Header Ads

ຈີນຈັດໜັກ!​ ເປີດຕົວຍັກແຫ່ງເວຫາແລະນະທີ AG600 (ຍົນທີ່ໃຫຍ່ທີ່ສຸດໃນໂລກຕອນນີ້) ຊົມຄລິບ


ຂ່າວຕ່າງປະເທດ: ຂໍ້ມູນຈາກສຳນັກຂ່າວຂອງຈີນ ໄດ້ເຜີຍແຜ່ ຄວາມສຳເລັດອີກຂັ້ນ ຂອງການທົດລອງບິນ ຍົນທີ່ໃຫຍ່ທີ່ສຸດໃນໂລກຕອນນີ້ ທີ່ສາມາດ ລົງນໍ້າ ແລະ ລຸຍບົກ (amphibious aircraft)  ຄື AG600  ໃນຕອນເຊົ້າ ວັນທີ 24 ທັນວາ 2017. ຍົນລຳນີ້ມີຊືວ່າ ຄຸນຫຼົງ Kunlong ທີ່ໄດ້ມີການອອກແບບ ແລະ  ພັດທະນາທີ່ປະເທດຈີນ ມາເປັນເວລາຫຼາຍປີສົມຄວນ.


ຖ້ຽວບິນທົດສອບ ທີ່ໃຊ້ເວລາປະມານ 1 ຊົ່ວໂມງ ທີ່ສະໜາມບິນ ເມືອງຈູໄຫ່ ປະເທດຈີນ. ການທົດສອບບິນຂຶ້ນລົງ ແມ່ນປະສົບຜົນສຳເລັດຢ່າງໜ້າພໍໃຈທີ່ສຸດ.


ຄຸນຫຼົງ ລໍານີ້ໃຫຍ່ຫຼາຍ ມີຄວາມກວ້າງຂອງປີກທັງສອງເຖິງ 38.8 ແມັດ, ຍາວ 37 ແມັດ, ສາມາດບິນໄດ້ດົນເຖິງ 12​ ຊົ່ວໂມງ, ມີຄວາມໄວທີ່ 570 ກິໂລແມັດ ຕໍ່ຊົວໂມງ ແລະ ບັນຈຸຄົນໄດ້ 50 ຄົນ. ເປັນຍົນທີ່ໃຊ້ໃບພັດ 4 ໃບ.  ບອກໄດ້ວ່າເປັນຍັກແຫ່ງເວຫາ. ທີ່ສາມາດລົງນໍ້າກໍ່ໄດ້ ແລະ ຂຶ້ນບົກກໍ່ດີ. ການພັດທະນາ ຍົນປະເພດນີ້ ຈະເໝາະສົມ ໃນການຊ່ວຍວຽກງານກູ້ໄພຕ່າງໆ. 




ຄຸນຫຼົງ ອາດຈະເປັນຍົນທີ່ໃຫຍ່ທີ່ສຸດໃນປະຈຸບັນ ທີ່ບິນໄດ້ແທ້,​ ແຕ່ໃນອາດີດ ອາເມລິກາ ກໍ່ມີຍົນທີ່ໃຫຍ່ຫຼາຍ ທີ່ເຄີຍທົດລອງບິນ ຄັ້ງດຽວ ຄື ຍົນ H-4 Hercules



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





No comments

Powered by Blogger.