໄຟອຳນາດໄວ້ຢູ່ ແຕ່ໃນເວລານັ້ນເກີດເຫດບໍ່ຄາດຄິດຂື້ນມີລົດໃຫ່ຍມາດ້ວຍຄວາມໄວແລ່ນພ່າຕຳເອົາຟົດໄມ້ເຂົ້າມາຕຳເອົາອາສາທີ່ກຳລັງປະຕິບັດໜ້າທີ່ຢູ່ຈຸດເກີດເຫດເຮັດໃຫ້ຜູ້ກ່ຽວຕຳໃສ່ໜ້າລົດແລ້ວຟົ້ງຂື້ນເທິງຟ້າປະມານ 2 ແມັດແລະຕົກລົງໜ້າລົດໃນເວລານັ້ນລົດຍັງບໍ່ຢຸດເຮັດໃຫ້ຜູ້ກ່ຽວຢູ່ກ້ອງລົດລາກໄປປະມານ 20 ກ່ວາແມັດ ເລີຍເຮັດໃຫ້ອາສາໜ່ວຍກູ້ໄພນະຄອນຫລວງເຈັບສາຫັດມີອາກາດເຈັບຟົກຊຳ້ແຕ່ຫົວຮອດຕີນ ແລະ ກະດູກມີດຫັກນອນຮັກສາໂຕຢູ່ໃນປະຈຸດບັນນີ້.



ຝາກເລື່ອງນີ້ເປັນອຸທາຫອນສໍາລັບທຸກທ່ານໃນການຂັບຂີ່ຕາມທ້ອງຖະໜົນ ໂດຍສະເພາະເວລາລົດໜ່ວຍກູ້ຊີບຂໍທາງ ຫຼື ກໍາລັງປະຕິບັດໜ້າທີ່ ເພາະເລື່ອງນີ້ມັນແມ່ນໜຶ່ງໃນມານະຍາດທາງສັງຄົມ ແລະ ການໃຫ້ກຽດຄົນທີ່ເຂົາປະຕິບັດໜ້າທີ່ດ້ວຍນໍາໃຈສະຫຼະຊ່ວຍຜູ້ຄົນໃນສັງຄົມ ແລະ ພວກເຮົາເຈົ້າຂ້ອຍ ກໍຕ້ອງໃຫ້ກຽດພວກເຂົາເຫຼົ່ານັ້ນ ແລະ ເສຍສະຫຼະເວລາຫຼຸດຜ່ອນຄວາມໄວ ແລະ ປ່ອຍທາງໃຫ້ໜ່ວຍກູ້ຊີບໄປກ່ອນເພື່ອໄປກອບກູ້ຊີວິດຄົນທີ່ລໍ້ຖ້າການຊ່ວຍເຫຼືອຈາກໜ່ວຍກູ້ຊີບ



ອີກເທື່ອໜຶ່ງ, ການນໍາສະເໜີແບບກໍ່ບໍ່ແມ່ນໂຍນຄວາມຜິດໃຫ້ຄູ່ກໍລະນີຜູ້ທີ່ຕໍາອາສາກູ້ໄພ ບາງທີອາດເປັນເຫດສຸດວິໄສ ແຕ່ກໍຫວັງວ່າເລື່ອງນີ້ຈະເປັນກໍລະນີສຶກສາໃຫ້ສັງຄົມ ແລະ ເປັນເລື່ອງສະທ້ອນຄວາມຮັບຜິດຊອບຂອງສັງຄົມເຊັ່ນກັນ. 



ພົບເຫດສຸກເສີນແຈ້ງ 1624 ເບີດຽວໃນນະຄອນຫຼວງວຽງຈັນ. ທ່ານຍາກຊ່ວຍສາມາດບໍລິຈາກເຂົ້າບັນຊີ ສະມາຄົມອາສາກູ້ໄພນະຄອນຫຼວງວຽງຈັນ ໂດຍລະບຸການບໍລິຈາກ ທະນາຄານ ການຄ້າຕ່າງປະເທດລາວ ມະຫາຊົນ ບັນຊີ; THE ASSOCIATION OF VOLUNTARY RESCUE VIENTIANE ເລກບັນຊີ: LAK0101200າ00993902001 ເບີໂທຕິດຕໍ່ 020 2244 1624


ພາບ ແລະ ຂ່າວ: ກູ້ໄພນະຄອນຫລວງ1624
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.