Header Ads

ສະເຫຼີມສະຫຼອງສົ່ງທ້າຍປີເກົ່າ ຕ້ອນຮັບປີໃໜ່ຂອງເຜົ່າມົ້ງ ບ້ານປາງບົງ ເມືອງເງິນ

     


ວັນທີ່ 23 ທັນວາ 2017 ນີ້ຢູ່ທີ່ເດີນໂຮງຮຽນ ປະຖົມສົມບູນ ບ້ານປາງບົງ ເມືອງເງິນ ແຂວງ ໄຊຍະບູລີ ໄດ້ຈັດພິທີສະເຫຼີມສະຫຼອງສົ່ງທ້າຍປີເກົ່າ ຕ້ອນຮັບປີໃໜ່ຂອງເຜົ່າມົ້ງຂື້ນ. ເຂົ້າຮ່ວມເປັນກຽດມີທ່ານ ສີທະນົນໄຊທອງເທພາ ຄະນະປະຈຳພັກເມືອງ ຫົວໜ້າຫ້ອງວ່າການປົກຄອງເມືອງ,ມີປະທານແນວລາວສ້າງຊາດເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ນາຍບ້ານ, ພະນັກງານ, ທະຫານ, ຕຳຫຼວດ, ເຈົ້າກົກເຈົ້າເລົ່າ, ຫົວໜ້າຊິງຊາວ ຜູ້ຊົງຄຸນວຸດທິ, ຊາວໜຸມແມ່ງຍິງ ແລະ ພໍ່ແມ່ປະຊາຊົນເຂົ້າຮ່ວມຢ່າງຫຼວງຫຼາຍ.


         



 ໃນພິທີ ທ່ານ ສິງ ລີ ຕາງໜ້າ ອົງການປົກຄອງບ້ານໆ ປາງບົງໄດ້ຂື້ນຜ່ານປະຫວັດຄວາມເປັນມາຂອງບຸນກີນຈຽງ(ນໍເປເຈົ່າ)ຂອງເຜົ່າມົ້ງ ທັງເປັນການອານຸຮັກສາຮິດຄອງປະເພນີ ວັດທະນະທຳອັນດີງາມຂອງຊົນເຜົ່າລາວ ໂດຍສະເພາະແມ່ນເຜົ່າມົ້ງ ຈາກນັ້ນ ທ່ານ ວາເນັງ ລີ ເລຂາໜ່ວຍພັກນາຍບ້ານໆປາງບົງ ໄດ້ຂື້ຜ່ານບົດສະຫຼຸບຜົນຂອງການຈັດຕັ້ງປະຕິບັດວຽກນງານຮອບດ້ານໃນໄລຍະ 1 ປີ ຜ່ານມາ ພ້ອມທັງວາງທິດແຜນການໃສ່ຊຸມປີຕໍ່ໜ້າ ເພື່ອເປັນບ່ອນອິງໃຫ້ແກ່ການພັດທະນາເສດຖະກິດສັງຄົມ ຂອງເມືອງວາງອອກ ເພື່ອແນໃສ່ແກ້ໄຂຊີວິດການເປັນຢູ່ຂອງປະຊາຊົນ ໃຫ້ລຸດພົ້ນອອກຈາກຄວາມທຸກຍາກ ກາຍເປັນຄອບຄົວທີ່ມີລາຍຮັບສູງ ແລະ ຮັ່ງມີ .







ຕອນທ້າຍ ທ່ານ ສີທະນົນໄຊ ທອງເທພາ ຄະນະປະຈຳພັກເມືອງ ຫົວໜ້າຫ້ອງວ່າການປົກຄອງເມືອງ,ກໍ່ໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ອົງການປົກຄອງບ້ານຕະຫຼອດຮອດພໍ່ແມ່ປະຊາຊົນບັນດາເຜົ່າ ໃຫ້ພ້ອມກັນສຶບປົກປັກຮັກສາຮີດຄອງປະເພນີ-ວັດທະນະທຳອັນດີງາມຂອງເຜົ່າໄວ້ໃຫ້ໜັ້ນຄົງ ປີໃໜ່ທີ່ຈະມາເຖິງໃນໜໍ່ໆນີ້ຂໍອວຍພອນໃຫ້ບັນດາທ່ານມີສຸຂະພາບແຂງແຮງ ພາຍຫຼັງສຳເລັດພິີທີເປັນທາງການແລ້ວ ຄະນະປະທານ ກໍ່ໄດ້ພ້ອມກັນຊົມລາຍການສະແດງສີລະປະວັນນະຄະດີຂອງໂຮງຮຽນ ບົດຟ້ອນ ບົດເພັງ ອີກດ້ວຍ .


ໂດຍ: ສຸລິຍາ ແສງເດືອນ














------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.